日本金賞炸雞店進駐太古!2度炸Juicy炸雞+香港限定和風辣醬
2021-10-01

日式唐揚炸雞一直都有唔少捧場客,最近就有一間日本人氣連鎖店嚟到香港開店,品牌連續連續9年榮獲日本唐揚炸雞大賞金賞,秘訣就係以「2度炸」方法鎖住雞肉水分,食落皮脆肉Juicy!日本顧問更特別設計香港限定嘅和風醬,香辣惹味。
 


炸雞以「2度炸」方式製作(圖片由餐廳提供)

雞笑香港首店位於太古康怡廣場,本店2010年於琦玉縣浦和開設,於2010年開業,而家喺日本有超過250間分店,亦先後喺更於台灣、馬來西亞、泰國等地設店。招牌唐揚炸雞用日本直送嘅秘製九州風味醬汁長時間醃製,選用大豆油以「2度炸」方式,先炸一次鎖住水分,再炸一次至金黃香脆。雞笑嘅海外市場顧問國田先生亦專程嚟到港監場,大部分食材、醃料都由直送,再喺香港加入新鮮水果加工。
 



唐揚炸雞胸($46/3件,$70/5件,$110/8件)

招牌炸雞選用日本無皮雞胸肉,坊間嘅炸雞胸通常都會比較乾柴,但佢哋嘅炸雞胸經過「2度炸」後保留相當水分。而且雞肉經過長時間醃製,食落醬油香氣濃郁,無需要點任何調味或者醬汁都夠味!
 


唐揚炸雞髀($46/3件,$70/5件,$110/8件)

雞胸之外亦有雞髀同雞中翼,雞髀連皮炸脆,入口比雞胸多咗一重雞油嘅香氣。
 


和風醬辣雞中翼($49/3件,$74/5件,$112/8件)

香港限定嘅和風醬由雞笑海外市場顧問國田先生調配,以近年大熱嘅韓式辣醬為基底,加上味噌、加上日式調味料唐辛子等10種日式調味料,辣度適中夠惹味,同時唔會蓋過醬油香。雞翼肉質亦相當嫩滑。
 


南蠻炸雞笑($54)

炸雞淋上南蠻醋同他他醬,味道更豐富!特別係他他醬喺日本蛋黃醬混入酸瓜碎,增加口感層次之餘,味道酸酸甜甜咁特別解膩。
 

更多【新店直擊】:
1. 銅鑼灣新開日式燒肉店 分店限定午巿燒肉套餐 + 晚巿燒肉放題
2. 天后全新精品朱古力Cafe 必試可可甜品拼盤+單品朱古力
3. 旺角新開日式丼飯店 打卡必點:乜蟹都有丼 + 火燒焦糖三文魚卷

 

南蠻炸雞漢堡包($58)

呢個漢堡喺日本係期間限定菜式,嚟到香港就「升呢」加入主Menu,漢堡包口感鬆軟,襯托出炸雞嘅香脆,而南蠻醬嘅微酸可以減低油膩感,食完一個都唔會覺得Heavy。
 


吉列雞塊咖哩飯($72)

咖喱係餐廳以秘方調製,同坊間日式咖喱一樣味道帶甜唔會辣,而且仲多咗陣豐富辛香料香味,送飯定配酥脆嘅吉列雞塊都咁啱。
 


唐揚炸雞便當($68)

一份有齊唐揚炸雞胸同唐揚炸雞髀,性價比高。
 


(左)和風辣醬,(右)他他醬(各$8/份)

兩款醬汁亦可以單點,和風辣醬香辣惹味,他他醬味道酸甜、帶酸瓜碎咬口。
 


(左)星星堂檸檬薑綠茶,(右)星星堂洛神玫瑰茉莉花茶(各$28,跟餐追加$18)

餐廳亦同星星堂合作,佢哋係為自閉人士創立、提供培訓同就業機會嘅本地社企。兩款冷泡茶都口味都非常清爽,而且低咖啡因。
 




雞笑
地址:太古康山道1-2號康怡廣場南座AEON G樓9-10號舖




文:Cathy.H
相:Cathy.H、餐廳提供

關鍵字
太古
康怡
唐揚炸雞
日式炸雞
雞笑
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
1天前
【2022生日優惠】持續更新!5月壽星+指定月份補祝生日 嘆火鍋78折起
2022-04-29
晚市堂食恢復!最新酒店自助晚餐一覽 低至78折、龍蝦/海膽主題
2022-04-20
好消息!6間老店/人氣小店 結業重開
7天前
8大必試片皮鴨!超平$178/隻、特色北京填鴨三食
2022-04-27