尖沙咀厚福街食台式小食!$22迷你肉燥飯、紫薯餡麻糬波波(有片)
2019-05-07

幾時都話尖沙咀厚福街係食街嚟嘅,最近有呢間主打台式夜市小食同火車便當嘅新店進駐,白色門面加上盤栽裝飾好有文青Feel,而且食物分量足料,迷你肉燥飯嘅肉燥有差唔多三分一碗,麻糬波波裡面有地瓜或者紫薯蓉,柑橘百香鮮果茶啖啖都有百香果籽,大滿足。
 


麻糬波波($16)

新店叫台北車站,專賣鹽酥小食同便當,選擇多元化。煙韌控必試呢串麻糬波波,一串有齊地瓜同紫薯兩款口味,炸過後麻糬外脆內煙韌,最加分嘅係裡面仲分別有地瓜同紫薯蓉,甜度適中而且相當綿滑,口感層次豐富。
 


蔥抓餅($24)

除咗新派小食,亦有部分古早味選擇,好似呢份蔥抓餅咁。口感非常酥脆,不失麵粉香同蔥味,加埋酸辣醬更香口。唯一扣分點係炸得略油。
 


迷你肉燥飯($22)

肉燥飯都可以當掃街小食?因為係杯裝迷你版吖嘛!細細份就唔怕食得太飽,當下午茶就最啱啦。肉燥係幾位老闆一齊研究同改良咗好多次嘅秘方,富豬肉同紅蔥頭香。而且肉汁夠多,肉燥分量又有差唔多三分一杯,撈飯完全唔使驚唔夠呀。
 


小時候鹽酥雞便當($48)

便當方面有四款口味選擇,同樣都有香噴噴嘅肉燥,而呢份配埋鹽酥雞嘅係人氣No.1。鹽酥雞外脆內嫩,惹味得嚟又唔會過鹹。店家選用日本珍珠米,粒粒分明。而且仲有脆口帶酸嘅腌青瓜,便當食到一半嘅時候食返兩塊解膩就最啱。
 

更多【新店直擊】:
1. 人氣酸奶品牌登陸旺角 Q彈紫米酸奶、清新芒芒果海
2. 銅鑼灣新開$78新派素食自助餐 六十多款任揀 素食壽司、冰鎮咕嚕肉
3. 旺角消暑甜品推介!$32就食盡自家製糰子+抹茶雪糕+寒天+芋圓+紅豆

 

初戀草莓歐蕾($32)

紅色掛杯賣相非常搶眼,草莓歐蕾即係士多啤梨牛奶,打卡後記得將士多啤梨醬搞勻先飲。士多啤梨甜味自然討好,不時飲到少少士多啤梨果籽增加咬口。
 


柑橘百香鮮果茶($34)

顧名思義以柑橘同百香果為主嘅水果茶,兩款水果都係酸酸甜甜咁,夏天飲返杯唔單止消暑仲可以開胃!而且水果分量十足,有士多啤梨、青檸等,百香果籽仲要多到好似珍珠咁啖啖都飲到。
 






台北車站
地址:尖沙咀厚福街9號豪華閣地下A號舖




文、相、片:Cathy

關鍵字
尖沙咀
小食
便當
鹽酥雞
肉燥飯
台灣菜
台北車站
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
4天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
牛大人火鍋姊妹店!旺角新開台式燒肉吃到飽 任食澳洲 M5 和牛、SRF極黑牛霜降牛肉眼
2020-10-19
【即睇10月生日】酒店半價放題 Tiffany & Co.旗艦店導賞
2020-10-06
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12