自問一個餐加大都唔夠嘅各位大胃王有福啦！呢間連鎖餐廳最近喺銅鑼灣分店推出All You Can Eat優惠，一個價錢就可以任食款即叫即烤嘅迷你8吋Pizza，滋味意粉同無限添飲嘅無酒精飲品！最重要嘅係每人加埋一都係一百蚊有找，平時一碟貴啲意粉都唔止呢個價啦。

Wildfire All You Can Eat優惠逢星期一至四下晝2:30至5:30供應，每位食客限時1.5小時，無限享用Menu上面10款即場明火烤製嘅Pizza，6款意粉再加其中1款無限添飲嘅無酒精飲品。Pizza口味選擇多元化，最吸引嘅一定係加咗黑松露醬，香氣濃郁嘅黑白配薄餅，另外仲有新鮮大蝦同帶子加分嘅蒜香海蝦帶子薄餅，亦有最經典嘅番茄羅勒水牛芝士薄餅。

意粉部分亦無欺場，食肉獸必揀燴牛頰肉闊條麵，想翻本就有蟹肉意大利粉同海蝦扁意粉，最後如果無飯不歡嘅亦有野菌意大利飯。

自問唔係大胃王嘅，亦不妨叫啲小食同雞尾酒，嚟個Happy Hour。佢地新推嘅四款限量夏日消暑雞尾酒特飲各有特色，最吸睛嘅係上面倒插嘅細酒辦，記得要相機飲先！

Wildfire All You Can Eat
活動日期：即日起至餐廳另行通知為止，逢星期一至四2:30pm-5:30pm
*不適用於公眾假期及節日，每次上菜只會供應同款8吋薄餅一個、迷你意粉一份及飲品一杯。每次必須享用完畢整份薄餅、意粉及飲品方可繼續供應下一輪。
收費：$88（需另加一服務費）