旺角三層高台灣過江龍Cafe 嘆大份三文治、足料早午餐(有片)
2019-06-24

旺角呢間新開嘅Cafe好有台灣Feel,唔單止因為白色簡約門面加上裡面裝修有特色啱打卡,仲要連店員都係講國語?原來係嚟自台灣嘅人氣店,主打創意三文治、燉飯等,而且係香港少見嘅兩層室內加天台露天座位,瞬間真係好有去咗台灣Hea嘅感覺!
 



桔梗嚟自台北,兩間分店分別主打三文治同燉飯,而旺角店就有齊晒!而且環境寬敞,枱同枱之間唔會太逼。地下最多文青擺設,而二樓同天台就有梳化位,想點Chill你話事。
 


餐車風早午餐 龍蝦酪梨白酒奶油醬汁($148)

香港嘅限定Brunch!滑溜蛋捲裡面有芝士,上面就係加咗白酒嘅白汁龍蝦、牛油果(酪梨)、墨魚同魚肉。龍蝦肉相當彈牙,同帶淡淡酒香又Creamy嘅白汁非常夾,而其他配料就增添口感同味道層次。
 


旁邊嘅焦糖洋蔥抹醬亦有水準,配烘過嘅香脆法包食味道啱啱好。沙律就配上特製醬汁。細食嘅女生們建議Share嚟食。
 


海洋風三明治 炸軟殼蟹與檸檬香草酸奶($148)

台灣熱賣三文治,一個字:大!炸軟殼蟹已經夠大,一隻軟殼蟹已經近手掌大,裡面除咗兩隻軟殼蟹之外,仲有炸龍脷柳、炒蛋同醃漬紅甜椒,大份兼足料。
 


炸軟殼蟹非常酥脆,炸魚肉亦外脆內嫩,而且兩款炸物都無油膩感,配上酸中帶辣、又有香草香氣嘅檸檬香草酸忌廉就唔會覺得Heavy。不過建議大家都係把握時間食,因為有醬汁同炒蛋,擺得太耐炸物就唔夠香脆啦。
 

更多【新店直擊】:
1. 養顏黃金骨膠原美人雞湯!日本品牌美人鍋登陸觀塘
2. 將軍澳區商場翻新多間新餐廳進駐 Chocolate Rain親子餐廳、日本清酒配$98海鮮丼
3. 銅鑼灣新開牛串燒及燒酎專門店 26款刁轉牛部位+內臟 即叫即燒

 

當日昔昔($68/二人份)

Smoothies(果昔)亦係台灣店熱賣項目,每日都有唔同口味,好似開飯仔拍攝呢日就係莓果堅果Smoothies,紫紅色酸酸甜甜嘅雜莓Smoothies配上綠色嘅南瓜子、餅乾碎等,好味得嚟其實都有飽足感!
 


留意返旺角店係自助形式,落完Order要自己取餐。每日17:00前供應早午餐同三文治,想試燉飯就要等到17:00後。天台花園供應唔同味道嘅水煙,價錢$280起。
 








桔梗
地址:旺角砵蘭街160號地下至2樓




文、相、片:Cathy

關鍵字
旺角
早午餐
漢堡
燉飯
Cafe
桔梗
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
2019-11-08
給自己一個休息時間 10-11月下午茶推介
2019-10-25
高CP值放題推介
2019-11-07
鼎王來了!味道服務媲美台灣 必食麻辣鴨血鍋及員工教路秘製鼎王飯
2019-11-01
糧尾打氣!5間灣仔平價飯堂推介
2019-10-24