近年香港有唔少新派點心店，令「一盅兩件」完全飛甩老土形象。好似呢間摩登中菜館最近唔單止開新分店，仲新加唔少可愛造型點心。新店仲有巨型扭蛋機同懷舊扭卡機，畀大家扭出得意精品同優惠！
 

唐宮小聚香港第四間分店坐落沙田新城市廣場，門口有巨型扭蛋機，開張頭一個月消費滿$400就可以玩一次扭蛋，裡面會有辛苦小豬杯緣子、得意小豬杯蓋、乳鴿鎖匙扣，或黑金流沙杯緣子，得意之餘下次消費出示返就可以免費換領指定點心或菜式^！ 
 

而扭卡機就唔需要任何消費，親身去就有機會扭出$50元現金券或者全單8折優惠優惠劵*！另外仲有其他卡就係懷舊設計嘅乳鴿小知識。
 

白玉王鴿（堂食優惠價$38/隻，外賣$49/隻）

沙田乳鴿相當出名，餐廳之前特別搵嚟入行三十年嘅乳鴿專家，改良傳統配方，加上選用適齡乳鴿，炸至皮脆肉嫩。鴿肉口感嫩滑，肉汁香濃。
 

可愛企鵝（$49/3件）

新出點心之一，粉紅色嘅企鵝其實係用墨汁同紅菜頭上色嘅蝦餃，墨魚汁同紅菜頭汁味道其實唔係好明顯，勝在令彈牙足料嘅蝦餃增添一份可愛。
 

流心燒賣（$49/3件）

睇落同一般燒賣無咩分別，其實裡面係半熟鵪鶉蛋！所以咬開有少少流心效果，亦令燒賣更香口。
 

黑金流沙（$49/3件）

講到流心就唔可以唔提店家嘅招牌之一：竹炭流沙奶黃包！竹炭粉製作嘅黑色包再掃上可食用金粉，一搣開就係熱辣辣嘅流沙奶黃餡。
 

鵝肝雪條（$49/2件）

迷你雪條裡面係用咗鵝肝製作嘅慕斯，外面就裹上一層開心果，所以食落係內軟外脆，既有鵝肝嘅醇香同開心果嘅鹹香。
 

 

煎辣小籠（$39/3件）

用煎Pan奉上嘅係煎至金黃脆底嘅小籠包，特別之處在於咬開就會爆出餐廳特別調製嘅麻辣汁！加上肉汁嘅鮮味，刺激又好味。
 

火焰菠蘿（$119）

好啱相機食先嘅火焰菠蘿，顧名思義用原個菠蘿上枱，店員會即席點火令菠蘿聞起嚟更香甜！裡面係香腍入味嘅紅咖喱炆牛肋條。
 

得意小豬（$39/件）

可愛立體嘅粉紅色豬仔其實係椰奶風味嘅奶凍，夠晒彈所以用個羮輕輕一拍就有「凍L」效果，小朋友一定鍾意！配搭黑白淡奶一齊食，甜而不膩。
 

新店當中有店中店！呢期就以冬天唔少得嘅臘味做主題，自家品牌獨家秘方醃製，選用廣西黑毛豬生曬，有臘腸、潤腸、臘肉、鴨髀（各$98/份），買臘味四寶禮盒仲包埋一罐東北石板米呀。
 

嚟自新加坡嘅曲奇禮盒，有娘惹椰糖、麻辣、班蘭椰子，同麥片蝦共四款口味（各$88/罐）。
 

唐宮小聚
地址：沙田沙田正街18號新城市廣場第三期3樓A333號舖

^信物換領優惠使用條款及細則:
1. 只適用於沙田新城市廣場分店使用
2. 凡下次消費向店員出示信物即可獲得指定菜式一客
3. 扭蛋機可使用期間為2020年1月18日至2020年2月18日
4. 優惠只供堂食使用，不設外帶
5. 優惠不可兌換現金及不設找續
6. 優惠不得與其它優惠同時併用
7. 每枱次消費只可憑一個信物換領一次指定菜式
8. 信物換領優惠於2020年2月29日前可無限次使用
9. 優惠只限於指定的產品內容，唐宮集團保有調整活動辦法及優惠內容之權利

*優惠券卡使用條款及細則:
1. 只適用於沙田新城市廣場分店使用
2. 凡下次消費滿$250可使用一張
3. 結帳前請出示優惠劵(影印本無效)
4. 優惠只供堂食使用，不設外帶
5. 優惠不可兌換現金及不設找續
6. 優惠不得與其它優惠同時併用
7. 每枱次消費只可使用一張優惠劵
8. 優惠只限使用一次
9. 優惠限購買優惠劵上之產品內容，唐宮集團保有調整活動辦法及優惠內容之權利

文、相、片：Cathy