【6月生日優惠】免費食酒店龍蝦自助餐 100樓望維景食嘢8折
2020-06-02

6月生日嘅雙子、巨蟹座要豪食生日飯~因為各大酒店、餐廳都推出各種優惠,大好機會用划算價錢過一個豪華生日,可以免費食酒店自助餐,又可以免費食和牛燒肉等……係好幸福嘅生日月份呀。

城景閣 (城景國際酒店) 4人同行1人免費

城景閣嘅「龍蝦.鮮蠔.海鮮自助晚餐」超多矜貴海鮮,例如美國及紐西蘭空運生蠔、鱈場蟹腳、布朗蟹、荷蘭藍青口同日式刺身等;菜式方面就有龍蝦珍珠蠔流心芝士撻、鹽漬海膽龍蝦鮮蠔仔燉蛋白等。而且每位客人都會免費獲贈「黃金海膽醬烘波士頓龍蝦」一客,仲會無限供應果汁、指定紅白餐酒同啤酒。

圖:foodexploring

圖:foodexploring

優惠券:4人同行1人免費

WHISK (The Mira) 送汽酒乙杯+生日蛋糕乙個

WHISK 嘅廚藝團隊屢獲殊榮,主打精緻西餐Fine Dining,全球搜羅高質食材,儲落唔少熟客口碑,好多人都鍾意鮮甜海膽、松葉蟹、鮑魚等。而且呢度嘅擺盤好有心思,好啱生日影相打卡。而家喺生日一週內與朋友同行,可獲贈汽酒乙杯同生日蛋糕乙個。

圖:Janice05931

圖:RheaChim

6月生日優惠:生日之星於生日一週內與朋友同行,可獲贈汽酒乙杯及生日蛋糕乙個。
優惠只適用於惠顧星期一至六之晚餐,包括公眾假期。必須最少一日前預訂,優惠須視乎供應情況而定。請於訂座時說明「WHISK Birthday Celebration」以享優惠。優惠不可與其他特別菜譜及信用卡生日優惠同時使用。

Café 100 by The Ritz-Carlton 8折優惠

喺全港最高嘅環球貿易廣場100樓嘅Sky100,有Café 100 by The Ritz-Carlton 望大海景,喺度慶祝生日好有氣氛之餘,大海景做背景仲好容易影到靚相。呢度有各款甜點、鹹點、包點等選擇,再飲杯咖啡完全遠離繁囂。除咗餐廳有8折優惠,香港居民喺生日月份內帶同一位親友以7折優惠購買Sky100 門票後,生日訪客即可免費換領標準門票入場㗎!

圖:amyng_amy

圖:ms_curious

6月生日優惠:生日訪客於Café 100 by The Ritz-Carlton 購買餐單上食品享8折優惠;香港居民於生日月份內帶同一位親友(同行親友7折優惠名額最多3名) 以7折優惠購買Sky100 門票後,生日訪客即可免費換領標準門票入場。

霸王山莊 送北京烤鴨及壽包

中菜都可以食餐豐富生日飯,霸王山莊主打京、川、滬、杭等中菜,有片皮鴨、水煮桂花魚、砂鍋雲吞雞等。佢哋有2款生日優惠揀,可以喺生日月份最高享85折優惠;又或者喺生日當天獲送北京烤鴨及壽包。

圖:jessicawyho

圖:sissyfoodie

6月生日優惠:2項優惠 2選1,只要出示身份證、Like & Share 餐廳Facebook / Instagram就得。
(優惠1) 於生日月份惠顧晚市,星期一至四(公眾假期及前夕除外) 可享85折、星期五六日及公眾假期及前夕可享95折優惠;
(優惠2) 生日當天送北京烤鴨及壽包,2至4位獲送例牌北京烤鴨、5至8位獲送半隻等。

響 - Hibiki日本燒肉 壽星免費食刺身和牛燒肉放題

主打日本放題燒肉~而家食刺身和牛燒肉放題,4人同行,1位壽星免費;8人同行,2位壽星免費~雙壽星一齊慶祝特別抵!有任食日本空運新鮮活魚刺身+和牛燒肉放題,包括櫻鯛、金線鯛、深海池魚、池魚、金目鯛、黑鯛等多達40款,任食Movenpick、Haagen Dazs 等雪糕,仲送新鮮熟食巨大波士頓龍蝦及喜之次一條。

圖:Bluemary524

圖:samchau999hk

6月生日優惠:壽星免費食刺身和牛燒肉放題,4人同行,1位壽星免費;8人同行,2位壽星免費。

生日飯局
好友生日飯局的環境、食物質素、驚喜等因素都很重要,開飯仔集合各類最適合慶生的餐廳,方便飯局搞手。
餐廳資料
更多
收起
本月熱門
【隨時更新】零食速報 每周新款零食、酒品點評
3天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盤!最平$298任食兩小時 銅鑼灣新開鬼怪主題日式燒肉放題店
2020-06-22
【7月生日優惠】免費食酒店晚餐.免費粥底火鍋
2020-07-02