【OpenRice x國泰 多重優惠賞】尖沙咀高級日本料理 初秋期間限定廚師發辦
2021-10-07

由即日起至10月31日,到以下指定夥伴餐廳可賺取額外雙倍里數,讓你遊走更多滋味里程。「亞洲萬里通」會員可賺高達HKD4 = 2里,而渣打國泰Mastercard®持卡人星期五、六、日更可賺高達HKD4 = 4里。

首次使用「里數加現金」埋單,即賺取額外200里。立即展開你的味覺里程!

今個月要同大家介紹嘅國泰夥伴餐廳,係一間位於尖沙咀嘅壽司廚師發辦餐廳,主廚有逾11年製作日本菜經驗,更曾跟過日本師傅學藝,擅長將日式經典美食融合現代烹調手法,食材配搭同運用每每都有驚喜。

餐廳最近同國泰合作,為「亞洲萬里通」及馬可孛羅會香港會員推出初秋期間限定廚師發辦,前菜、刺身、和食、壽司、吸物同果物都特別選用時令九州同北海道食材製作,每日空運到港,保證新鮮。雖然刺身係點食都唔會悶,但師傅都特別花咗啲心思去製作,好似拖羅咁就先以蘋果木煙燻過,再加上柚子味噌醬、丹麥黑魚子醬同Wasabi爆珠,食落既有拖羅嘅油香,同時又會有淡淡煙燻香味,更有柚子嘅清新感,層次豐富。

而燒北海道帶子配海膽則同時滿足多重感官,師傅先以自家調製嘅豉油浸過帶子後再輕燒幾下,夾埋味道清甜嘅白海膽,外層包上紫菜,再親自放到客人手上。兩款海產嘅鮮味隨即喺口中爆發,平衡甚佳。

壽司方面,選用北海道七星米製作赤醋飯。拖羅壽司配上三星漬,油香中帶微辛微鹹;北海道魚王喜知次經火槍燒過後,豐富嘅皮下脂肪立時增加更多油香。

活赤貝壽司配以青檸汁提鮮,味道鮮甜爽口; 北海道赤海膽壽司味道香濃甘甜。

和食嘅慢煮鮑魚配鮑魚肝醬,製作工序繁複,先將鮑魚慢煮6個鐘,浸喺以清酒、昆布同蘿蔔等煮成嘅湯中,再放一日先用,難怪非常入味。剩下嘅鮑魚肝則製成鮑魚肝醬,建議大家可以先食一片原汁原味嘅,感受過原始嘅鮮香後,第二件可以點蘸鮑魚肝醬,味道更濃郁、更甘香。

係咪睇到好吸引呢?而家OpenRice同國泰合作,只要係「亞洲萬里通」及馬可孛羅會香港會員即可尊享「秋季主題餐膳」。除咗有特別餐單之外,更有特別優惠,每2位客人即送京姬 匠 純米大吟釀(720ml) 一枝。呢個特別優惠只係做到10月31日,咁多著數仲唔快啲訂位!會員訂座時記得要輸入優惠碼【CATHAYOPENRICE】先至可以享用到呢啲優惠㗎。

同埋結賬時必須使用OpenRice Pay 或國泰應用程式掃描QR code後,選擇賺取里數。即日起至10月31日期間有雙倍里數,逢星期五、六、日用埋國泰聯營卡,更可高達$4=4里!用國泰應用程式結賬可以靈活使用里數當錢使,而用OpenRice Pay則更可同時享用其他平台結賬優惠,可與消費券同時使用,實行折上折!

期間限定:即日至10月31日
活動詳情:(按此
即睇夥伴餐廳名單:(按此




Hanabi  
地址: 尖沙咀諾士佛臺6號4樓


關鍵字
尖沙咀
廚師發辦
Omakase
日本菜
刺身
壽司
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【2021生日優惠】持續更新!10月壽星半價嘆自助晚餐/免費放題
2021-09-30
【隨時更新】零食速報 每周新款零食、酒品點評
2天前
4間大閘蟹食店集合!米芝蓮食府大閘蟹宴+最平$368任食大閘蟹
2021-10-06
9月份好評餐廳十強
2021-10-08
今期流行!你是我的心愛甜品 全港6大Apple Pie推介
2021-10-08