居高臨下歎香檳蝦餃、片皮烤鴨 中環新開靚景摩登中菜館
2019-02-26

近年有唔少中菜均加入新派元素,喺傳統當中加入新手法或食材。呢間最近喺中環蘭桂芳當中新開嘅摩登中菜館就主打大受歡迎嘅創意點心、燒烤菜式等。賣相精緻之餘亦選用優質食材,配合大廚心思,味道同樣出眾。
 


紅樓主打以新派手法演繹嘅傳統中菜,靈感嚟自中國傳統文化對紅色嘅理解,演繹出繁榮、活力等元素。餐廳位於中環蘭桂芳一座大廈23樓,居高臨下坐擁鬧市美景,裝修亦以摩登中國風為主。午市供應精緻點心,晚市則有招牌燒肉、海鮮菜式、素食等多元化選擇。
 


香檳金蝦餃($52)

紅樓有供應姊妹店,位於ifc嘅招牌點心:香檳金蝦餃,粉紅而晶瑩剔透嘅蝦餃皮係加入紅菜頭汁,上面更掃上金色更顯矜貴。蝦肉餡特別加入香檳以突出蝦嘅鮮味。
 


松露天鵝酥($42)

優雅天鵝造型,天鵝嘅身其實係奢華版嘅芋角,外面酥脆而裡面就加入黑松露、蝦、鵝肝,香味十足。
 


黑豚肉叉燒腸粉($68)

腸粉即點即製,夠薄可以見到裡面選用日本黑豚肉製作嘅叉燒粒。可以按自己口味倒上豉油,鹹香惹味。
 


招牌花膠滋補養生鍋($888)

招牌花膠煲選用上等花膠,加靈芝菇、乾螺頭、豬軟骨、蟲草花、紅棗、杞子等食材慢火清燉12個鐘!前四種食材令湯底清甜滋潤,而紅棗同杞子就兼顧到養生功效。花膠本身就含有豐富骨膠原蛋白同低卡路里,加上餐廳無添加味精,及選用低鹽少油食譜,更加健康。
 


食完花膠飲碗湯之後可以配進口和牛片或新鮮龍蝦片,養顏同時滿足味蕾。呢度係四人份,每人可以分到一大塊花膠!人多嘅話可以再加花膠($250/片)。
 

更多【新店直擊】:
1. 慢煮12小時嫩雞/豬肋骨+ Happy Hour $35一杯酒 中環蘇豪區新開藝術餐廳
2. 台式麻辣火鍋再開分店 新增香港限定花膠雞鍋
3. 全港首間Leica聯乘Cafe!獨特港式風味咖啡、輕食

 

紅樓片皮烤鴨(原隻 $498)

烤鴨即席切片前會先上原隻比大家「相機食先」,烤鴨選用約五斤廣東鴨,先用慢火烤一個鐘頭令鴨肉熟透,最後開大火逼出鴨油,亦令鴨皮更加香脆。所以每件烤鴨片都皮脆肉滑,保留肉汁,滿嘴甘香。
 


而每份片皮鴨都會配搭自家製嘅薄餅皮同六款配料,包括青瓜、蜜瓜、子薑、京蔥、砂糖,同秘製醬料,醬料鹹甜有致,青瓜、蜜瓜等清甜多汁,京蔥帶辣,可以平衡鴨皮膩感。
 


同弄手撕初生豬($688)(即烤45分鐘)

乳豬同樣會先上原隻,選用約60日四斤重嘅越南乳豬,先用香料醃製再以爐火燒烤而成,香氣四溢。乳豬上過皮水再烤,豬皮光滑油潤,顏色吸引。
 


食落豬皮薄脆猶勝薯片,豬肉嫩滑、連骨都烤至酥香。不過就咁食可能會覺得油香較重,可以點餐廳秘製醬料同砂糖增添風味。
 


(左)柴($98),(右)油($108)

以開門七件事「柴米油鹽醬醋茶」為靈感而創作出黎嘅一系列手工雞尾酒,特色係採用低溫慢煮三個鐘嘅烈酒加上現代調酒技術調配而成。例如柴就以Rum酒慢煮蘋果肉桂腰果,肉桂香之中帶甜味。油就用Jim Beam威士忌慢煮核桃,再加椰子糖漿同橙皮。
 






紅樓
地址:中環蘭桂坊德己立街32號加州大廈23樓




文、相:Cathy

關鍵字
中環
蘭桂坊
中菜
點心
香檳金蝦餃
花膠
烤鴨
紅樓
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
3天前
【特約分享】超抵外賣陪你抗疫 即睇將軍澳飲食地圖!
2020-03-10
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
2月份好評餐廳十強
2020-03-05
【3月生日】優惠情報!有折扣仲有生蠔送
2020-03-03