復古情書主題+花香心形廂座 中環新開浪漫酒吧餐廳(有片)
2018-03-09

情侶想搵間浪漫餐廳慶祝?中環呢間新開嘅酒吧餐廳就啱哂:掛滿天花板嘅乾花、雲石地板上嘅情書摘錄、心形廂座同復古香水樽等等。一系列主題雞尾酒同以地中海風味為主嘅歐陸菜式亦相當吸引,就算身邊未有另一半,都不妨同好姐妹嚟享受下好似置身童話當中嘅感覺。
 

浪漫主題裝修



Dear Lilly位於國際金融中心四樓頂層,玻璃屋自然透光非常舒適。而踏入餐廳可以見到分開三個心形廂座,中間最大嘅Bar,左右兩邊係Dining Area。設計靈感嚟自心形復古珠寶首飾盒,加上以舒適嘅天鵝絨包裹,打卡搶眼之餘亦坐得非常舒服。
 



天花板掛滿薰衣草同洋甘菊,四周亦有唔少擺咗花嘅復古香水樽,令大家被花香包圍。而無論雲石地板、酒吧天花懸掛嘅紙、Menu上面印住嘅情書同情詩,原來嚟自第一次世界大戰同第二次世界大戰期間,士兵送畀情人嘅情書摘錄。配埋復古銀飾同古董裝飾,未飲酒就已經被呢股浪漫氣氛醉倒啦。
 

精美法式雞尾酒


Mad Enchantment($120)

酒吧唔少雞尾酒係以歷史悠久嘅法式雞尾酒作為靈感,例如呢杯用精緻茶杯裝住嘅Mad Enchantment就特別加入法國嘅皮耶蘋果白蘭地(Pere Magloire Calvados),配紅麗葉開胃酒、蘋果汁、檸檬汁同黑莓蓉等等,味道甜蜜帶果香。
 


Green Fairy($120)

而呢杯Green Fairy就以瑪杜莎蘭姆酒同查特綠香甜酒做主調,配搭柚子汁、菠蘿汁同椰子水。最特別嘅係上面加上玫瑰點綴,最後會用香水瓶噴上苦艾酒。色、香、味都落足心思。
 


Avignon($120)

以法國普羅旺斯城市Avignon為名,靈感來自當地嘅柔和陽光。材料亦選用橙、檸檬、肉桂糖漿、梅子苦酒同琴酒,再加代表普羅旺斯嘅薰衣草裝飾,感覺清新。
 

地中海風味菜式


Slow Cooked Octopus($128)

而餐廳供應嘅歐陸菜以地中海風味為主,分量較大適合一齊分享。前菜推介呢道12小時慢煮八爪魚,鎖住八爪魚嘅鮮味之餘,再加烤胡椒莎莎醬汁增加口感層次。最後以海苔鷹嘴豆蓉同火箭菜點綴。
 


Grilled Cornfed Chicken($168)

主菜有漢堡、闊條扁麵、烤羊扒、烤肉眼牛扒等選擇,如果想食Light啲嘅話就有呢道烤法國全雞,先加橄欖油同百里香慢煮三小時以保持鮮嫩肉質。Order後就放喺烤架上炭燒,增加風味。
 



Apple Yuzu Cremeux($78)

最後當然要用甜品為大廚畫上甜蜜句號!蘋果嘅香味同柚子嘅酸味配搭得宜,有一新味蕾嘅感覺。而Cremeux上面配以意大利蛋白甜餅,旁邊係熱情果薄荷醬同洛神花醬,想點樣配搭完全由你話事。
 



除咗佔地2,000平方尺嘅玻璃屋,大家亦可以選擇到室外,一邊享受美食,一邊欣賞維港海景。如果想食平少少,可以選擇午市嚟食Two Courses Lunch($138起)或Three Courses Lunch($188起)。正所謂食物當然有價,但一個浪漫而滿足嘅用餐體驗,係無價嘅。
 






 

更多【新店直擊】:
1. 九龍灣新開日式親子餐廳 全自動新幹線列車送餐
2. 新加坡大廚主理 黑白café娘惹風濃湯叻沙、蝦麵
3. 尖咀人氣過江龍拉麵店 季節限定香濃龍蝦沾麵配海膽汁



Dear Lilly
中環金融街8號國際金融中心商場4樓4010號舖




文、相:Cathy

關鍵字
中環
酒吧
歐陸菜
雞尾酒
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
4天前
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
Stephy新開茶飲店 台灣回流 期間限定 聯乘Snoopy推棉花糖朱古力特飲
2020-09-11