雖然「墨演懶肉山小辣」食極都唔厭，但間中都會想試下新嘢嘅。三哥最近新推出咗兩款期間限定嘅米線同小食，將經典嘅煳麻同麻辣湯底結合，各位粉絲不妨一試。
煳麻湯魚爽肚米線 (配芥末魚籽鱈魚滑豆卜)
煳麻湯底有種焦香，麻辣湯底又刺激，粉絲們每次都選擇困難症咁都唔知揀邊個好。So，why not both？今次三哥就將兩個湯底溝埋一齊，創作出全新嘅煳麻湯底。兩者混和咗之後，既有微微焦香，亦有輕微麻感，但感覺比原本嘅辣溫和咗。
另外仲有兩款推介嘅配搭食材，魚爽肚同芥末魚籽鱈魚滑豆卜。魚爽肚即係魚鰾，口感爽滑；芥末魚籽鱈魚滑豆卜將鱈魚滑釀入豆卜中，加埋以山葵提煉過嘅芥末油同魚籽，食落有微微攻鼻嘅刺激感。
限定小食香烤芝脆豆腐餅，以鱈魚漿同硬豆腐搓成豆腐餅，再沾上芝士，即叫即烤。外層帶有微香，內裡軟滑，夾起嗰陣都幾考筷子功。配埋麻辣喼汁都幾惹味。
蜜桃乳酸，甜甜地，解辣啱晒
餐廳請嚟小薯茄嘅麗英率先試食，麗英仲話食完會焫焫焫焫焫焫著~~
譚仔三哥米線
全線分店，期間限定供應
文：Kar
相、片：Tom Li、Wilfred Chui