台灣人氣梳乎厘班戟即將進駐尖沙咀 香港限定夕張哈密瓜口味(有片)
2019-09-05

甜魔們又有新目標啦:台灣人氣日式梳乎厘班戟店,即將開到嚟尖沙咀!香港店仲有七款香港限定口味,包括北海道夕張哈密瓜雪糕、70%Mix朱古力瀑布等,唔同配搭總有一款啱心水。另外仲有日本雪糕同茶飲,要抓住夏天嘅尾巴去試下啦!
 


王子神谷嚟自台南,喺台灣有10間分店,今次開到嚟香港仲特別設計咗七款共同研發嘅新口味,香港限定㗎!而梳乎厘班戟用嘅麵粉、牛奶,同雞蛋都嚟自日本,麵粉仲特別選用兩款唔同麵粉,令班戟鬆軟輕身得嚟唔會太快塌。
 


北海道夕張哈密瓜雪糕日式梳乎厘班戟($88)

香港主打口味之一,一份有齊北海道直送哈密瓜、北海道夕張哈密瓜軟雪糕,同哈密瓜忌廉梳乎厘班戟!哈密瓜甜度達15至16度,香甜多汁,而且已經預先切好一塊塊方便食。梳乎厘班戟口感輕盈,濕潤度適中,唔會完全入口即溶有少少咬口。
 


焦糖奶油脆脆日式梳乎厘班戟($58)

平少少可以試呢款焦糖忌廉口味,兩塊梳乎厘班戟上面係自家製焦糖忌廉、果仁、爆谷同自家製焦糖脆脆。坊間比較少見焦糖口味嘅忌廉,有淡淡焦糖苦甜香幾得意。而且果仁同焦糖脆脆都增加口感層次。
 


70%Mix朱古力瀑布日式梳乎厘班戟($58)

另一推介係70%Mix朱古力,選用比利時百年品牌Callebaut 70.5朱古力製作朱古力醬,配士多啤梨、鮮忌廉等。朱古力醬味道香濃,唔會得個甜字。秘訣原來係落咗少少酒,撇除朱古力嘅可可脂味。而且士多啤梨酸酸甜甜,可以平衡返膩度。
 

更多【新店直擊】:
1. 藝術與美食結合 尖東懸浮三層架下午茶全日供應
2. 阿水新開車仔麵店 每日煲窩心素菜湯+多款特色配料
3. 台中人氣手工芋泥甜品登陸尖沙咀 必試招牌雙芋仙草奶凍、神仙奶

 

北海道夕張哈密瓜軟雪糕($28)

香港獨家嘅仲有日本直送Nissei軟雪糕!主打嘅係北海道夕張哈密瓜軟雪糕,顏色粉嫩而且唔算融得好快,最啱打卡。食落甜度適中,哈密瓜香自然。
 


日本牛乳蓋水蜜桃沙冰($44)

水蜜桃沙冰選用日本甜度達16度嘅白桃打成,啖啖香濃清甜!牛乳蓋係用日本鮮奶加鮮忌廉打成,口感柔滑,奶香中帶少少鹹味,增加味道層次。
 


雪球波霸爆谷玄米茶($34)

玄米茶配牛奶、珍珠、雪糕球同爆谷,一杯有好幾款唔同口感。建議大家食咗雪糕上面嘅爆谷先,浸得太耐會變腍呀。
 




王子神谷
地址:尖沙咀彌敦道132號美麗華商場1期地下G38號舖
*預計9月第二週開張




文、相、片:Cathy

關鍵字
尖沙咀
甜品
梳乎厘班戟
pancake
哈密瓜
王子神谷
新店預告
走在最前線,為大家搜羅及報道有關即將開張的話題新餐廳資訊。
餐廳資料
本月熱門
【隨時更新】便利店尋寶 每周新品速報
3天前
【2019聖誕】早鳥優惠! 聖誕自助餐推介
5天前
【2019聖誕】年尾叉電 聖誕下午茶集合推介
2019-11-19
秋風起!5間大閘蟹放題食店集合
2019-11-19
【2019聖誕】約會之選 聖誕市集推介
2019-12-06