夏秋食盡新鮮靚海鮮 又食又玩自助餐推介
2019-09-04

暑假完咗(誤:有放過咩?),返工又好返學又好做乜都好,大家都係要繼續拼搏,梗係要食返餐勁嘅,幫自己繼續充電啦!以下呢3間酒店自助餐各有唔同主題,有海鮮、有啡茶,有啲除咗食仲有得玩添,總之一定令你食完捧住個肚落樓!

又食又玩大富翁  花月庭

由細玩到大嘅大富翁,居然可以食落肚?!旺角呢間酒店聯乘大富翁,推出全球首個官方授權大富翁自助晚餐,有得食又有得玩,聽落都興奮!客人除咗可以品嚐香港特色美食,好似中環鋸扒、山頂同蘇豪區頂尖西式佳餚、香港仔避風塘小炒等等之外,亦可以參加一連串精彩遊戲。

有玩過大富翁嘅人都知道遊戲入面有得抽機會卡,而今次客人就可以抽取機會卡去換取指定矜貴美食,包括梅酒冰鎮鮑魚、和牛荷葉包等,包你見到都流晒口水啊!

大富翁自助晚餐                                                                    
供應日期 : 即日起至11月30日
價錢: 星期日至四及公眾假期   (全時段18:00-22:00) 成人$628,小童$418; (第一優惠時間 17:45-19:45及第二優惠時間 20:00-22:00) 成人$528,小童$348。
星期五、六及公眾假期前夕 (全時段18:00-23:00) 成人$668,小童$448; ; (第一優惠時間 17:45-20:15及第二優惠時間 20:30-23:00) 成人$548,小童$358。
*以上價目不適用於9月13及14日
 

品牌茶啡快閃 藝廊咖啡室   

身為茶啡迷嘅你就一定唔好錯過 ! 榮獲英國皇室認證嘅茶中精品 Twinings川寧同意大利經典咖啡品牌Lavazza嚟到呢間酒店。食客可以喺自助餐專區無限添飲清新嘅 Twinnings草莓香芒花草茶同伊靈百老匯特飲,仲有Lavazza特濃凍咖啡同咖啡Cojito特飲。自助晚餐就以亞洲海鮮為主題,松葉蟹腳同麵包蟹等多達200款,海鮮迷都要把握機會啊!

品牌茶啡自助晚餐
供應日期: 即日起至9月30日(18:00 - 22:00)
價錢: 星期一至五:成人$478、小童$328; 星期六、日及公眾假期: 成人$508、小童$338
 

食盡新鮮龍蝦、蟹 灣景廳  

鍾意食海鮮嘅你就有口福喇,呢間buffet有唔少以時令龍蝦同蟹烹調嘅佳餚。麵包蟹、加拿大雪花蟹腳同新西蘭生蠔等供應源源不絕。每位賓客仲可以免費享用牛肝菌龍蝦芝士焗蟹蓋一客,大滿足。

自助餐仲會於每晚8點後喺甜品專區供應多款甜品,當中最值得推介嘅係以下三款精選甜品 : 甘栗芝士蛋糕(左)、椰香菠蘿奇亞籽布甸(右)、香煎沖繩紫薯餅配海鹽雪糕(中)。

龍蝦、蟹自助晚餐
供應日期: 即日起至10月31日 (18:30-21:30)
價錢: 星期一至四 成人$428、小童$308
星期五至日、公眾假期及前夕: 成人$458、小童$348
*已包括加一服務費
*每6位成人或長者惠顧可獲贈Tiger生啤2升 (只限堂食)

七吋紅蝦有驚喜  Kudos   

蝦迷留意喇,酒店而家推出深海海鮮半自助晚餐,為大家精心準備阿根廷七吋長紅蝦,無論係新鮮紅蝦刺身、香脆天婦羅紅蝦定係香烤紅蝦都有得食。話明係半自助餐,最主打就梗係自選主菜啦,海鮮迷必選意大利香煎大蝦配車厘茄芫荽牛油汁,仲有西班牙香煎鱈魚柳伴水瓜柳配橄欖檸檬汁同波士頓龍蝦,實有一款啱你嘅。

深海海鮮半自助晚餐
供應日期: 即日起至9月30日 (18:30-22:00)
價錢: 星期一至四 成人$578、小童$358
星期五至日、公眾假期及前夕: 成人$598、小童$378

文: Evita

關鍵字
自助餐
海鮮
大富翁
旺角
灣仔
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
更多
收起
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!送上門懶人煮食包及套餐大合集2.0 花膠燉湯/火鍋/鐵板燒
1天前
全城抗炎!北角酒店最新應變 自助餐都有得外賣?
2020-07-17
好人好店! 餐廳全日禁堂食 民間自發開放午膳空間地點一覽
2020-07-29