係咪有少少掛住佢呢？開飯仔係講緊北海道三文魚堡系列呀，好消息係佢地即將回歸！而且同時仲有朱古力批同脆煙肉芝味薯條同步登場，Call埋一班朱古力控同芝士控去食就最啱喇。
麥當勞11月20號起重新推出北海道三文魚堡同北海道三文魚．牛堡，同樣以金黃香脆嘅北海道三文魚餅配搭惹味明太子醬、生菜片同洋蔥條。而牛堡再加埋牛肉漢堡扒，滋味再「升呢」 。
冬天食一個漢堡點夠飽？當然要食埋朱古力批同脆煙肉芝味薯條！朱古力批有熱辣辣嘅柔滑朱古力醬，香甜窩心。而脆煙肉芝味薯條就有薯條、鹹香煙肉粒同濃郁芝士醬呢個黃金配搭。減肥？都話食飽先有力減咯。
更多【飲食潮流】： |
另一方面McCafe聽日(16/11)起亦會推出Merry Winterland系列，以朱古力做主題，供應一系列夠哂Sweet嘅甜品同飲品。
最搶眼嘅當然係全新嘅朱古力蛋糕層層疊同軟心朱古力撻！前者有一層層班戟皮夾幼滑朱古力慕斯，層次分明。後者就以朱古力曲奇撻皮配嚟自意大利嘅香濃軟心朱古力醬，朱古力控必試。
而飲品就有雪人薄荷朱古力咖啡同凍薄荷朱古力咖啡，用嘅仲係Lindt Excellence朱古力呀。清新薄荷配香濃朱古力咖啡，味道豐富。
最後當然唔少得最應節嘅薑餅人咖啡。溫馨提示返一句，以上食品同飲品都係供應期有限㗎。
文：Cathy