天后新台菜!肉燥飯紅燒牛肉麵炸蠔餅
2018-04-24

真係估你唔到,香港本身都有好多主打台灣菜嘅餐廳、cafe,估唔到繼續長開長有,最新嘅有呢間位於天后嘅餐廳,主打肉燥飯、牛肉麵等多款經典台菜,即刻睇睇賣相先!

首先呢款店子必食推介嘅大滿足肉燥飯($45起),以肉燥飯做底,再自選各款配料。開飯仔就揀咗鹽酥雞扒、滷水蛋及時蔬。

肉燥(左)由店子自家製,買入新鮮肥瘦平均嘅豬腩肉再切成細粒,然後加入台灣醬油、乾蔥、蒜蓉等配料煮約1小時,等待收汁並煮至濃稠後完成。至於鹽酥雞扒(右),廚師會收到柯打後放入炸爐度炸,炸幾分鐘後再放涼、瀝乾油分,再切條就完成。雞扒外層香脆,入面雞肉依然嫩滑,不會炸得過乾。

而呢款招牌紅燒牛肉麵($55),有陽春麵、牛腱、牛腩、蘿蔔及配菜,一碗麵可食到牛腱牛腩,好豐富。

湯底以牛腩、牛骨、番茄、洋蔥、西芹等熬煮3-4個鐘頭,味道好濃郁,牛味亦覺突出。連埋麵質粗身嘅陽春麵,口感好惹味。

當然唔少得筋肉分明嘅牛腱(左),以及牛腩(右)啦!牛腩事前更經過特別處理,師傅以台灣豆瓣醬、番茄膏去煨牛腩、蘿蔔,令味道更香更濃。

炸蠔餅聽落以為係潮州菜?其實台灣菜除咗蚵仔煎之外,仲有炸蠔餅架,而且做法同潮洲式不太相同。師傅先將雞蛋、蠔仔、菜甫、芫荽及蔥拌勻,並倒油去熱鑊,再倒入蛋漿,然後不斷用勺以油撞開蛋漿,從而形成鬆脆兼形式不一嘅蠔餅。


更多【新店直擊】:
1. 沙田新開南洋麵館 嘆馬來辣蝦麵+榴蓮甜品
2. 百利來返嚟啦!招牌花膠翅+炸物登陸元朗(有片)
3. 大埔都食到! 新開泰式風味雞飯店


呢款口水雞($35)嘅重點梗係紅卜卜嘅醬汁啦,醬汁以花椒粉、紅椒粉、花椒油、乾蔥、蒜蓉等等製成,一入口,辣味會慢慢滲出至整個,後勁相當凌厲。

飲品方面有呢杯經典珍珠奶茶($16),茶膽係用咗花茶去浸泡,再加糖漿、奶粉、珍珠等等,珍珠煙韌之餘,奶茶仲帶少許花香添!

餐廳樓高兩層,裝潢並非走傳統中式路線,反而有少少似感覺舒適嘅cafe:淺綠色皮梳化、木系餐桌,以及三幾個顏色鮮艷嘅cushion。

牆上仲有文青味濃嘅壁畫,為餐廳其中一個影相位。


臺茶•薈
地址:天后永興街21號地舖


文:Joy

關鍵字
台灣菜
肉燥飯
紅燒牛肉麵
珍珠奶茶
天后
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
5天前
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
Stephy新開茶飲店 台灣回流 期間限定 聯乘Snoopy推棉花糖朱古力特飲
2020-09-11