【2021聖誕】精挑細選 高顏值聖誕蛋糕/禮盒/酒品大晒冷!
2021-12-16

聖誕佳節將至,開Party食靚靚蛋糕或者交換禮物呢啲環節一定唔少得啦!但有時諗食咩都送咩都好頭痕,今次一次過介紹多款聖誕蛋糕、聖誕禮盒及酒品畀大家,無論送禮定自私用都一樣咁啱。


聖誕蛋糕:

Smile Yogurt Golden Xmas Froyo+冧酒提子焦糖布丁蛋糕 

本地雪糕乳酪蛋糕店推出冧酒提子焦糖布丁蛋糕,鬆軟嘅海綿蛋糕以冧酒提子製作而成,加入埋甜而不膩嘅焦糖布丁,口感同味道都好豐富。另外仲有聖誕限定Golden Xmas Froyo,以自家製脆脆配上鮮甜士多啤梨,中層加入青提子同鮮芒果,打卡最啱!


Soulgood Bakery 秘製草莓醬流心巴斯克芝士蛋糕+蘋果金寶巴斯克芝士蛋糕

巴斯克芝士蛋糕專門店今個聖誕推出兩款新口味聖誕蛋糕,店主研製咗好耐㗎喇,秘製草莓醬流心巴斯克芝士蛋糕選用日本草莓釀製而成嘅草莓果醬,中和到芝士蛋糕嘅膩感;而蘋果金寶巴斯克芝士蛋糕,蛋糕夾心更加入埋切粒嘅富士蘋果,蘋果加份肉桂粉同檸檬汁一齊炒勻,加埋面頭焗香嘅Crumble,口感好豐富,甜度控制得剛好! 


當文歷餅店 紅叮叮電車+聖誕星星小輪

今年呢間過江龍餅店以香港本土特色為主題,用港人熟悉嘅交通工具設計全新聖誕蛋糕。包括以意大利榛子慕絲、海鹽焦糖朱古力忌廉、雲呢拿海綿蛋糕、榛子朱古力脆底同自家製紅桑子小紅莓果醬製成嘅紅叮叮電車,仲有以牛油曲奇皮盛載住蘋果栗子果醬同栗子朱古力忌廉嘅聖誕星星小輪。


Twinkle Baker Décor Sanrio卡通人物主題蛋糕 

鍾意Sanrio嘅朋友必食!今次推出原個蛋糕同My Melody、My Sweet Piano仲有Kuromi件裝蛋糕,原個蛋糕以粉色甜蜜糖果聖誕馬克杯為主題,特別嘉賓My Melody、My Sweet Piano同Kuromi喺滿滿鮮忌廉杯子內沐浴,內層為酸酸甜甜嘅草莓芝士慕絲同草莓醬,酸酸甜甜,食多多都無問題!

 

Lady M 聖誕紅絲絨蛋糕+栗子千層蛋糕

每年都備受期待有咩搞作嘅蛋糕店~聖誕限定紅絲絨蛋糕以可可粉作為基礎,焗製成三層酒紅色海綿蛋糕,中間加入忌廉及忌廉芝士,質感輕盈綿密。再度登場嘅栗子千層蛋糕每一啖都滲透濃濃栗子香呀。

 

Kiyoka 白松露芝士蛋糕+士多啤梨撻

全新甜點品牌,由日藉甜品主廚松原明日香主理,擅於創作一系列日法fusion甜品。今個聖誕分別有白松露芝士蛋糕同士多啤梨撻,前者每一個蛋糕都會用上15克白松露同頂級香草籽,味道好有層次;後者粒粒士多啤梨都香甜多汁。


 

Royal Delights 愛麗絲童話系列 +鬼馬蛋糕系列

想過一個童話聖誕,就要有個童話蛋糕喇。一系列以愛麗絲夢遊仙境為主題嘅蛋糕全部都好鬼靚,檸檬藍莓朱古力樹頭蛋糕完美還原返愛麗絲鑽入樹洞而跌入魔幻王國嘅場景,以70%黑朱古力加藍莓果醬等製成嘅蛋糕,酸甜濕潤。棋盤「紙牌僕人」係海鹽焦糖榛子蛋糕,蛋糕鬆脆幼滑。

 

The Cakery 純素/有機聖誕樹蛋糕+黑森林蛋糕

食純素嘅朋友同樣可以享受聖誕蛋糕!呢間糕點店今年推出聖誕樹蛋糕(可選純素或有機版本)同黑森林蛋糕(可選無麩質或純素版本),前者有超搶眼嘅流心效果,後者係朱古力海綿蛋糕配酒漬櫻桃嘅傳統口味,同樣甜而不膩。


