呢間嚟自北海道嘅拉麵店繼灣仔同尖沙咀後，最近去到中環開港島旗艦店呀。今次有新店夏日限定嘅蝦汁胡麻冷麵，蝦香濃郁得嚟口感又比較清爽。另外為慶祝新店開幕，另有限定拉麵套餐，同多款新出小食！
蝦汁胡麻冷麵（$88，夏季限定）
一幻拉麵港島旗艦店位於中環港鐵站附近，嚟到必試新店限定嘅蝦汁胡麻冷麵，醬汁用炒香過嘅芝麻、蝦粉，加上蝦油、蒜蓉、日本醬油等調製而成，蝦香同胡麻味平衡。
配料有小虎蝦、紫菜、蝦味麵酥、醃蘿蔔、青瓜、蛋絲、叉燒，同中間紅色惹味嘅香辣甜蝦。蝦味麵酥用天婦羅粉、紅薑同蝦湯自家製作，增添香味同口感層次。香辣甜蝦口感香脆，醬汁味道濃郁，有畫龍點睛嘅效果。
Powerbank拉麵套餐（$388/二人用，中環店限定）
搵多個拉麵控朋友仔就可以一齊食個二人套餐啦，兩碗拉麵可以任揀新店限定嘅蝦汁胡麻冷麵，香港店限定嘅特濃蝦汁叉燒拌麵、辛辣味噌蝦湯拉麵，或者一幻招牌蝦湯拉麵。
套餐仲包一份餃子、兩款飲品、一盒自選口味蝦湯拉麵，再送一個限量版外置充電器（送完即止）。
更多【新店直擊】： |
香辣甜蝦椰菜沙律（$38）
醬燒雞髀菇（$22）
（左）醬油味筍（$15），（右）涼拌木耳（$15）
另外仲有四款小食新登場，香辣甜蝦椰菜沙律嘅香辣甜蝦非常香口，而醬燒雞髀菇加上紫菜亦幾惹味，值得一試。
總店長林直樹先生
一幻拉麵
地址：中環威靈頓街50號華威大廈地鋪A
文、相、片：Cathy