九龍城必吃食店
2008-05-15

曾幾何時,九龍城最出名是食泰國菜,時至今日,根據食家給予的好評數目,清真牛肉館已搶佔該區最受歡迎食店的首位,甜品店也越來越受歡迎,當然泰國菜仍是很多人的選擇。美食多元化,不就是大飽食家的口福嗎?
(截至08年5月13日以食店到的減去數目結果排名)

第一位 清真牛肉館


(Photo by 素素豬)

香港少有清真食店,受大眾歡迎的清真食店更是少之又少,更難得的是單憑一款牛肉餅,就已吸引食客慕名而來。牛肉餅包在無筋麵粉搓製的皮內,即包即煎,食慣的人就知道進食時有技巧,才不會給熱辣辣的汁燙到。不少食家都認為這裡的牛肉餅最有保證,唯其它的菜式水準一般。

  • 駐港加州人:蔥油餅就真的是喜出望外了!很久沒有吃到那麼香而不油膩的蔥油餅了!而且層次分明。誠意推介!
  • American Idol:兩個牛肉餅:皮薄多汁,d肉汁一湧而上熱辣辣,名不虛傳既極品!
  • Stuxxv:牛肉餅果然名不虛傳@@...!!!就係因為我地係街上面食...d肉汁就係咁漏晒落地(唉...徙晒........)

必食推介:牛肉餅

 

第二位 潮州合成甜品


(Photo by 素素豬)

有數十年歷史的潮式糖水店,以足料見稱,由於大部份糖水都由3種或以上的材料拼合而成,所以糖水名字特別長。除了固定的口味,還可額外加蓮子、清心丸等等,由於糖水料多水少,不少食家都覺得食一碗可抵得上一餐飯。雖然到夏天,但食家提醒叫凍食的糖水會加冰粒,糖水就會味道變淡。

  • 一雪:試過蓮子腐竹清心丸,碗糖水好多蓮子,料比糖水多好多,適合喜歡食糖水渣的人。因自己是潮洲人,故一向媽咪都會煲這些糖水,覺得這兒好有屋企糖水feel。
  • knblack:揀咗必食嘅馬蹄沙,$14,料勁足,啖啖都有蓮子同馬蹄咁滯,價錢非常合理,最好嘅係佢唔太甜,感覺好滋潤!朋友叫咗個腐竹雪耳糖水,亦唔太甜,味道好好!
  • stephann:的確不錯,我要了一碗黑糯米+芝麻湯圓,湯圓好似有5粒,每粒都大大粒,咬一口,內裡的芝麻滿瀉,大大碗的黑糯米可以當lunch。

必食推介:馬蹄沙、黑糯米、芝麻湯丸、蓮子清心丸綠豆爽

 

第三位 小曼谷泰國菜館


(Photo by herbert)

小曼谷早年由細舖搬大舖,很多人都說食物水準大舖不如細舖,但總括而言這間是九龍城區最旺的泰菜店之一,尤其串燒和咖喱蟹,很多食家都讚賞,價格合理,不過近期食評較多劣評,值得留意。

  • tam tam:其實呢度d泰國菜口味幾o岩香港人食,唔係話食完會覺得超好味,不過可以間唔中唻,可encore!
  • herbert:比咖哩炒蝦出色,只吃了件蟹腳,有咖哩汁的味道,也有蟹的鮮甜味,似乎蟹係更能夠吸收到咖哩的味道,當然,這個咖哩汁,主要也係留來點蒜蓉包的。
  • hofungbb:串燒:有牛、豬、雞、鴨腎同豬頸肉,我就覺得牛同鴨腎最好食,真係好野味架,值得一讚。

必食推介:咖喱炒蟹、串燒、沙冰

 

第四位 金寶泰國菜館


(Photo by 傻大姐)

金寶的泰國菜,出名得早已將衙前塱道變成「金寶街」,而且亦已衝出九龍城區開分店,多年來其招牌菜活蝦刺身及醬爆蝦餅都大受歡迎,成為食客必點菜式,活蝦選用泰國草蝦,蝦丸內釀入越南大頭蝦膏,近期9成食評都讚好。

  • 傻大姐:「好好味!!」友人對醬爆蝦球讚不絕口,我話要影相其中一個都等唔切、夾起一粒放入口。佢地由加拿大回流返香港得個幾個月,未食過醬爆XX,所以反應好大……不過曾經帶過幾批人黎試菜大家都話好食就係真既。
  • 木木月女口:活蝦個汁好辣,好刺激,但係我想講,超好食!!我諗無人會反對…
  • 一對草餅:醬爆蝦丸,必食,最鍾意D流沙/醬爆野!仲爆到成身都係=_="……好味,蝦夠彈牙,加埋個醬汁酸酸甜甜,一D都唔漏。

必食推介:醬爆蝦丸、活蝦刺身、五香豬手煲

 

第五位 金滿堂甜品


(Photo by momo "cest bon")

金滿堂的受歡迎除了因為是強調少糖低甜的甜品店,還要歸功於其創意出品──咖啡果凍伴炭燒雪芭、麥提莎糯米磁、金枝玉葉及海藻甜蜜水晶花等,除了味道不錯,無論老闆娘或者店員都被讚服務態度好,難怪客似雲來。

  • 業餘為食家:這裡標榜小甜低糖,另不嗜甜品的我亦大快朵頤。
  • momo “cest bon”:咖啡果凍伴炭燒雪芭($28)。超級出色,值得留意欣賞的細心位為老闆已為果凍切開了,看上去完整的絕對看不到這舉動,這顯然讓食客吃得方便吧。
  • 普洱茶的飲食世界:最後還是點了鎮店之寶- 楊枝金露的改良版,名為金枝玉葉$25。金滿堂強調這個金枝玉葉是選取菲律賓特大呂宋芒製作而成,芒果肉粒果然香氣撲鼻,味道清甜,芒果汁相當稠,的確是真材實料,味道也不太甜。
必食推介:咖啡果凍伴炭燒雪芭、麥提莎糯米磁
關鍵字
牛肉餅
馬蹄沙
黑糯米
芝麻湯丸
咖喱炒蟹
串燒
沙冰
活蝦刺身
麥提莎糯米磁
九龍
九龍城
滋味分享
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
元朗「泰」滋味 5間特色泰國菜館
2017-04-13
2017亞洲50最佳餐廳 香港七間餐廳上榜
2017-02-22
再戰東大街 有咩小店值得食?
2017-04-19
將天草漁市場搬過嚟!銅鑼灣新店Lunch Set有驚喜(有片)
2017-04-24
泰國名氣宮廷菜抵港 超軟滑三重芝士榴槤撻
2017-03-29
2017亞洲50最佳餐廳 地區最佳餐廳全攻略
2017-02-23
餐廳資料
更多
收起
本月熱門
【隨時更新】便利店尋寶 每周新品速報
2天前
尖沙咀新商場開幕 過江龍餐廳一覽
2019-08-30
【2019中秋】最新人氣話題+送禮靚盒月餅集合
2019-09-09
【蠔癡必看】生蠔海鮮的浪漫盛宴!
2019-08-27
台中人氣手工芋泥甜品登陸尖沙咀 必試招牌雙芋仙草奶凍、神仙奶
2019-09-03