唔使旅行先食 編輯推介香港高質英葡風味!
2019-04-15
香港地小人多,生活壓力大,不少人都愛去旅行、食大餐減壓,但去旅行要計住大計、又要計劃行程,一但遇上語言不通嘅情況,想食餐地道美食都有心無力。好彩,我地香港作為「美食之都」,一早就不乏正宗嘅異外料理餐廳,港人唔需要長途跋涉先品嚐到外國嘅美食。無論星期一定星期日,無需請假、買貴價機票,隨時想食嘆就嘆啦!

CLUB ALBERGUE 1601 
LUBUDS餐飲集團旗下餐廳CLUB ALBERGUE 1601同著名英國紅茶品牌-Twinings攜手合作,設計咗多款以伯爵茶為主題既限定餐飲,以茶加美點會友,由即日起至2019年5月底供應。
店內仲設有以花海佈置嘅特色復古專櫃,讓客人化身英國貴族,恍如置身英式上流社會,絕對是打卡一流之選!

經典英式下午茶餐(HKD$288)(2位用)
經典下午茶中除咗提供各類英式鹹甜點外,廚師團隊更悉心設計咗一系列以伯爵茶為主題嘅糕點,包括伯爵茶吉士千層酥、川寧伯爵茶芝士餅!

油甘魚他他配西瓜, 酸豆, 鹽漬蘿蔔及牛油果山葵伯爵茶薄啫喱卷
以伯爵茶啫哩薄層作外皮,包著油甘魚他他配西瓜,令菜式份外清新!

慢煮銀鱈魚配伯爵茶香薯泡沫伴伯爵茶凍及海藻粉末三文魚子
將伯爵茶打成軟綿綿密嘅泡沫並造成伯爵茶香薯泡沫,伴以伯爵茶凍及海藻粉末三文魚子作點綴,平衡銀鱈魚嘅油膩之餘,仲更能突出魚本身嘅鮮味!

Big Ben - 精選伯爵茶特飲

除咗加入伯爵茶葉泡沫外,餐廳仲特意在加上果皮,將中西式元素巧妙融合。在入口嘅同時,果皮嘅甘香先刺激嗅覺,然後味蕾再感受茶與酒嘅互相揉合,好特別呀!

Elegant Lady - 精選伯爵茶特飲
Twinings Earl Grey同Lady Grey創作嘅特飲,茶味濃厚又唔苦澀,仲帶有清香!


葡匯咪走雞葡國餐廳 (尖沙咀)
葡國菜唔係得葡萄牙同澳門先食能到嘅!「葡匯咪走雞葡國餐廳」由葡萄牙皇室第五代兼葡葡國總統訪華御廚嘅老闆兼大廚Michael Franco主理,用上家傳食譜、各地食材同秘方調味炮製正宗葡國家常料理。舊店係西貢嘅時候已經好有名氣,如今係尖沙咀美麗華廣場開設新店,唔需要長途跋涉就嘆到正宗高質葡國菜啦!

燒里斯本沙律
用上五種唔同嘅沙律葉同水果乾混合而成,配合埋Michael特製加入咗果汁,果香馥郁嘅黑醋,同鹹香嘅黑毛豬火腿及希臘芝士,每一啖都能夠品嚐到唔同嘅味道,連平日不太好沙律嘅攝影師都表示好好味呀!  

葡式洋蔥胡椒蝦
葡萄牙傳統菜式之一,家鄉風味嘅秘製胡椒汁配上新鮮澳洲野海蝦,味道鮮味不缺、香辣惹味,仲完美保存到蝦肉嘅鮮味!

葡式黑椒汁燴牛膝 (需最少一天前訂製)
份量十足,足夠十人食用!Micheal保留葡萄牙家鄉傳統做法、用上4-5磅牛膝,慢煮至少6小時,炆至骨髓同蔬菜都溶入醬汁,骨肉份子分離,再用牛汁打成醬汁,難怪可以咁惹味又入味!

葡式烤乳豬 (需最少一天前訂製) 
原用傳統葡式方法製作,先用醃料將3-4個星期大嘅BB乳豬醃一整日,再以中火燒烤至表皮又薄又脆,皮脆肉,入口即溶又香又軟!配埋招牌嘅肥仔炒飯,絕對係極高層次嘅享受!

必食甜品: 蜜薑梳乎厘/ 米高自家製雪糕
店內每樣甜品小編都食唔口,驚喜程度滿分! 傳統梳乎厘口感配合粒粒蜜薑,甜而不膩。驚喜不已! 自家製咖啡味雪糕用上獨家代理嘅葡萄牙Delta咖啡製作而成,加埋榛子粒、咖啡豆同朱古力一齊食,口感勁豐富呀!


心動不如行動!有興趣就快啲約埋三五知己去嘆下美食啦!快啲bookmark定啦!


*以上圖片只供參考,所有食品以實物為準. 食品供應因餐廳而異
關鍵字
旅行
編輯推介
美食之都
時令食材
特色
異外料理
葡國菜
葡國
英國
伯爵茶
下午茶
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
7天前
全城抗炎!北角酒店最新應變 自助餐都有得外賣?
2020-07-17
全城抗炎!屋企都嘆到三層架下午茶 Tea Set外送/外賣自取推介
2020-07-23
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-07-30