觀塘裕民坊重建後，開咗個新商場：YM2，有多間人氣餐廳、小食店等進駐，呢間深受港人歡迎嘅雞翼店就係其中一間。佢哋每間分店都各有幢特色嘅打卡牆，今次都唔例外，設計以獅子山做背景，同埋舊裕民坊做剪影，旨在為呢個新舊交接嘅社區留個紀念。同時，仲有4款破格嘅新口味雞翼登場。

 伯爵茶君子雞翼

最多人鍾意嘅，一定會係伯爵茶君子雞翼！面頭灑上大小不一嘅伯爵茶曲奇碎，脆口得嚟仲啖啖都係濃茶香味。

 Striking南非香辣爆炸雞翼

而講到最破格創新、最估佢唔到嘅就係Striking南非香辣爆炸雞翼，微微辣啦，面頭灑上士多啤梨味嘅爆炸糖，咁食嗰陣，就會有粒粒爆炸糖喺個口度跳躍，滲埋少少酸少少甜咁，都幾特別。

 宮崎南蠻他他雞翼

 韓風泡菜見習生雞翼

另外兩款分別係大家旅行最鍾意去嘅地方風味，日本同韓國呀——宮崎南蠻他他雞翼、韓風泡菜見習生雞翼。前者感覺清新，後者以韓國入口泡菜醬製作，微辣帶甜。

雞翼山
地址: 觀塘協和街33號裕民坊YM²地下1B11號舖

文、相、片：Kar