聖誕禮盒:

Bel-Zims 星座傳情朱古力禮盒

想送一份有心思嘅禮物比朋友或摯愛,呢個星座傳情朱古力禮盒一定有驚喜。禮盒按十二星座屬性設計出十二種獨一無二嘅口味,朱古力由比利時頂級朱古力大師Mr.Jacky Vergote用心製作,有gimmick之餘仲好好食。



Pâtisserie Jane 「甜品版」聖誕倒數日曆

每日拆一格倒數聖誕嘅來臨就最開心!呢間新晉甜品店於2021年聖誕首度推出「甜品版」聖誕倒數日曆,由12月19日至25日,包括七款精緻甜品,由低糖柑橘果醬、聖誕朱古力球、心形芝麻蝴蝶酥、朱古力及抹茶冬甩、檸檬罌粟籽及伯爵茶瑪德蓮、糖霜曲奇到肉桂薑餅及茉莉花茶味奶油曲奇等!



Häagen-Dazs 櫻桃小丸子雪糕火鍋+人物造型雪糕杯 

小丸子又有心事~小丸子fans今個聖誕又有嘢要買啦!呢間連鎖雪糕店推出櫻桃小丸子聯乘系列雪糕火鍋,以小丸子同兩位人氣角色野口同學及花輪同學為主題。未完呀,仲有人物造型雪糕杯,一定要收藏!


Schoggi Meier 閃爍星芒聖誕精選禮盒+聖誕樹雜錦果仁及乾果朱古力

喺香港自設廠房嘅朱古力品牌,呢個閃爍星芒聖誕精選禮盒送禮就夠晒得體,一盒齊晒聖誕薑餅人、聖誕老人朱古力、黑朱古力海鹽焦糖威化脆卷及牛奶朱古力榛子威化脆卷~聖誕樹雜錦果仁及乾果朱古力以聖誕樹造型登場,好可愛!

 

Godiva 聖誕星耀限定朱古力系列 

以聖誕彩燈同閃耀裝飾為靈感設計嘅星耀限定朱古力強勢回歸!唔同口味嘅朱古力加上閃耀裝飾點綴更有佳節氣氛,裡面更有柔滑內餡。部分禮盒更會有立體造型朱古力,例如聖誕樹、可愛小熊、旋轉木馬、聖誕老人等,送畀大人小朋友都好啱。

 

Pha7 x Twinkie Cookies x 素啡工場 聖誕曲奇冷萃咖啡套裝

ERROR隊長肥仔嘅自家品牌最近同本地咖啡品牌、手工曲奇合作推出聖誕曲奇冷萃咖啡套裝!最過癮就係支冷萃咖啡就叫「呢啲走甜、呢啲kill奶」,呼應返肥仔嘅Solo歌<Lady Killa>之餘,同時亦係形容緊呢支以巴西咖啡豆低溫萃取,口感均衡、順滑清甜嘅咖啡。而曲奇仲可以揀聖誕期間限定嘅麻糬口味!

 

奇華餅家 Line Friends聖誕屋禮盒

卡通人物fans今個聖誕真係好忙,仲有Line Friends主題嘅聖誕屋禮盒!禮盒包括BROWN朱古力曲奇、牛油香氣濃郁嘅BROWN牛油曲奇同花生脆糖,禮盒仲會附送LINE FRIENDS環保袋一個呀~


聖誕酒品:

Timeless & Tasty I ❤ HK 酒標威士忌+聖誕威士忌套裝

各位酒鬼們聖誕又點會唔飲返兩杯呢!呢間酒品網店推出送畀香港人嘅I ❤ HK 酒標威士忌,用咗蘇格蘭艾雷島上唔同釀酒廠嘅威士忌調製而成,帶有橙皮、厚切煙肉、貝殼及燃燒煤塊氣味,好有層次感。如果想送禮,聖誕威士忌套裝都好有誠意呀。



Moët & Chandon 節日禮盒

呢間香檳專門店會喺聖誕期間於銅鑼灣開設pop-up店,大家可以親自去挑選,香檳以金色、白色、黑色為主調,搭配專屬絲帶、Moët蓋章設計貼紙及節日賀卡,高雅又簡單。最特別係仲有期間限定書法刻字服務,咁就製作到一份獨一無二嘅禮物啦!



更多聖誕節慶餐飲、活動及折扣詳情:(按此)


文:Yanica


關鍵字
2021聖誕
聖誕蛋糕
聖誕禮盒
酒品
純素
無麩質
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27
4大麻糬波波店推介 熱賣菠蘿脆皮波波、紫菜肉鬆拉絲芝士麻糬口味
2024-03-26