尋找窩心靚粥
2008-04-17
生病時想食粥,天氣熱無胃口時都想食粥,用米加水煮成的粥,是最窩心的Comfort Food。廣東粥以把米煮至稀爛、入口綿滑為上品,簡單如白粥,講究至生滾新鮮魚腩粥,各有捧場客。以下為OpenRice食家最愛的粥品店,哪間是你的心水選擇?
(Cover Photo by glucose)

生記粥品專家

(Photo by 咪呀)

門口經常排長龍的生記,以真材實料的靚魚粥馳名,魚骨、魚腩、魚球、魚片粥都是最受歡迎的選擇,新鮮的鯇魚每兩小時入貨一次,難怪魚肉鮮甜嫩滑,配合凌晨2點半開始熬的粥底,吃過後都會留下深刻印象。這裡的粥品並不便宜,每碗賣$20至$30,但份量夠大,大男人也夠飽肚。

食家食評節錄:

  • cutteRMirror:米煮得開爛,粥又軟又綿,經過大火的洗禮,更是燙口窩心。魚丸大大粒,散發著蔥和果皮的清香,點了薑蔥豉油,更是鮮甜。

  • 咪呀:個豬雜…幾新鮮丫,點d薑蔥豉油食,唔錯。最好係個豬心,爽口無腥味,至於個豬潤,就切得有點太厚la。

  • 搣叉燒:我自問由細食粥食到大,食過咁多間粥鋪,暫時只係得生記俾我覺得啖粥係清甜而且可以肯定係無味精既嘅。

    必食菜式:魚腩魚骨粥、鯪魚球粥、豬肝粥、雞粥

    瀏覽生記粥品專家其它食評


    妹記生滾粥品

    (Photo by glucose)

    70年代已開業的妹記,同樣以生滾魚粥馳名,這裡的粥品選擇不多,但仍然客似雲來,日本傳媒也曾採訪,更設日文餐牌照顧日本遊客,就知道這裡的粥有多吸引。粥底以一斤鹹水魚一斤米的比例煲成,凌晨12點便開始煲。招牌魚腩粥會先將魚腩爆香才放入粥底內滾,令魚腩特別鮮味。

    食家食評節錄:

  • jo712:至於個油條真係估佢唔到咁脆…以為放左好耐都應該唔脆食落又唔錯…真係可以去試吓嘅…

  • 西門町大惡男:粥底依舊的綿,隨魚膘添加酒香,薄切的魚腩甜而無添加泥味,少有的吃個沒停,近乎要追加的程度。

  • glucose:粥底有魚的味道,清新自然,魚腩肥美新鮮,魚骨位置的膠質粘著,熟的程度恰到好處,魚腩沒有腥味,怎能叫人忘懷?

    必食菜式:魚腩粥、肉丸粥、魚皮

    瀏覽妹記生滾粥品其它食評


    羅富記粥麵專家

    (Photo by 搵黎緊係食啦)

    粥品和粉麵同樣馳名的羅富記,以及第粥、滑牛粥及皮蛋鹹瘦肉粥最受歡迎,粥底綿滑。不過最出名還是炸鯪魚球,彈牙的鯪魚球混有果皮香,配以蜆芥汁就最滋味。一份小的鯪魚球只有3粒,一個人光顧都方便品嚐。

    食家食評節錄:

  • 任飲任食:及第粥料多~粥開晒花~味道好~口感正~好綿!一個字:正!

