任食西式甜品大家就食得多，川式甜品又試過未呢？銅鑼灣呢間湘菜館由湖南廚師主理，保證食到湖南的味道。最近餐廳仲推出優惠，只要光顧主菜，就可錢加錢任食菜單上所有嘅甜品啊！
首先講吓點玩法先，只要兩位客人光顧一個主菜，兩人就可以以優惠價$30任食川式甜品，四個人就需要叫兩個主菜，加$60，如此類推。除開每人都係加$15就有得任食，出面叫一個都唔止，抵到爛！
主菜就有近年最興嘅酸菜魚、水煮牛同辣子雞等選擇。酸菜魚選用新鮮鱸魚即叫即劏，薯粉亦用湖南薯粉，特別煙韌。
鍾意食辣一定要叫水煮牛，所有香料同調味料都嚟自湖南，麻味香濃，而且辣得嚟唔嗆喉，辣味仲可以因口味調較！
甜品方面選擇都唔少，菜單上有嘅甜品都可以任叫！包括紅糖糍粑、香芋地瓜丸、酒釀小丸子、麻圓及金絲餅等。
紅糖糍粑香脆煙韌，而且紅糖醬汁濃稠程度剛好，唔會過甜。
地瓜丸裹住芋泥，芋頭香味突出。
酒釀小丸子酒味香濃，配埋煙韌、重糯米香嘅小丸子食就啱啱好。
麻圓同樣炸得外脆內軟，而且感覺唔會油膩。
金絲餅酥脆，配上紅豆餡料係最佳配搭。
地址: 銅鑼灣駱克道491-499號京都廣場7樓
文、相、片: Yanica