懷舊裝修花膠館!熬足10小時花膠雞湯變湯麵、任食火鍋(有片)
2019-02-14

花膠口感軟滑又養顏,係唔少女士嘅最愛,最近屯門就有間懷舊主題餐廳以花膠做主打,湯底用鮮雞同南非花膠熬超過10小時。午市主打花膠飯麵,晚市就變成花膠雞湯鍋打邊爐!火鍋最平$200樓下就可以任飲任食兩個鐘啦。
 


屯門新開嘅火水爐花膠館其實係旺角火水爐冰室火鍋嘅分店,睇名大家應該都估到主打花膠菜式,不變嘅係裝修同樣以懷舊戲院為主題,門口係復古手繪油畫風電影海報,裡面有八九十年代經典電影名霓虹燈管,加上火水爐裝飾、綠白色紙皮石地磚,播埋粵語金曲,成個Feel真係好復古!
 

午市歎花膠飯麵


花膠雲吞湯麵($48)

湯底用原隻新鮮雞配南非花膠,每晚熬至少10個鐘到隔日,無添加味精,啖啖鮮、香、濃、甜。麵亦係自家製,麵條爽口彈牙,比坊間一般生麵少鹼水味。
 


配料嘅花膠就嚟自美洲加勒比海天然深海,食落重膠質,含豐富膠原蛋白,有滋陰養顏功效。而且厚度適中,口感爽滑彈牙。
 


招牌花膠雞髀飯($58)

男士們如果怕麵食唔夠飽,呢度亦有花膠飯供應,花膠用鮑魚汁炆過,增添香味,而且夠厚身唔會過腍。配料亦有水準,雞髀肉嫩滑,花菇爽腍入味。
 


炸豬手($48)

除咗粥粉麵飯之外,亦有香口小食可以同朋友Share食,例如呢份比較少見嘅炸豬手,南乳香味十足,加上炸得夠鬆脆,豬皮外脆內彈,豬肉亦相當香口。
 

更多【新店直擊】:
1. 北海道蝦湯拉麵名店登陸上環!試7款蝦湯湯底、香港限定小食
2. 泰北口味濃香牛船河、冬陰海鮮湯粉 尖沙咀新開泰國菜
3. 足120g果肉貓山王沙冰配Churros 旺角新開飲品小食店

 
晚市任食火鍋


濃厚花膠雞湯鍋安格斯火鍋($198/位,21:00後優惠價$168)

晚市火鍋繼續有得食花膠!有濃厚花膠雞湯鍋同麻辣花膠雞煲兩款口味選擇,而呢個套餐就已經包當中一款湯/鍋、餐前小食、懷舊甜品,而超過60款火鍋配料同汽水就120分鐘任食任飲!開飯仔就揀咗濃厚花膠雞湯鍋,雞湯香味加上花膠膠質真係無得輸,打邊爐之前記得飲返碗!
 



特級安格斯牛肉


黑毛豬肉片

可以任食嘅包括特級安格斯牛肉、美國珍寶肥牛、黑毛豬肉片、特色丸子、手包雲吞水餃、脆炸響鈴、炸魚皮、水魷、蔬菜、麵類等等。唔好以為選擇咁多加上放題水準就一般,特級安格斯牛肉牛香濃郁口感軟嫩,肥牛片唔會得雪花食落又無渣,最驚喜嘅係黑毛豬肉片,柔滑帶甜味!

想再豪啲嘅,可以選擇$258/位(21:00後優惠價$228)嘅安格斯海鮮火鍋套餐,包埋時令海鮮拼盤同自選湯底;牛魔王就可以再升呢至298/位(21:00後優惠價$228)嘅牛小排海鮮火鍋套餐,就可以任食埋頂級牛小排啦。
 







火水爐花膠館
地址:屯門屯隆街2號屯門時代廣場北翼地下35-38號舖




文、相、片:Cathy

關鍵字
屯門
花膠
花膠湯麵
養生
火鍋
任食
火水爐花膠館
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2020-06-26
食豪啲啲 城中5間海鮮+肉扒父親節自助餐
2020-06-10
5月份好評餐廳十強
2020-06-05
至甜初夏 6月下午茶推介
2020-06-15
灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
2020-06-11