必食巨型火山排骨!旺角新開現代泰菜館(有片)
2020-06-03

暫時飛唔到去泰國,喺香港食住泰國菜先吖。好似旺角呢間新店就有曼谷拉差達火車夜市熱賣嘅火山排骨!將排骨疊高再淋上秘製酸辣醬汁,好惹味!另外仲有唔少創意菜式,富泰國風味又有特色。
 


精選拼盤($148)

Bamboo Thai主打以現代烹調方法演繹嘅經典泰國菜式,好似呢份精選拼盤,就有齊蝦米紙卷、春卷、炸魷魚、沙嗲雞肉同炸魚餅。蝦米紙卷味道最清爽,而沙嗲醬富花生香配雞肉好夾,炸魚餅就勝在香料味加分。炸物可以點酸辣汁,或者用新鮮蔬菜包嚟食,香口嘅同時又唔會覺得膩。
 


火山排骨($188/大,$98/小)

必點招牌菜!採用荷蘭豬頸骨,特色係肉質軟嫩又無筋。豬頸骨先用香茅、南薑、芫茜、青檸葉等煮一個半鐘,再淋上用泰國香草、辣椒調配嘅秘製醬汁,酸酸辣辣咁零舍醒胃。
 


餐廳亦貼心地準備膠手套,方便大家拎起排骨用手食,近骨嘅位置會帶少少肥膏,特別香口。
 


紅咖哩牛肋骨配青木瓜沙律($158)

泰式紅咖哩以紅辣椒為主,比香港人食開嘅黃咖喱更辣。呢碟紅咖哩牛肋骨就將煎香嘅牛肋骨加紅咖喱、香茅、南薑、青檸葉、椰汁等材料一齊用低溫68°C慢煮18個鐘,入味之餘亦令牛肉保持嫩中帶韌嘅口感。配搭青木瓜沙律,清爽解膩。
 


泰式番茄海鮮湯檬($98)

呢碗泰式番茄海鮮湯檬嘅蕃茄湯底味道酸中帶辣,夏天食都唔怕無胃口。而且加入蝦肉同蟹肉,令蕃茄湯飲落更有鮮味。檬粉吸收晒湯底精華,好滿足。
 

更多【新店直擊】:
1. 銅鑼灣新開韓式紙盒吐司專門店!足料軟殼蟹滑蛋/泡菜豚五花芝士口味
2. 門神進駐旺角「手工啤酒街」 Juicy牛肉包+酒香醉雞翼
3. 抗疫價$15足料日式丼飯!深水埗新開抵食小店

 

楊枝甘露($58)

估唔到泰國餐廳,甜品居然走Fusion風格,好似呢碟就以港式經典甜品楊枝甘露為靈感,但一樣有芒果汁、西柚肉同西米,但用椰子雪葩取代花奶同椰奶,椰香更濃郁口感亦更冰涼!下面係柔滑帶甜嘅白朱古力泡泡、再加清甜芒果肉同香脆蜂巢脆糖點綴,口感層次豐富。
 


香茅薑茶($42)






Bamboo Thai  
地址:旺角亞皆老街8號朗豪坊8樓02-03號舖




文、相、片:Cathy

關鍵字
旺角
泰國菜
火山排骨
咖哩
Bamboo Thai
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
5天前
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
Stephy新開茶飲店 台灣回流 期間限定 聯乘Snoopy推棉花糖朱古力特飲
2020-09-11