  • annakellyly:豬膶肉丸粥-保持一貫水準,粥底夠綿,肉丸爽口有肉味,唔會死實實,豬膶都唔錯,不過略嫌切得太薄,無乜口感…

  • 搵黎緊係食啦:粥裡面的魚片應該係鯇魚片,數量一點也不少,吃到底還有。至於鯪魚球叫了細碟,係新鮮炸,好香,果皮味唔係好夠,但已經好好。

    必食菜式:炸鯪魚球、及第粥、滑牛粥、皮蛋鹹瘦肉粥

    瀏覽羅富記粥麵專家其它食評
    富記粥品

    (Photo by 蝗蟲同學)

    已有數十年歷史的富記粥品,用瑤柱熬粥底,粥品選擇甚多,瘦肉粥、雞粥、生滾魚腩粥、及第粥、豬膶粥,另外還有較少有的火鴨粥,因為這裡的燒味和小菜亦很馳名。有食客更讚賞燒鵝加入粥後,皮仍然是脆的,值得一試。

    食家食評節錄:

  • 蝗蟲同學:粥底都幾綿,食落幾鮮甜,「畢」「畢」吓仲見到一絲絲瑤柱碎,唔怪得啦!

  • 神打:雞好似係新鮮gawo~都幾有雞味~唔錯。但老爸推介嘅及第就有點腥臭怪味,不過內臟難免有一點點的了…粥底都算綿滑…但食食下就水汪汪咁。

  • smalljj:瘦肉粥-據稱瑤柱粥底,夠味,唔會過鹹。食完都無口渴,不錯。

    必食菜式:滑雞粥、火鴨粥、乾炒牛河、燒味

    瀏覽富記粥品其它食評


    靠得住靚粥

    (Photo by 雯以食為天)

    愛魚之人開設的粥店,粥底以魚湯炮製,粥品逾30款,大部份為生滾粥,粥底用5至6種魚,加入雞骨及螺頭熬製。另有號稱全港唯一的拆骨泥鯭粥,將20斤泥鯭用人手拆肉熬3小時而成,泥鯭味較一般的生滾泥鯭粥濃郁。而爽脆鯇魚皮亦是招牌菜,灼熟後冰鎮,魚皮爽脆不腥。

    食家食評節錄:

  • 西門町大惡男:魚卜魚湯粥,珍珠米依舊的綿而帶著魚鮮味,豬腰啤水處理得宜,對邊切了斜紋花,沒下多餘調味,片片大小均一,入口爽而不羶,有水準。

  • 雯以食為天:香甜魚湯味,充斥著整個口腔,食得出係真材實料,重完全無腥味!單食粥已經好滿足!

  • jo712:佢d粥真係唔錯特別係個白鱔豬膶好出色,d鱔好鮮甜令到個粥底都好甜好香魚味。

    必食菜式:拆骨泥鯭粥、白鱔球粥、手撕雞粥、爽脆鯇魚皮

    瀏覽靠得住靚粥其它食評
  • 關鍵字
    粥品
    鯇魚
    魚腩
    及第粥
    瘦肉粥
    泥鯭粥
    回憶
    滋味分享
    開飯專題
    開飯仔為你提供各類型最新飲食情報及優惠,全面照顧你的飲食喜好。
    相關文章
    2017亞洲50最佳餐廳 香港七間餐廳上榜
    2017-02-22
    2017亞洲50最佳餐廳 地區最佳餐廳全攻略
    2017-02-23
    【品酒有問】夏天飲酒,識飲一定係飲呢啲
    2017-05-04
    【小不啦嘰1大口】閃閃發亮的歐式享受【PARC古道具公園】
    2017-03-16
    【品酒有問】誰說德國只得啤酒?葡萄酒也是王道
    2017-05-17
    【營男素女】Vegan吃貨必去之一中一西
    2017-05-05
    餐廳資料
    更多
    收起
    本月熱門
    【隨時更新】便利店尋寶 每周新品速報
    2天前
    尖沙咀新商場開幕 過江龍餐廳一覽
    2019-10-11
    【特約分享】食魚生轉運 三種好意頭日本海產介紹
    7天前
    日本人氣茶室登陸尖沙咀 招牌Tea Set、甜品推介(有片)
    2019-09-25
    亞洲首間 Tiffany Blue Box Café 打卡必到!三層架下午茶 + 棉花糖雞尾酒
    2019-10-08