九龍城新開蝦麵店 8斤鮮蝦熬湯加波士頓龍蝦(有片)
2018-07-26

香港以海鮮做主題嘅餐廳唔少,不過蝦嘅專門店就唔多。最近九龍城就開咗間新餐廳,招牌寫住米線泡飯專門店,同時又有大大隻龍蝦喺度,原來主打蝦湯底嘅麵食同泡飯,蝦湯用足8斤鮮蝦,再加其他配料每日熬煮。想食豪啲配料仲可以揀波士頓開邊龍蝦呀!
 


蝦匠顧名思義以蝦做主題,招牌係佢地嘅足料蝦湯。先用豬骨、雞、青紅蘿蔔煲清湯,再加8斤鮮蝦蝦殼蝦頭,加蝦籽、蝦乾、蝦米熬足3-4個鐘頭,將鮮紅香濃嘅蝦油煲出嚟,唔需要任何味精都夠哂惹味!
 


蝦匠湯配龍蝦半隻(配摻摻)(原價$88,開業特價$68)

蝦匠湯即係原味蝦湯,本身配料就有蝦、札肉或腩肉、豆卜、芽菜,想鮮味升級就可以再加半隻波士頓開邊龍蝦。蝦湯聞落的確帶非常香嘅蝦味,飲落一開始可能會覺得有少少淡,之後辣味就會湧上嚟,就算係夏天都會令人忍唔住一啖接一啖咁飲。
 


麵底可以揀油麵、米線、米粉或者摻摻,即係油麵加米粉,一碗試勻兩種口感。加埋彈牙嘅龍蝦肉、札肉,同吸哂湯汁嘅豆卜等,相當豐富。
 


冬陰功蝦湯(配米線)($48)

想再刺激啲嘅話,就可以揀冬陰功蝦湯麵!香茅等香料味道相當濃郁,略嫌有少少蓋過蝦湯本身嘅香味,不過飲落就夠哂酸辣開胃。配料有蝦、青口、魚片、秀珍菇同蕃茄。
 


花膠雞湯泡飯(晚市$98半隻,午市$78例牌)

招牌寫得米線泡飯專門店。當然亦有泡飯食啦。除咗蝦匠湯之外,仲特別推介呢款花膠雞湯泡飯!湯底用上等金華火腿、瘦肉、老雞同花膠熬煮6個鐘頭。之後加三黃雞同花膠,以鑊仔上枱,下面會點火保溫。建議大家可以先飲一啖鮮甜帶少少膠質嘅湯,之後再加飯食泡飯。
 

更多【新店直擊】:
1. 東京牛肉油拌麵專門店 10cm高重量級牛肉丼
2. 油麻地木盒牆身樓上café 食Wilson落肚?
3. 雲石流心蛋糕尖沙咀新店 新推梳乎厘蛋糕+刨冰

 

蝦蝦霸霸($68)

小食同樣充滿蝦香!蝦餅食得多,好似手掌心咁大嘅就比較少見。餐廳每日用新鮮蝦自家手打,再炸至金黃色、外脆內彈嘅蝦餅,點少少酸辣醬食更香口。
 


蝦匠皮蛋($20)

即係麻辣蝦香皮蛋,皆因餐廳特別喺紅油當中加咗少少蝦乾碎,聞起來帶蝦香而食落先麻後辣,最後仲有少少蝦嘅鹹味。配以皮蛋軟滑又彈牙嘅口感,層次豐富。
 


冰鎮青瓜($22)

食咗咁多香辣惹味嘅菜式,可以食返呢碟冰鎮青瓜清清味蕾。青瓜條用冰鎮形式上枱,視覺效果突出。中間兩條玻璃管分別裝住芥末豉油同麻醬,前者帶辣後者香濃,按自己口味想點幾多就幾多。
 


(左)檸檬天葵花,(右)百香天葵(各$38)





蝦匠
九龍城福佬村道20-22號學林軒地下A舖




文、相、片:Cathy

關鍵字
九龍城
蝦麵
福建蝦麵
冬陰功蝦湯
花膠雞湯泡飯
蝦餅
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!屋企都嘆到三層架下午茶 Tea Set外送/外賣自取推介
1天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
3天前
全城抗炎!北角酒店最新應變 自助餐都有得外賣?
2020-07-17