日本食評網高分!連續四年米芝蓮推介多賀野拉麵抵港 粟國塩味拉麵、豚鴨沾麵(有片)
2019-08-26

連續四年獲得東京米芝蓮推介嘅多賀野拉麵正式登陸尖沙咀!多賀野係位於東京一間拉麵小店,由高野先生及其太太兩夫婦小本經營,已經有23年歷史,亦喺日本食評網tabelog曾奪得3.99高分,拉麵專家們一定要嚟試吓佢!

店內裝潢走日式摩登風,有部份枱有趟門隔開,私隱度高。而且亦有唔少打卡位置。


香港店嘅菜單同日本店有八成相似,所有煮法都由日本嘅高野家親自傳授,保證食客食得返日本嘅味道!而且香港店亦秉承日本嘅態度,所有食物都堅持自己造,即叫即製,所以食客要畀啲心理準備要等耐少少啦。


店內有透明玻璃畀食客望住製麵過程,拉麵每日於店內新鮮製作,煙韌、掛湯力強,仔細嘴嚼後會散發出陣陣麥香。負責人話,會嚴格控制住製麵房嘅溫度及濕度,因為每一個因素對麵質嘅影響都好大。


粟國塩味拉麵($128)

自家製清湯底加上栗國產嘅鹽。粟國位於沖繩西北方約60公里,對於日本人嚟講,呢個地方出產嘅鹽係最純正,而且價格比普通海鹽貴六倍。湯底味道清淡,帶有陣陣鹽香。


多賀野醬油拉麵($128)

於清湯底加入豬骨及雞由朝到晚慢火熬煮,再加上自製濃湯。湯底清澈鮮甜,而且一啲都唔油膩,醬油味都恰到好處。


酸辣擔擔麵($138)

鍾意食濃味啲嘅朋友,不妨試吓呢個酸辣擔擔麵。湯底由清湯及酸辣湯組成,加入大量日式香辛料,如胡椒、唐辛子、花山椒及魚介等,嚐辣者必試。


更多【新店直擊】:
1. 幸福Pancake首次進駐九龍!尖沙咀新店限定宇治抹茶濃厚慕斯班戟
2. 上環新開實驗風台日式茶飲 旅遊達人引入倫敦人氣抹茶粉
3. 童年回憶!上環新開懷舊風小賣部 食自家製豬油撈飯、米磨腸粉(有片)


豚鴨沾麵($168)

沾麵亦都係餐廳另一招牌!沾麵汁用上豬、雞、鴨及魚干熬製,味道濃郁之餘有清新感,一啲都唔會漏~


蟹肉薯餅($68)、吉列炸蠔($78)

餐廳另有供應多款小食,炸物嘅粉漿都相當出色吓,鬆脆之外仲夠晒薄。吉列炸蠔好多汁,而蟹肉薯餅蟹肉味都幾重吓。


甜品方面有菠蘿雪葩($68)同椰子雪葩($68)食,食完拉麵後食返個簡直就完美啦!


餐廳連拉麵碗都藏有小心思,當客人飲晒所有湯後,會發現碗底印有「最後一滴最歡喜」嘅日文字。


多賀野  

地址: 尖沙咀梳士巴利道18號K11 MUSEA 2樓220號舖







文: Yanica

相、片: Tom Li


關鍵字
日本
米芝蓮
拉麵
東京
尖沙咀
過江龍
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
2019-11-29
【2019聖誕】早鳥優惠! 聖誕自助餐推介
2019-11-27
秋風起!5間大閘蟹放題食店集合
2019-11-19
【2019聖誕】年尾叉電 聖誕下午茶集合推介
2019-11-19
【2019聖誕】約會之選 聖誕市集推介
2天前