長沙灣附近嘅打工仔有福啦！最近喺長沙灣就多咗個新Foodcourt，唔好以為Foodcourt就一定係頹食，入面有唔少人氣餐廳進駐，如老Come煎餅同十二味酸菜魚等等，等開飯仔介紹幾間比大家啦。
呢間煎餅相信大家都唔陌生，有時食厭咗飯麵，食下煎餅都係一個唔錯嘅選擇。招牌北京烤鴨煎餅(M $38/L $48) ，將綠豆做成嘅粉漿倒喺煎餅爐上，再加入海鮮醬、芫莤同薄脆等配料。口感層次豐富，熱辣辣食就最啱啦！
十二味
十二味招牌菜係酸菜魚，將爐魚起骨切薄片，魚肉滑身。湯底就係用爐魚骨同豬骨熬製三天而成，入面再加咗三種唔同嘅酸菜，酸味層次更豐富之餘，因為加咗四川辣椒同花椒，仲有少少辣。
雞用上新鮮走地雞，而且係用浸嘅方法處理，所以雞都夠滑。海南雞飯($58)個飯當然重要，雞油飯表現尚算唔錯，食落有淡淡雞油香氣。另外連配海南雞飯嘅三款醬都係自己調配，可以話幾有誠意。
更多【新店直擊】： |
香港人咁鍾意日本野，又點可以少得佢呢。呢間拉麵店本店就喺深水埗，由日本人開設。推介佢地嘅豚骨濃湯拉麵($78)，用西班牙放牧豬骨同蔬菜熬製12小時，再加埋西班牙高級背脂，味道鮮甜但唔會過膩。
最難得嘅係呢度竟然有燉湯飲，如花膠鮑魚燉瘦肉($68)同海底椰雪耳燉瘦肉($68)等，每款燉湯都燉足4小時，平時無咩湯水飲就要嚟呢度試下啦！
地址: 長沙灣青山道413號地下及1樓
文、相、片：Yanica