停低Hea一「夏」 香港Tea Set十選
2016-07-18
香港人成日都講「唔洗急最緊要快」,雖然打工仔女唔可以回到過去扮學生去放暑假,但喺呢個炎炎夏日不如都偶然嚟Take個Break,約埋知己一齊嘆個Tea。唔一定要去酒店搵正宗英式三層架Afternoon Tea,香港仲有唔少餐廳有抵食,啱哂相機食先,或者有靚景加分嘅Tea Set㗎!

一、高CP值

$99/2位三層架  Spade by Lassana


Photos by 卡門吃遍香港的養豬日誌

想嘆個Tea又想錫住銀包?咁油塘呢間Cafe嘅和風滋味三層架下午茶就可能係你嘅First Choice啦,$99足兩位享用,包兩杯飲品之餘仲免加一!鹹食吞拿魚三文治同三文魚他他脆脆等都足料而且味道唔錯。甜點仲有兩球綠茶雪糕,雖然綠茶味唔係超濃,但有奶味搭夠而且幾滑身。士多啤梨吉士牛角包亦有水準。

$88/2位小食下午茶  Applegreen


Photos by hkcress

覺得三層架太少女,想再Relax啲?元朗呢間環境開揚嘅田園Feel Cafe就有個下午茶精選拼盤畀你揀,二人份先$88(需加一服務費)!食物以美式為主,香草肉丸芝士小漢堡真係Bite Size,肉丸咬落有肉汁,加埋半溶芝士同香料夠惹味。仲有香脆薯條,邪惡芝士焗通粉等。如果嘅朱古力牛角包個口感再鬆化啲就完美啦。唔想入元朗嘅話尖沙咀分店亦有唷。

二、相機食先

森林系小雀籠三層架  I's Land Cafe


Photos by KATRINA_吃遍世界

觀塘工廈有唔少隱世餐廳,呢間Cafe唔單止夠大,加埋唔少花花草草裝飾非常森林系。連Tea Set都特別用鳥籠三層架奉上,成個Package有哂主題仲唔係Foodie最愛?鹹食海蝦中華沙律酥盒同巴馬火腿蟹棒卷等都唔錯,更出色嘅係甜點,朱古力北海道牛乳360布甸又香又滑,鮮制迷你蛋糕鬆軟得嚟牛油味道突出。

百變浪漫主題下午茶  DK Cuppa Tea


Photos by mohkc

單一主題唔夠喉?咁就可以嚟上環或者中環,搵呢間本地香薰品牌開嘅茶室。因為佢地嘅Tea Set會不定期更換主題,而每次都會有新嘅鹹甜點,有創意之餘亦有誠意。最新嘅主題就係賽姬戀曲,賽姬係羅馬神話小愛神邱比特嘅太太,可想而知成個Tea Set Sweet得嚟更有浪漫Feel。

吸睛木箱下午茶  Seasons by Olivier E.


Photos by ArDisBlossom

下午茶一定係三層架或者攤開哂?銅鑼灣呢間法國菜餐廳嘅下午茶就糅合咗兩種Presentation!鹹食用白瓷三層架,而甜點就用招牌木酒箱呈上。鹹食必食餐廳招牌龍蝦啫喱,軟滑彈牙。而烚蛋釀鴨肝忌廉亦味道香濃。甜點方面最多人推薦咖啡啫喱,咖啡啫喱濃香滑溜,配朱古力忌廉苦甜有致。唯一可惜嘅係無論係鹹點定鬆餅都唔夠熱,打咗折扣。

少女心爆發Tea Set  the Roaster, SteP by SteP


Photos by Foodcaptain.hk

上環呢間隱蔽文青Feel Cafe當中,搵到呢個精緻嘅Tea Set。藍色飲品係加咗蝶豆花,Baby Blue靚得嚟又特別。多士配火腿同沙律食得,配Camembert Cheese食亦得,得咗。最特別嘅就係紫薯沙律同紫薯窩夫,啱哂各位紫薯控之餘個窩夫仲要係心形!再加一份士多啤梨Pancake配朱古力醬同雪糕,相機同甜品胃都一樣大滿足。

三、環境加分

180°維港靚景任睇  自助山


Photos by 文迪

以為灣仔呢間自助餐廳真係得自助餐?其實每逢星期日下晝佢地都會提供Tea Set。招牌美食變做Bite Size一樣美味,例如好似壽司咁嘅海南雞飯、迷你黑毛豬肉餅漢堡等。甜點就首推有真·流心效果嘅士多啤梨流心芝士蛋糕。呢個Tea配埋62樓居高臨下俯瞰嘅維港景致,無得輸。溫馨提示Tea Time餐廳唔會旋轉,想望到指定靚景嘅話Book枱嘅時候記得講明!

幸福摩天輪加持  French Window Brasserie and Bar


Photos by Yan~*

畏高嘅話不如轉個地方,喺中環商場3樓呢間法國菜餐廳望出去仲有埋摩天輪㗎。Tea Set叫The Pandora’s box,用兩層高嘅盒奉上。下層係鹹點,最得意嘅係鴨肝馬卡龍,配搭有創意之餘味道亦有驚喜。而甜點每一款都相當精緻,比起潘多拉的盒子更有首飾箱嘅感覺,其中以玫瑰天使蛋糕最出色,入口輕盈鬆軟帶玫瑰芳香,令人回味。

鬧市綠洲齊野餐  城市匯


Photos by tofufaa

炎炎夏日想去野餐,但諗起又覺得郊外太遠?尖沙咀呢間有大型室外陽台嘅多國菜餐廳就啱哂啦,鋪咗草皮可以放鬆坐喺上面野餐,而且野餐盒同餐具全部都借埋畀你,夠細心。Bohemian Picnic Set嘅茶點會因應當日餐廳食材而有少少更改。鹹食方面迷你牛肉漢堡同沙律都有水準,甜點就以撻同蛋糕為主。

中環樓上Hea住Tea  Espuma


Photos by Seobin*

只要有心搵,喺繁忙嘅中環區一樣搵到可以Hea住嘆下午茶嘅地方。呢間樓上餐廳有落地玻璃窗,畀你一邊嘆茶一邊飽覽靚景。唔知係咪唔想阻住大家睇風景,連個e字層架都係透明嘅。鹹食方面,雞尾酒蝦沙律微酸醒胃,野菌酥盒嘅酥皮夠香又鬆脆。甜點有必食嘅紫薯泡芙,紫薯味香濃又唔會太甜。

隨時接收最新資訊
讚好OpenRice專頁!
關鍵字
下午茶
afternoon tea
tea
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
初夏清新之選 酒店芒果主題下午茶
2017-05-19
靚到一個點!台中鋼琴餐廳 必點水晶鋼琴下午茶
2017-04-19
尖沙咀區酒店高CP值 宇治抹茶主題自助餐
2017-03-24
好姊妹high tea之選 Benefit少女粉紅下午茶
2017-03-28
母親節約媽咪嘆Afternoon Tea!五大下午茶推介
2017-04-25
打卡必去!姐妹聚會7大餐廳精選
2017-03-22
餐廳資料
更多
收起
本月熱門
【隨時更新】零食速報 每周新款零食、酒品點評
6天前
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
【特約分享】超抵外賣陪你抗疫 即睇將軍澳飲食地圖!
2020-03-10
【隨時更新】最後倒數!即將結業的老字號及人氣小店
1天前
2月份好評餐廳十強
2020-03-05