台南百年擔仔麵 度小月尖沙咀店六大招牌菜解構!(有片)
2017-06-20

香港人去台灣玩嘅藉口可能又少咗一個:因為台南百年祖傳老店,招牌菜係傳統美食擔仔麵嘅度小月即將喺尖沙咀正式開幕!擔仔麵有咩「味」力,仲有咩其他特色美食值得一試?即睇開飯仔介紹啦!
 

擔仔麵有三大特色,一係細細碗,「小」食多滋味;二係肉燥唔會太肥,但依然香氣十足;三係湯頭用鮮蝦頭熬成,香濃惹味。配料方面除咗肉燥,仲有蝦肉、豆芽、蒜泥、台灣五印醋同芫荽。
 

食擔仔麵亦有秘訣,先用筷子搞勻肉燥,再聞一下肉燥同蝦湯嘅香味,然後飲湯再食麵同配料,留一啖湯最後享用。食完有少少意猶未盡嘅感覺就啱啱好,因為要留肚試其他美食呀!
 

 

祖傳肉燥飯同樣細細碗,度小月嘅肉燥用嘅係豬嘅後腿肉,加紅蔥頭爆炒再慢火炆燉。香而不膩最啱送飯。香港店嘅肉燥由台灣空運到港,開飯仔幫大家問過,尖沙咀店暫時未有肉燥罐頭售賣,但唔排除之後會引進!
 

三杯雞煲係香港店限定,三杯係指一杯台式醬油、一杯麻油同一杯米酒。用煲仔上枱,一打開蓋就聞到醬料同九層塔嘅香氣,加埋熱辣辣嘅吱吱聲相當吸引!食落雞肉亦算嫩滑,而且值得一讃嘅係紅色煲仔保溫效果唔錯。
 

黃金蝦捲係唔少香港人最愛嘅小食之一,金黃色脆皮嚟自台灣空運到港嘅秘方炸漿,味道帶少少甜口感酥脆。入面嘅蝦肉亦用咗台南每日新鮮直送嘅鮮蝦,相當彈牙。
 

更多【新店直擊】:
1. 黃埔5萬呎水產巿場即將開幕 鮮活蝦蟹即叫即劏即食(有片)
2. 荔園茶餐廳尖沙咀開店 焦糖溫泉蛋西多夠創意(有片)
3. 咖啡名店 %Arabica尖沙咀開業!

 

安平鮮蚵湯記得要趁熱飲,蚵蠣(蠔仔)嘅鮮味加埋滑嫩嘅豆腐同薑絲,有相得益彰嘅效果。唯味道稍嫌過鹹,可以二人分享淺嘗。
 

櫻花蝦高麗菜同樣香氣四溢,香味嚟自櫻花蝦乾,配埋台灣高麗菜(椰菜),有鮮味而唔會太飽膩。
 

介紹完嘢食當然要介紹埋飲品,唔好睇小呢樽金萱綠茶,佢係近年台灣同日本大熱嘅冷泡茶!用嘅係台灣嘉義阿里山同南投松柏嶺嘅金萱茶葉,用凍水浸泡四個鐘再雪四至五個鐘。低溫慢泡更突顯金萱茶獨特嘅桂花香味,而且比熱泡多一份甘甜,少一份苦澀。
 

尖沙咀店大門一旁係傳統爐灶麵攤,客人可以透過玻璃窗見到師傅製作擔仔麵嘅部分過程,而且師傅之前已經去過台灣總部接受訓練。裝修以台式懷舊風格為主,連用嘅青花瓷碗亦係嚟自台灣嘅「趣遊碗」。以後掛住台南嘅話,就可以嚟度小月香港店喇。
 

 

最後提醒大家,尖沙咀店而家試業期間分三個時段派籌,6月28號(星期三)正式開業。預計一開業都少不免要排下隊,不過好消息係,負責人表示有意喺香港其他地方開設分店,各位Fans不妨期待一下!



文、相、片:Cathy

關鍵字
尖沙咀
度小月
擔仔麵
肉燥
黃金蝦捲
肉燥飯
冷泡茶
新店直擊
走在最前線,為大家搜羅及報道有關新開餐廳的資訊。
相關文章
荔園茶餐廳尖沙咀開店 焦糖溫泉蛋西多夠創意(有片)
2017-06-09
台式手工火鍋落戶銅鑼灣 晚市半放題有驚喜(有片)
2017-05-08
【無綠不歡Green Monday】味覺顛覆 未來漢堡襲港
2017-04-18
法式輕甜泡芙Pop-up店登陸尖沙咀(有片)
2017-04-07
【飲食潮流】尖沙咀和風西餐大變身 春日抹茶甜品x西式日本烏冬
2017-02-27
熊本食材餐廳 水都係熊本直送!
2017-04-11
餐廳資料
本月熱門
【隨時更新】零食速報 每周新款零食、酒品點評
4天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
牛大人火鍋姊妹店!旺角新開台式燒肉吃到飽 任食澳洲 M5 和牛、SRF極黑牛霜降牛肉眼
2020-10-19
【即睇10月生日】酒店半價放題 Tiffany & Co.旗艦店導賞
2020-10-06
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12