外賣食盡環球美食!$239全隻北京填鴨、雞翼專門店指定食品8折
2022-07-07

疫情數字又升返少少,穩陣啲想減少外出,可以轉返外賣自取,安在家中用餐!唔少餐廳都不定時推出外賣優惠,今次繼續介紹5間畀大家,有抵食片皮鴨、人氣雞翼專門店、粥麵專家、日式飯團專門店及川菜餐廳,又睇吓今期邊間啱心水~


京香餃(太子) 指定食品8折 

一間主打餃子嘅中菜,同時亦有供應片皮鴨、小炒及煲仔菜等。鍾意食片皮鴨嘅朋友有福啦,因為而家外賣自取有8折優惠,全隻北京填鴨只係$239就食到,包埋24塊餅皮、醬料及京蔥。北京填鴨油份香,肉質嫩滑,就算外賣返到屋企都一樣咁好食。另外餐廳其他主打如手製水餃等質素都唔錯,特別推介羊肉水餃,味道香濃又多汁。


雞翼山(旺角、觀塘、鴨脷洲) 指定食品8折 

雞翼係唔少人嘅至愛~呢間雞翼專門店相信大家都唔陌生,採用無激素超大雞翼,唔加任何生長荷爾蒙、抗生素同防腐劑,食都食得安心啲。推介食佢哋嘅套餐,如6件、12件及16件套餐,可以一次過試吓唔同嘅口味。「係甘先爆谷薑糖咩話雞翼」就咁睇個名都覺得趣致,用咗薑糖去煮雞翼,入口juicy有陣陣薑味,配上焦糖爆谷味道甜甜地又增強口感。檸香山葵蟹籽雞翼都值得一試,淡淡嘅山葵再加上帶有鮮味嘅蟹籽,幾有日式風味。


正斗粥麵專家(全線分店) 指定食品8折

中環店已多年獲得米芝蓮推介嘅粥麵專門店,無論係麵食、粥定點心類都好有質素。如京都香辣炸醬撈麵,味道辛香而唔太辣,甜度亦恰到好處,非常惹味。麵同肉嘅份量都好足夠,幾啖麵加一啖上湯,係享受呀。下火皮蛋瘦肉粥個粥底都煲得好靚,口感好綿密,有時無咩胃口食碗粥都係一個唔錯嘅選擇。


飯丸屋(荔枝角、灣仔、西環、上環、新蒲崗、銅鑼灣、元朗) 指定食品8折

店舖來自台灣,係香港首間主打沖繩特色飯團嘅店舖,店舖亦已經登陸香港一週年喇!餐廳供應多款足料嘅沖繩飯團,沖繩飯團即係將紫菜包裹住米飯以及餡料再摺疊成方型,有啲類似韓國嘅紫菜包飯~炸雞雙層芝士飯糰,炸雞香脆多肉汁,加埋芝士更惹味,啱晒鍾意香口嘢嘅朋友。另外煙韌控唔可以錯過佢哋嘅麻糬波波呀。


川棧小掌櫃(灣仔) 指定食品8折  

性價比幾高嘅川菜小館,主打湯麵、餃子、客飯、拌麵及小食等,幾適合附近返工嘅上班族。湯薑雞飯都幾推介,雞肉嫩滑有雞味,配埋沙薑就更惹味,送飯一流。如果想食湯麵類,可以選擇排骨、口水雞、蔥油雞等唔同配料,推介大家選擇豬骨濃湯底,濃郁得嚟唔會漏,真材實料。


買開外賣嘅可以用埋呢個全新環球滋味嚐優惠(推廣日期: 2022年6月16日至2022年7月14日),輸入優惠碼「HALF」 #或「WW10」 #, 前者消費滿$60減$30,後者消費滿$50,額外減$10!

除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊!                      
仲等?(按此立即落單)      

環球滋味嚐優惠:
WW10: https://www.openrice.com/info/takeaway/tc-WW10.html 
HALF: https://www.openrice.com/info/takeaway/tc-HALF.html


關鍵字
外賣自取
優惠
折扣
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2023生日優惠】持續更新!3月壽星燒海鮮放題半價/甜品畫圖免費
2023-03-09
【2023新店精選】持續更新!3月嘆過江龍特色龍蝦、摩登菲律賓菜
2023-03-16
【隨時更新】最後倒數!2023即將結業人氣/老字號餐廳
2023-03-15
【隨時更新】零食速報 每周新款零食、酒品點評
5天前
3月份自助餐推介 和牛自助餐、全新榴槤甜品主題
2023-03-06