前身為新寧大廈嘅銅鑼灣利園三期，近期已經開始試業，以生活體驗為，而且入面有唔少新餐廳，當中最期待嘅一定係海外第一間幸福 pancake，仲有卅二公館同一集團旗下「莊館」、簡約咖啡連鎖店NOC coffee 同由法國總理前主廚主理嘅 比利時餐廳Belgos 等等，陣容夠壓場！

超鬆軟 pancake 過江龍 - 幸せのパンケーキ（預計九月開業）

自問係日本迷都會聽過呢間 pancake鋪，喺表參道店出曬名大排長龍！作為首間海外分店，香港會跟返日本店方做法，採用天然食材即叫即製，再以 160 度高溫喺鐵板蒸焗；除咗有招牌原味 pancake，仲會同日本 menu 一樣有穀麥配紅茶等口味。

卅二公館姊妹店- 莊館（預計九月開業）

餐廳同樣以「中西混合」嘅廣東菜為主題，但相比以 fine dining 做招徠嘅卅二公館，今次莊館定位親民雖然嘢食方面仲未有公佈，但同姊妹店一樣以新派摩登中菜為主。

新舊交融比利時菜 - Belgos （預計八月中旬開業）

香港嘅比利時菜不太熱門，餐廳由法國總理前主廚 Benjaamin Leib 掌廚，曾經喺多間米芝蓮餐廳嘅工作，將現代食材融入傳統比利時菜中，餐廳亦有超現實主義畫作。

本地精品咖啡 - NOC coffee（預計九月開業）

各位啡迷都對呢間鋪都唔會陌生！已經有四間分店，今次係佢哋第一次進駐商場開分店，繼續延續精品咖啡同日系簡約風裝修。

其他已開幕餐廳包括全首間Starbucks 旗艦店、TOWN Restaurant集團開設Next Door Café & Bar及西班牙火腿專門店Reserva Ibérica Tapas Bar & Café。以後落銅鑼灣，又多一個搵食地方！

文：Timothy