一年一度哈囉喂美食預告 可愛鬼Line Friends現身主題公園
4天前

就嚟又到哈囉喂啦~ 咁多隻大小嘩鬼等足一年終於有可以攞正牌出嚟扮鬼扮馬玩餐飽啦。海洋公園今年唔止有全新玩法,仲新加埋Line Friends一齊反轉公園添!

呢個哈囉喂全園祭,大人細路都啱玩,要驚嚇嘅有六大鬼域同「嚇破膽」主題美食;要輕鬆可愛嘅有Line Friends陪住你。大家都知成個公園入面,有多間餐廳同小食亭,去到邊都有嘢食,但如果你哋睇中邊款特別想食嘅,就要留意返搵食地點喇!

BROWN & FRIENDS 開心哈囉喂便當  熊貓薈

萬聖節點少得南瓜?另外有以泰國蝦、紐西蘭青口等入饌嘅酸甜菠蘿咕嚕海鮮,而主角當然係SALLY造型嘅芒果慕絲啦。

造型甜品  水都餅店

甜品控一定識嚟搵甜品,不過款款都咁cute都幾難揀。成隻幽靈咁嘅BROWN係白朱古力芒果慕絲蛋糕;大大塊面嘅SALLY係巨型紅桑子馬卡龍。另外仲有朱古力及菠蘿椰子慕絲批、貝殼蛋糕、意式脆泡芙、cupcake、車厘子朱古力卷蛋同朱古力撻等。

漢堡/小食  小丑派對動感美食坊

想爭取多啲時間玩,快食就算嘅,漢堡同小食拼盤就啱晒。漢堡係蜜糖芥末炸蝦堡,而小食拼盤則包有炸雞翼、司華力腸同炸薯條。

全園祭套餐  冰極餐廳

 烤牛肉西冷配焗南瓜、海鮮茄汁螺絲粉配水牛芝士

 煙三文魚釀蟹肉紅菜頭、匈牙利牛肉湯

當然如果想食飽飽先再上路嘅,食個set就冇錯喇。由前菜、主菜,到甜品,通通都有熊大、CONY同莎利嘅蹤影!主菜揀牛扒嘅話,仲會有塊SALLY芝士添,烤西冷肉汁幾香,肉質軟腍。

「血獄癲牢」全園祭套餐  海洋冰室

至於行驚嚇路線嘅朋友,就有另一個全園餐等緊你啊!呢間餐廳隔籬就係個以恐佈人體實驗為藍本嘅「血獄禁區」,於是呢度食到嘅都係挑戰感官極限嘅嘢食!好似成隻小強同老鼠咁嘅原隻鮑魚配雞粒炒飯、炸帶子飯糰、炸青口等等。另外要特別提下個柑,切開原來內藏Tiramisu呀。

孟婆湯  亞陳麵檔/詠藜園

傳說中飲咗孟婆湯就會冇晒記憶,唔知飲完呢碗以當歸、熟地同豬骨熬成嘅足料補湯之後,又會點呢?

甜品  O So Sweet

啋!好地地插乜鬼三支香?原來係香爐造型嘅黑芝麻布甸,芝麻味十足㗎,但食完小心變咗芝麻guy,成棚牙黑麻麻呀科科。另外成個八卦咁嘅係曲奇嚟,夾住個心太軟。

地獄行曲奇    亞陳麵檔/詠藜園、小丑派對、動感美食坊、動感加油站金香雞雪糕樂

但講到最掙扎放唔放入口嘅,好可能係呢幾塊「地獄行」牛油曲奇,做到成副冥鏹咁,好鬼逼真!仲可以當「手信」買走送畀朋友!曲奇由歐洲進口,牛油味香濃得嚟,口感亦有別於一般脆口嘅曲奇,微軟中帶嚼勁啊。

其餘小食及飲品

 安格斯牛肉漢堡、西西里蒜香蝦串 (山上綠閘小食車)

 黑咖喱棺材熱狗(山上綠閘小食車)


公園今年設有六大鬼域,並以本地靈異故事為主題,仲將恐怖元素由鬼屋延伸至全園每個角落,兼且仲比往年開放時間更長更夜!btw,如果想搵下Line Friends過下冷河,唔使全日都驚嚇嘅話,可以過下去威威天地搵熊大佢哋啊,換晒哈囉喂裝嚟派糖啊!

哈囉喂全園祭
日期:9月21日-11月3日


關鍵字
萬聖節
哈囉喂
Line Friends
卡通
主題樂園
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
更多
收起
本月熱門
【隨時更新】便利店尋寶 每周新品速報
6天前
尖沙咀新商場開幕 過江龍餐廳一覽
2019-08-30
【2019中秋】最新人氣話題+送禮靚盒月餅集合
6天前
【蠔癡必看】生蠔海鮮的浪漫盛宴!
2019-08-27
台中人氣手工芋泥甜品登陸尖沙咀 必試招牌雙芋仙草奶凍、神仙奶
2019-09-03