話咁快,5月17號就係一年一度開飯熱店大賞嘅日子喇。喺今年嘅小食店組別入圍名單入面,其中3間正正係上年小食店組別嘅得獎者,分別係公和荳品廠、合益泰小食同肥姐小食店,可以睇到上年嘅香港人係比較偏好於本地小食店。但係,面對今年一堆日韓風新興小食店嘅競爭,呢三間本土傳統小食店又能唔能夠站得住腳呢?就等特種開飯團為大家做個賽前預習啦。
![](https://www.openrice.com/userphoto/Article/0/35/000MEX1665C9B4FC3C2B89j.jpg)
去年飽受食環署嚴打,即使經歷了一場小風波,但仍深受港人支持。懷舊嘅裝修、滑嫩嘅豆腐花同香脆嘅煎釀豆腐,令食客品嚐到濃郁嘅豆味之外,更有一份濃厚嘅人情味。
獲米芝蓮推介,相信係唔少香港人心目中最好食嘅腸粉!滑溜嘅腸粉配上甜醬、麻醬同芝麻,混醬做得出色,每一啖都係多重享受,叫人點忍?
每日都一定有條長龍嘅滷味小食店,更連續8年獲得最優秀開飯小食店嘅殊榮。皇牌嘅墨魚、生腸同雞腎冰凍爽口,滷水味夠香,加埋芥末醬同甜醬,難怪人龍不絕。
嚟呢到一定要食出名嘅芒果班戟,班戟鬆軟充滿蛋香,夾住多到就快滿瀉嘅香甜呂宋芒,單睇賣相已經超吸引,亳無疑問成為區內學生最愛小食。
呢間小店只係專注做原味嘅雞蛋仔同格仔餅,都可以做到街知巷聞,就知佢幾有實力。全部即叫即製,新鮮出爐嘅雞蛋仔外脆內軟,蛋味香濃,而且足料實在,唔係一般空心雞蛋仔貨色。
![](https://www.openrice.com/userphoto/Article/0/35/000MF39E610ABBB57B0196j.jpg)
又係雞蛋仔!呢度勝在款式多,自問走在潮流尖端嘅你,羅宋湯雞蛋仔同宇治金時格仔餅你又試過未呢?鍾意傳統嘅你都唔使怕,亦有原味同朱古力味等緊你。
呢間超人氣嘅日本芝士撻,初開業嘅一段時間吸引咗唔少人瘋狂排隊搶購。依家雖然熱潮已經減退,但係芝士撻仍然維持水準。流心嘅忌廉芝士配上香脆曲奇皮,記住要趁熱食。
又係一間愈做愈多人識嘅地區小店,全因為店主堅持所有車輪餅即叫即做,而且每日都會推出唔同口味,好似流心抹茶、紫米、芋泥等,誓要用心留住每位客人嘅胃。
受到韓流影響,近年香港有唔少韓式小食店出現,但係能夠一直經營落去嘅的確少之又少。呢間韓式小食能夠跑出,全靠佢嘅無骨甜辣雞塊,大件夾抵食,又真係幾難抗拒嘅。
文:Dap