【2020聖誕】甜蜜心意 聖誕蛋糕+杯子蛋糕精選
2020-12-17

今年聖誕節無論係一班人開Party,同屋企人自己煮大餐,定同另一半二人世界,記得唔好訂漏一個又靚又有氣氛嘅聖誕蛋糕!開飯仔特別幫大家精選多款賣相吸引嘅蛋糕,由原個蛋糕到一支公都啱食嘅杯子蛋糕或者迷你蛋糕都有齊呀。
 

聖誕藝術甜點  Bombshell

間間餅店嘅聖誕蛋糕都好鬼靚,呢間人氣創意藝術糕餅店嘅當然都唔例外啦,而且除咗靚之外,仲充滿玩味。打完卡影完靚相之後,狠心少少用小木槌敲碎朱古力嘅外層,就會有好多充滿童年回憶嘅朱古力同糖果、曲奇傾瀉出嚟啦。另外,如果自問藝術天分ok嘅,仲可以揀DIY聖誕花環禮盒嗰款,附有朱古力畫筆同糖果裝飾,各位大藝術家可以自由發揮,喺花圈上隨心設計,創作自己專屬嘅聖誕花圈。打完卡後同樣都可以逐個花圈擊碎拎糖食架~

名廚精品蛋糕  當文歷餅店 by Dominique Ansel


(左)紅白棒棒糖,(右)摘星許願樹、紅鼻子馴鹿

由世界知名甜點主廚Dominique Ansel創辨,進駐香港後首次推出嘅手工節日系列充滿巧思。紅白棒棒糖靈感嚟自聖誕薄荷糖,紅白相間相當搶眼,裡面係番石榴士多啤梨啫喱、柚子慕絲同法式杏仁蛋糕,酸甜有致。另外仲有摘星許願樹同紅鼻子馴鹿,前者係栗子撻嘅變奏,後者係可愛嘅法式泡芙。
 

個人化蛋糕系列  DALLOYAU

呢間法國糕點品牌,喺聖誕前夕推出全新個人化蛋糕系列,可以印相落蛋糕面又得,製作3D裝飾又得,訂製Sweet Blast系列都得,仲可以加埋招牌歌劇院蛋糕喺底,敲碎完外層除咗有朱古力食之外,仲可以有cake食,夠晒開心。

純素甜點之選  The Cakery


(左)聖誕樹頭蛋糕,(右)聖誕杯子蛋糕

呢間健康烘焙店今年再度推出純素蛋糕,純素聖誕樹頭蛋糕以朱古力為主,配搭不含乳製品嘅鮮忌廉,加上「樹頭」朱古力捲、紅桑子、藍莓及迷迭香作為裝飾。聖誕杯子蛋糕更有多款口味選擇,可以配合無麩質、純素、有機或生酮飲食! 
 

招牌千層酥聖誕版  Butterfly Patisserie


(左)大溪地雲呢拿千層酥聖誕版,(右)蛋酒柑橘聖誕球

尖沙咀呢間酒店餅房嘅大溪地雲呢拿千層酥非常出名,嚟到聖誕佢哋就推出聖誕版,選用大溪地雲呢拿忌廉配搭鬆化焦糖酥皮,最後用糖霜灑出聖誕樹形狀。其他節日甜點仲包括蛋酒柑橘聖誕球、肉桂烤蘋果聖誕樹、傳統栗子聖誕木頭蛋糕和薑餅曲奇等。
 

更多【聖誕特集】:
1. 留在家中都可嘆大餐 聖誕到會大合集
2. 在家開派對 甜品火鍋套裝推介
3. 休閒打卡 聖誕下午茶推介

 
茶香法式糕點  Tea WG Salon & Boutique


(左)法式伯爵茶朱古力燉蛋蛋糕,(右)玫瑰芬香茶柚子蛋糕、法式伯爵茶榛子朱古力撻

嚟自新加坡嘅茶葉品牌亦推出聖誕限定茶香法式糕點,原個蛋糕有法式伯爵茶朱古力燉蛋蛋糕,以杏仁脆餅為底,加上蓋綿潤杏仁蛋糕,外層就係法式燉蛋同法式伯爵茶茶香朱古力慕斯。迷你蛋糕則有四款選擇,包括清香嘅玫瑰芬香茶柚子蛋糕,同香濃嘅黑森林櫻之頌!茶香朱古力蛋糕。
 

經典紅絲絨蛋糕  Lady M


紅絲絨蛋糕

平時講開呢間美國過江龍,通常第一時間都會諗起千層蛋糕,但嚟到聖誕佳節就會變成經典聖誕蛋糕:紅絲絨蛋糕!今年嘅原個紅絲絨蛋糕用雪花、冬日小屋、迷你聖誕樹同可愛北極熊朱古力片點綴,件裝蛋糕亦會以雪花及糖珠裝飾。加上口感濕潤、味道濃厚嘅傳統美式紅絲絨蛋糕,節日氣氛夠晒濃厚。
 

傳統日式蛋糕  A-1 Bakery


(左至右)聖誕小村莊(比利時生朱古力蛋糕)、白雪祭(士多啤梨雜果蛋糕)、聖誕樹頭卷蛋

日本人過聖誕亦會買聖誕蛋糕慶祝,呢間嚟自大阪嘅麵包糕餅店今年就以日本聖誕蛋糕傳統滋味為主題,推出由日籍師傅設計及主理嘅傳統日式蛋糕,好似白雪祭就以經典日式蛋糕士多啤梨雜果蛋糕為基底,選用香滑法國忌廉,配搭鮮果同芒果熱情果醬,甜而不膩。比利時生朱古力蛋糕就用咗60% 比利時生朱古力,朱古力控必試。

 

文:Cathy

關鍵字
聖誕
聖誕節
蛋糕
Cupcake
紅絲絨蛋糕
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2021生日優惠】持續更新!9月壽星嘆Omakase送壽司蛋糕+清酒
2021-08-31
【隨時更新】零食速報 每周新款零食、酒品點評
1天前
【特約分享】Happy Hour飲番杯Schweppes®期間限定特飲!9間必去銅鑼灣餐廳(上)
2021-08-24
【特約分享】Happy Hour飲番杯Schweppes®期間限定特飲!9間必去銅鑼灣餐廳(下)
2021-08-31
自家製作!五間手工意大利麵專門店合集
2021-08-24