大熱新店噱頭十足
2009-01-07
最近多間新店開張,當中不乏名人主理的食店,亦有食材、煮法上有賣點的餐廳,噱頭的確十足,但質素是否為食家所讚賞呢?



堅持手工製作 曲奇四重奏
由前港姐謝寧、食物造型師關琬潼、古典樂推廣人黃志煒及五星級酒店糕餅總廚黃耀文主理的曲奇專賣點,只賣兩款產品──一盒9款味道的雜錦曲奇及蝴蝶酥,他們以高品質高檔次的曲奇作定位,堅持手製,亦選用有機麵粉、法國及紐西蘭牛油及法國朱古力磚等靚材料炮製,據知開賣初期因為反應熱烈而斷貨。
ayukinki:試了蝴碟酥,和中式西餅舖吃下時有d感覺不同,每層都好酥脆,唔會好硬,味道適中,我想吃多塊都不會覺得很濟胃。 買了一盒雜錦曲奇回家, 每款食後真的不錯
羅渣:一定要提提有款特別的川椒曲奇!味道有些少辣(微辣)之餘感覺很得意;出奇地食落又不會覺得難入口,反而有興趣再食多幾塊……

 


(Photo by SMASHING PUMPKINS)

北海道燉乳 小甜谷
甜品店數目雖然多,但有賣點亦不悉無市場。藝人谷祖琳新開的甜品店,憑藉北海道特濃牛奶做的甜品,得到不少讚賞。此店供應的甜品以中日式為主,中式的有15年陳皮紅豆沙、芝麻糊等,日式的荔枝奶凍、牛乳燉蛋白更是招牌菜,因為用上北海道3.6等選牛乳炮製,食家都覺得香滑十足。
SMASHING PUMPKINS:另一道特濃牛乳蛋白,同樣地香滑,蛋白比奶凍更加滑得彈破,此味是熱食,香濃的味道,滑溜的感覺,幸福盅然。
不眠王子:用北海道特濃3.6牛乳去做奶凍真係未食先興奮,入口奶味香濃、清甜滑溜之餘仲滲出陣陣荔枝嘅清香,原來唔只奶凍上有荔枝肉,係一直食到底都有,正到唔記得同女朋友share……

 


(Photo by 曼妮)

優食炸豬扒 近又千層黑豚專門店
自從豚肉普及,令不少人對豬扒又乾又韌的感覺改觀,最近又有一間吉列黑豚專門店登場,最大賣點是將豚肉切成薄片,一塊塊疊起來才炸,中間可選擇夾上芝士、紫蘇葉或生薑。據知豚肉選用三元麥豚,內嫩而脂肪量是普通豬的四分一,除了吉列菜式,還有黑豚漢堡、滑蛋黑豚等選擇。
曼妮:近又沙律,值得推介!面包粒香脆,溫泉蛋好滑,沙律汁酸酸的,很開胃。
食太郎:吉列千層芝士黑豚肉 - 個脆皮做得唔錯,唔油夠薄,食落去無熱氣感,芝士好味,黑豚肉好鬆,唔錯。

 


(Photo by manyicat)

創意新品 戶井北海道米比薩
日本人擅長將外國食物加以改良,變出另一種特色菜,新開業的戶井就是其中一個好例子,這間來自北海道的店,以米做的Pizza馳名,薄餅等半脆半軟,共有15種口味選擇,包括富日式風味的照燒雞、蟹腳肉等。雖然噱頭吸引,但觀乎食家的食評都是劣評,除了食物質素問題,漏單和等食物時間長都為人詬病,看來要積極改善問題了。
奔天人:來到鮮茄肉醬意粉便出事了,意粉完全無味,絕對相信係就咁用滾水弄熟,連鹽都冇加!鮮茄肉醬味道普通,自己開罐頭肉醬都好食過佢。
manyicat:見佢有3文魚既米PIZZA…諗住係煙3文啦…點知黎到d魚熟晒…仲要得個幾舊仔…完全同幅圖唔對版d飯粒又硬…又唔係人地煲仔飯d飯焦好味…食完仲要痴牙…又細份量…唉…

 


(Photo by 搵食能手)

食材原味至上 健味粥
「健味豬」創辦人譚強改行養魚,自設設獲漁農署認證的優質淡水魚場,健味鯇魚只吃米糠、玉米粉、龍尾草等天然飼料,標榜鯇魚有草香而沒有泥臭味,有自家養的豬和魚,譚強遂開店賣生滾粥,魚、豬肉丸、豬肚、豬心自然是招牌菜,另外連豉油、豆漿都是自製。雖然食材有保證,但做飲食店主還是初哥,尚有進步空間。

搵食能手:這裡的魚片粥的粥底普通,雖不會稀如米水,味道亦偏向清淡,但還遠遠稱不上出色二字,至於自家養鯇魚片,口感平平,魚味不大突出,以『削』來形容也不為過。
Dazzle:魚腩肉丸粥- 粥底不太杰,有瑤柱絲。唔係一般粥店的有味嗆喉粥底,食一口粥,好開心,因為味道清新鮮味,魚味甘,肉味甜,好似媽媽在家煲的一樣. 魚腩好白淨,食落有一種清新嘅鯇魚味,冇果種普通鯇魚嘅泥味。但唔知點解,d魚腩不能一整舊夾起。

 


機場新食店年初開幕

今年初將有多間食店進駐機場,包括法國知名高級食店Fauchon Paris、一粥麵、Starbucks新店、Mix新店及Espressamenta illy新店。其中以Fauchon Paris最為矚目,因為這間1886年成立的食品店被譽為食品界的LV,售賣高級罐頭如鵝肝、白蘆筍,還有甜品糕點、香料醬料等。

 

關鍵字
曲奇
蝴蝶酥
牛乳
豬扒
豚肉
米比薩
機場
新店
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
散水餅派乜好? 5個西餅以外的選擇
2017-02-20
炸曲奇魚蛋咩玩法? 銅鑼灣曲奇店推燒棉花糖味雪糕
2017-04-03
【愛心熱店專訪】基隆茶餐廳老闆娘義助長者 「做得幾多得幾多」(有片)
2017-04-05
【優秀開飯熱店大賞2017】賽果公佈
2017-05-17
【當時得令】筷子基綠楊嘆正宗海南粉
2017-01-05
【品酒有問】酒食配搭建議 照燒鰻魚、和牛鐵板配咩酒食好?
2017-02-22
餐廳資料
更多
收起
本月熱門
【隨時更新】便利店尋寶 每周新品速報
1天前
尖沙咀新商場開幕 過江龍餐廳一覽
2019-10-11
【特約分享】食魚生轉運 三種好意頭日本海產介紹
5天前
日本人氣茶室登陸尖沙咀 招牌Tea Set、甜品推介(有片)
2019-09-25
高CP值火鍋放題 (1)
1天前