【鼠年開飯】盆滿缽滿 團年盆菜最平74折!
2020-01-08

新春團年,特別係一大班親朋戚友食飯就最啱食盆菜!一嚟盆菜寓意盆滿缽滿、豐衣足食,二嚟整熱就食得夠晒快靚正。今年仲有唔少盆菜主打唔同嘅矜貴食材,揀啱心水再睇埋有無OpenRice優惠,就最好盡早預訂喇。
 

盆菜x古法羊腩煲 新同樂魚翅酒家


鮑魚鵝掌古法羊腩盤菜

呢間開咗超過半世紀嘅中菜館連續第九年得到米芝蓮二星,水準當然有保證。今年推出嘅兩款盆菜分別係鮑魚鵝掌烤鴨盆菜,同鮑魚鵝掌古法羊腩盤菜。兩款都有極上鮑魚、鮑汁扣鵝掌、竹笙等,前者配豆醬烤鴨同茄汁海蝦球,後者就有好啱冬天食嘅古法羊腩配鮮蔬拼盤。

►即買餐飲券:
【74折】33 頭日本皇冠吉品鮑、鵝掌、古法羊腩盤菜 配 蝦籽五味農場雞 (4-6位用)
【77折】39 頭日本皇冠吉品鮑、鵝掌、古法羊腩盤菜 配 蝦籽五味農場雞 (4-6位用)
【76折】33 頭日本皇冠吉品鮑、鵝掌、烤鴨盆菜 配 蝦籽五味農場雞 (4-6位用)
 

素食傳統任你揀 丹尼盆菜到會


(左)極上素盆菜,(右)至尊鮑魚盆菜

近年越嚟越多人開始食素,呢間到會就非常貼心咁準備咗全素,無蛋奶成分嘅極上素盆菜!唔好以為素食就好寡,呢個素盆菜就有素鮑魚﹑牛肝菌﹑野生竹笙﹑秋葵﹑鮮淮山等。另外仲有傳統富貴盆菜,同再豪啲嘅至尊鮑魚盆菜。盤菜都係即日新鮮製作,包送貨服務同保溫包裝。

►即買餐飲券:
【9折】極上素盆菜(純素無蛋奶) 8-10位,品嘗素鮑魚、野生竹笙等16款矜貴佳餚
【92折】傳統富貴盆菜 6-8位用,品嘗鮑汁螺片、大蝦等19款矜貴佳餚 
【94折】傳統富貴盆菜 10-12位用,品嘗鮑汁螺片、大蝦等19款矜貴佳餚
【94折】至尊鮑魚盆菜 6 - 8 位用,品嘗原隻8頭鮑魚、如意花膠等20款矜貴佳餚
【95折】至尊鮑魚盆菜 10-12位用,品嘗原隻8頭鮑魚、如意花膠等20款矜貴佳餚
 

紅酒配鮑魚盆菜 鷹巢 


鮑魚花膠盆菜

食盆菜其中一個最開心嘅地方,就係可以試勻唔同矜貴食材!例如呢間酒店推出嘅鮑魚花膠盆菜就包括大連蠔皇鮑魚、滋補花膠、原隻大蝦、原粒瑤柱甫、 鮑汁扣鵝掌等,由酒店總廚精心主理。用埋優惠券仲送一支南非紅酒,或一客酒店自家製無添加吉祥椰汁年糕呀。

►即拎優惠券:
以優惠價購買鷹巢鮑魚花膠盆菜 再送椰汁年糕或南非紅酒
 

和風海鮮VS法式盆菜 五餅二魚美食料理


(左)和風海鮮盆菜,(右)法式紅酒盆菜

講開盆菜通常大家都覺得係中式,有無諗過可以係糅合日式甚至係法式元素呢?呢間到會就供應傳統盆菜、和風海鮮盆菜,同法式紅酒盆菜!和風海鮮盆菜有刺身帶子、炸軟殼蟹、青口、照燒雞扒、油揚福袋等,法式紅酒盆菜就包括炸龍脷柳、英式腸、牛肋條、炆牛尾、煙鴨胸等,同樣豐富。
 

八頭鮑魚+燕窩福袋 香宮


團圓福至盤菜

同為米芝蓮星級中菜館,呢間餐廳今年推出由中菜行政總廚張師傅主理嘅團圓福至盤菜,採用多款矜貴食材:八頭鮑魚、龍蝦、蠔豉、原隻花膠筒、鵝掌、松茸燕窩福袋等等,再以精美瓷器盛載。新年要宴客嘅話一定夠得體!
 

精緻「福」字盆菜 滿福樓


賀年盆菜

而灣仔呢間酒店中菜館今年亦有推出寓意團圓嘅新春盆菜,選用意頭十足嘅上乘食材:原隻二十五頭花膠、原隻鮑魚、原粒瑤柱脯、海蔘、蠔豉、蝦球、髮菜、貴妃雞、鵝掌等,當中最搶鏡嘅就要數到精緻嘅「福」字蘿蔔!食之前記得「相機食先」呀。
 

鮑魚盆菜配窩巴脆脆 薈一會


豬圓玉潤金盆菜配窩巴脆脆

呢間到會嘅主廚蔡師傅曾擔任米芝蓮三星中菜廳副總廚,而且有超過二十年高級中菜製作經驗。今年就諗到推出盆菜配窩巴!豬圓玉潤金盆菜本身已經有原隻鮑魚、原粒瑤柱、金蠔等多款上乘食材,醬汁仲係用鮑魚、金華火腿、老雞等熬製,所以用香脆嘅窩夫點醬汁一齊食就最啱喇。
 

新春喜慶盆菜 逸東軒


鮑魚發財盆菜

佐敦呢間米芝蓮一星中菜館之前換上全新裝修,不變嘅係一樣主打各式傳統粵菜。今年佢哋推出兩款新春喜慶盆菜:鴻運發財盆菜有頂級蠔豉、花膠、瑤柱甫、蝦、豬仔腳、燒鵝、貴妃雞等,同再加上原隻十頭鮑魚嘅鮑魚發財盆菜,豐儉由人。
 

人氣足料網店盆菜 五味真火


(左)至尊版盆菜,(右)豪華版盆菜

呢間網店主打老火靚湯同燉湯,嚟到農曆新年就推出三款唔同盆菜,至尊版有成12隻鮑魚!再加花膠、燒鵝、貴妃雞、貝柱、客家腩仔、鮑汁鵝掌、美極大蝦等,同佢哋嘅燉湯一樣足料呀。想食平啲啲可以揀豪華版,少咗鮑魚同花膠但一樣好味。
 

迷你鮑魚盆菜 飲茶 


福滿小盆聚

通常啲盆菜都係6人分量,兩三個人一齊就可以去呢間新派點心店試迷你盆菜!呢個福滿小盆聚睇落細細份咁,其實有齊花膠、鮑魚、海參、乳鴿、鮮冬菇、炆腩仔、蓮藕、蘿蔔、枝竹同西蘭花,十樣食材唔會過多而且仲代表十全十美吖嘛。

 


文:Cathy

關鍵字
新年
盆菜
團年飯
優惠
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】便利店尋寶 每周新品速報
2019-12-30
荃灣新開無敵海景日式放題 佔地過萬呎 新張期間88折!
2020-01-03
迎接全新2020 1-2月下午茶推介
2020-01-06
【2019回顧】 過江龍之年 逾50間海外人氣店登陸 + 2020年預告 (有片)
2019-12-30
【特約分享】新年去始創 食盡中、日、國際賀年佳餚
2020-01-13