宅在家系列 日本和牛燒肉、多國冷凍即食包 人人都可做大廚
2021-06-21

疫情改變咗好多人嘅飲食同生活習慣,而家愈嚟愈多人都會喺屋企煮下嘢食,或者招呼下朋友仔咁。但未必個個都係精通廚藝嘅星級大廚?唔緊要,搵啱幫手就解決到。最近坊間有唔少品牌都推出咗冷凍即食包,或者和牛燒肉全餐(連爐)等,要整一餐見得下人嘅,話都冇咁易!

日本和牛火鍋/燒肉 有田精肉所

各位牛魔王留意,要喺屋企都可以食到和牛燒肉或和牛火鍋,完全冇難度!港人Julian同日本有田農場合作,將農場嘅得獎和牛以Farm To Table 農田直送方式送港。而有田精肉所嘅套餐,仲包送埋燒肉/火鍋爐具,買夠指定金額就免運費,夠晒方便。

宮崎有田牛以無藥品飼養嘅信念飼養牛隻,以人類食用級別嘅10種穀物,同埋自家栽種嘅4種牧草混合成飼料,就連牛牛飲嘅水都要係地下80公尺嘅新鮮乾淨火山山泉水,咁好餵養,難怪有田牛牛肉色粉嫩、肉質清爽。選牛亦相當嚴謹,以18個月仲要未經生育嘅牛為標準,喺日本去除內臟後,原隻牛送港,喺香港先至進行肉類分割嘅工序。

套餐有火鍋或燒肉嘅選擇,特別推介以下幾個部位:
有田牛薄片(momo),內側後腿肉,脂肪比例較少,肉味濃郁,燒肉啱數。
有田牛薄片牛冧位於牛嘅臀部,有啲咬口,肉味夠濃。
有田牛胸腹嘅脂肪比例較高,油花滿滿,燒完好香口。


中西日韓台冷凍即食食品   TASTING TABLE Japan Premium

有日本冷凍即食食品公司推出全新Z’s MENU系列,50款食品中,中西日韓台式嘅菜式都有,全部都係以冷凍技術製作,用微波爐或者熱水簡單加熱就食得,個個都入得廚房出得廳堂啦~~

佢哋使用自家研發嘅4X肉類,即係不使用治療性化學物質、抗生素、生長激素同基因改造穀物飼料生產嘅肉類,相對健康。介紹返其中幾款「扮大廚」菜式啦,全部可以媲美出面啲餐廳㗎。蒲燒原條日本鰻魚包埋特製醬汁同山椒粉,簡單加熱舖喺飯面,就十足十蒲燒鰻魚飯喇,如果加熱後再用焗爐焗一焗,更可有微微焦香口感。

使用4X免治牛肉混入鵝肝嘅鵝肝牛肉漢堡附馬德拉醬,肉香中滲有淡淡鵝肝香味,而特上肉眼扒配秘製洋蔥汁亦只需輕輕煎30秒左右,就食得鋸得喇。掛住台灣嘅朋友,只要煮碗白飯,加熱以五香粉燉煮嘅4X豬肩肉,就整到道似模似樣嘅台式滷肉飯。


泰式急凍美饌  泰椰風

喺屋企食泰國菜都不是夢啦。全新泰式急凍美饌品牌泰椰風使用由泰國直送嘅醬料烹煮,醬汁更係由當地老牌醬園喺泰國農場新鮮採摘香料秘製而成,直送香港後再以冷凍技術進行封存。暫時有6款泰菜選擇,全部簡單加熱幾分鐘就食得,「泰」方便了吧。

6款選擇包括冬蔭功海鮮湯、冬蔭功海鮮炒飯、黃咖喱海鮮、青咖喱雞肉、紅咖喱牛肋肉同馬沙文咖喱素雞。冬蔭功海鮮湯按照泰式地道食譜烹煮而成,混入咗南薑、香茅、鮮蝦、魷魚等,味道酸酸辣辣。幾款嘅咖喱海鮮同肉類,各有特色,黃咖喱微辣、青咖喱甜香、紅咖喱辛香,而馬沙文咖喱則最溫和,並帶椰香。行經指定Market Place、惠康、日式超市等可以搵搵。


文:Kar
相、片:Wilfred Chui

關鍵字
宅在家
燒肉
火鍋
自煮
泰國菜
日本菜
冷凍即食包
和牛
飲食潮流
開飯仔為大家發掘香港這個美食之都的最新美食資訊,分享飲食潮流文化。
本月熱門
【2022生日優惠】持續更新!7月壽星免費嘆自助餐/海鮮燒肉放題半價
5天前
【隨時更新】零食速報 每周新款零食、酒品點評
7天前
5月份好評餐廳十強
2022-06-06
酒店新出「北歐神話」下午茶 10款鹹甜點色彩繽紛 多款海鮮入饌
2022-06-10
夏日果香!6-7月下午茶之選
2022-06-17