全新京都千本鳥居設計!20年日本菜中環重開 必試佐賀和牛塔撻、自家製鰻魚炒飯
2020-08-28

呢間於中環屹立逾 20 年嘅人氣日本最近重開,由蘭桂芳搬到德己立街,而且無論食物定裝潢都以全新面目示人。新店希望將日本居酒屋文化 帶到香港,所以增設咗爐端燒及天婦羅吧,提供多款下酒小吃,仲有豐富嘅日本 酒選擇,令大家體驗到日本正宗嘅居酒屋文化。


裝修方面餐廳大玩日本京都風,以千本鳥居為室內靈感設計,紅色為主調夠吸睛,靈感源自京都伏見區稻荷大社的千本鳥居。牆上畫有代表日本文化的鯉魚,象徵好運。 抬頭係用餐廳名拼湊而成嘅大型字母裝置,啱晒打卡。


招牌自家製鰻魚炒飯,以自家調配嘅鰻魚汁,加入自家醃製嘅酸瓜同日本米同炒,酸瓜有助中和 鰻魚的油脂,味道恰到好處。


牛魔王可試試呢個佐賀和牛塔撻,選用佐賀 A4 和牛,大廚先輕輕燒逼出油脂,帶出肉香,再切成一片片放於碟 上。配菜方面,有日本菇、京蔥同青椒,特別用上以牛助骨燜煮兩小時嘅肉汁炒香,上碟時放上蛋味香濃嘅日本太陽蛋蛋黃。拌勻蛋汁食口感更幼滑。


講到日本菜又點少得刺身,所有刺身同壽司都由日本各地空運到港,刺身盛合集合晒多款刺身,有拖羅、牡丹蝦等,保證新鮮!


餐廳一向都以創意卷物聞名,今次呢款海爐卷香脆惹味,而秋葵卷連素食嘅朋友都啱食呀~而且所有卷物都即叫即製。


月見牛肉冰見湯烏冬配上日本流心溫泉蛋,烏冬口感彈牙。


另外餐廳仲有供應紫蘇雞沙律、磯煮鮑魚等小食及甜品,亦提供多款大吟釀、米酒、氣泡酒、紅白餐酒、威士忌、Highball、雞尾酒、啤酒 及無酒精雞尾酒等飲品。


Kyoto Joe  

地址: 中環蘭桂坊德己立街30-36號加州大廈23樓






文、相、片: Yanica

關鍵字
日本菜
中環
剌身
鰻魚炒飯
卷物
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
7天前
【2021生日優惠】持續更新!5月食日本直送海鮮送西班牙紅/白酒
3天前
帶媽媽味遊異國!母親節Brunch六選
2021-04-20
期間限定$1抹茶菠蘿包、$3竹炭菠蘿油 佐敦新開 2500 呎新派點心小廚
2021-04-30
荃灣新開 人氣名古屋班戟分店 首推沖繩紫薯梳乎厘班戟+班戟漢堡
2021-04-15