京都人氣西京漬專門店登陸尖沙咀!平食優質輕懷石料理(有片)
2019-05-10

又有日本人氣過江龍抵港,今次呢間喺京都有91年歷史,主打招牌西京燒,當地平均一日賣近30,000份!尖沙咀係香港首間海外分店,為迎合市場變成主打輕懷石料理,午市同晚市各有唔同套餐,最平$158起就有交易啦。
 


傳Den八道菜套餐($688/位)

被譽為「日本京都第一西京燒」嘅京都一の傳,尖沙咀店位於海港城。日本店總廚佐藤暢郎先生將會留港三個月以保持質素。如果想試招牌蔵味噌漬西京燒嘅話,午市清水Kiyomitu三道菜套餐($158/位)就已經有。但如果想完整體驗輕懷石料理,就要等到晚市點呢個最豐富嘅八道菜套餐喇。
 


前菜8款盛合

雖然係日本主廚為繁忙香港人設計嘅輕懷石料理,菜式數目較少,但保留精緻擺盤、選用時令食材,同每道菜逐一上枱嘅精髓。呢份前菜8款盛合就係最好嘅例子,八道前菜:鮭魚子冷蒸蛋羹、胡麻豆腐、京風茄子天婦羅、帆立日本茶天婦羅、蜜煮楊梅、和果醬魷魚、胡椒醋雞肉、金槍魚壽司用唔同器皿上枱。
 


建議食法係先由淡味食到濃味,所以從左手邊食到右手邊就啱啱好。鮭魚子冷蒸蛋羹嘅蒸蛋柔滑,以鮭魚子鮮味為主;胡麻豆腐用芝麻同葛粉製成,淡淡芝麻香配辛辣嘅Wasabi。喚醒味蕾後就係京風茄子天婦羅、帆立日本茶天婦羅兩款天婦羅,前者混入米通令口感更香脆,後者炸前沾上日本茶碎增添回甘。食完炸物食返粒蜜煮楊梅清新口腔。和果醬魷魚魷魚口感柔韌彈牙,胡椒醋雞肉脆而唔過硬,最後以醃漬兩晚嘅金槍魚壽司作結。
 


旬野菜椀

以新鮮野菜加上洋蔥打成濃稠菜湯,口感綿滑味道鮮甜。中間嘅茄子亦非常軟腍入味。
 


火炙和牛壽司

用上熊本A4和牛,上枱後由日本師傅即席火炙,未食先聞到陣陣脂香同焦香。和牛切得夠薄,做到幾乎入口即溶嘅口感。
 



鐵板海老帆立

同樣係燒物,不過今次輪到自己燒,大蝦燒後香味十足,而且蝦肉彈牙。魷魚同帆立貝亦夠新鮮。
 

更多【新店直擊】:
1. 尖沙咀厚福街食台式小食!$22迷你肉燥飯、紫薯餡麻糬波波
2. $168海膽富士山丼、原條蒲燒肥厚鰻魚飯 荔枝角高性價比日式海鮮丼
3. 日式炸雞元祖店 天下鳥登陸大埔 多達15種醬任揀任配

 

3種類生麩田楽

細細支又色彩繽紛似雪條,但其實係類似我地食開嘅麵筋,口感煙韌。三款口味分別係赤味噌、Cream Cheese、同白味噌,鹹香惹味。
 


蟹肉羹鰻出汁蛋卷

出汁係日本菜基礎之一,顧名思義係熬出嚟嘅汁,呢道菜用嘅係木魚湯,所以湯本身已經非常有鮮味,再加上蟹肉同鰻魚,甜香十足。蛋卷亦加入木魚湯製作,口感滑溜。
 


西京漬其實係一種以前用作保存鮮魚嘅加工方法,呢間店用嘅秘方亦由第一代流傳至而家嘅第四代:用優質嘅阿拉斯加銀鱈魚肉﹐加入特製嘅西京味噌﹑伏見市名酒廠「松本酒造」嘅純米料理酒﹑ 澤井醤油出品經過3年發酵熟成嘅「丸大豆2度熟成醤油」以及 100%赤穂海水製成嘅天然鹽「赤穂の天塩」醃漬兩晚,抹走魚肉上多餘嘅味噌後再細火慢烤約10分鐘。
 


銀鱈魚 蔵味噌漬

香港店用嘅銀鱈魚從京都直送,保證同京都食到嘅係同一風味。金黃色嘅魚肉賣相誘人,食落魚油香同味噌甜味相輔相成,肉質結實嫩滑。唯一扣分嘅係魚皮燶咗少少。另外可加$128轉為鐵板日本產和牛。
 


日本產米飯


味噌湯

米飯選用日本福井縣嘅越光米,粒粒分明飽滿,口感柔軟。而味噌湯係香港比較少見嘅赤味噌,發酵時間較長,香味更濃郁亦比較鹹。
 






京都一の傳
地址:尖沙咀廣東道5號海港城海洋中心4樓402號舖




文、相、片:Cathy

關鍵字
尖沙咀
西京漬
輕懷石料理
日本菜
京都一の傳
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】最後倒數!即將結業的老字號及人氣小店
1天前
【隨時更新】零食速報 每周新款零食、酒品點評
2天前
甜蜜蜜暑假 7月下午茶推介
2020-07-03
送A4和牛拼盤!最平$298任食兩小時 銅鑼灣新開鬼怪主題日式燒肉放題店
2020-06-22
【7月生日優惠】免費食酒店晚餐.免費粥底火鍋
2020-07-02