【開飯熱店入圍名單巡禮】東區坐大!串燒抹茶火鍋西餐樣樣有
2018-03-12

美食當前,相機食先。作為foodie,先影為敬再放上IG直情係反射動作!優秀開飯熱店2018以「美食大晒 盡情Show Quali」主題,無論你係食家定係大廚,有好嘢自然要晒一晒!即刻睇睇各區同各類型必試熱店如何大晒功架!




通常我哋 #搵餐廳 #開飯,東區未必會係我哋first choice,但東區越嚟越多好食又出名嘅餐廳進駐,而呢啲餐廳五花八門,#火鍋店、#甜品店、#串燒店、#西餐廳乜都有齊,要搵食亦相當方便!今年嘅 #優秀開飯熱店大賞,有10間東區候選食店,當中大部分都係首次入圍,即刻睇睇有乜好味餐廳先!


飲杯清酒歎串燒 桻之燒

位於筲箕灣嘅港式串燒店,比起其他串燒店好多海鮮選擇,有燒蟶子、原條燒海魚、燒花蟹、鮑魚、象拔蚌等等。有串燒點可以無酒精?店子供應一系列清酒,推介日本純米吟釀。

圖:GaryShengcarykof


日廚主理人情小店 坐忘

喺日本川崎經營同名餐廳超過17年,主廚Fujita Kenta講求無味精、多蔬菜、少油、無添加,連餐具都特別採用無害陶瓷,好貼心。招牌推介有一日野菜咖喱配特式飯、日式滑蛋牛肉飯及豬軟骨拉麵。

圖:minidancechachalin


米芝蓮意式餐廳 CIAK - All Day Italian

呢間由米芝蓮三星名廚Bombana擔任顧問嘅意大利餐廳,連續兩年奪得米芝蓮一星,主打薄餅、手工意粉、麵包、甜品等傳統意大利菜,分量都幾多,最啱一班人齊齊開心share。

圖:貪食的露露李家大少


小巷中家的味道 點·子·巷

雖然置身小巷之中,但小店裝潢份外鮮明。店子主打多款台式粉麵、米飯、小食以及各款特飲,當中最受食客歡迎嘅係呀婆蔥油雞絲撈蕎麥麵,雞肉嫩滑之餘,麵條煙韌有致,配埋清香蔥油更覺惹味。

圖:Sweetdiegrandpa小東


超浮誇宮廷火鍋 滾得囍宮廷火鍋小炒

裝修、枱凳、餐單、火鍋都大走宮廷路線,各款鍋物亦相當吸引,例如宣統原隻龍蝦濃蕃茄湯鍋、順治特色卜卜蜆鍋、同治天麻魚頭湯底等。用料亦非常高質,如即炸黃金響鈴、鹿兒島黑豚肉、各款手打丸子、墨西哥象拔蚌刺身等,深受各位食家熱捧。

圖:食之肥仔小詩...


京都百年抹茶老店 京林屋

京林屋係來自日本京都嘅抹茶老字號,採用由京都總店直送到港嘅抹茶,並供應一系列抹茶、焙茶甜品如抹茶芭菲、抹茶雪糕、秘製抹茶蕨餅、栗子蛋糕等。除咗甜品,餐廳亦提供少許日式鹹食,包括:京式鰻魚飯、和食料理等。

圖:鄧王仔mjqueen7e


平民價豪食花膠 撈喜

餐廳老闆兼總廚曾經喺著名中菜館工作,以名貴花膠入饌,再用鮑魚汁扣至軟腍入味,價錢卻非常親民,非常抵食。店子必食推介包括:招牌花膠撈、花膠燉雞、南非鮑魚撈等。

圖:clarina12dec1225


除咗以上首次入圍嘅餐廳之外,仲有幾間經常入圍嘅東區食店,分別有主打馳名雞蛋仔嘅低調高手大街小食、位於鰂魚涌嘅AGE Cuisine Express以及專食潮州菜嘅煮打菜打冷小菜館。邊間食店最後能夠成功跑出?就要視乎各位所投嘅一票喇!投票之餘更有機會獲得豐富獎品呀,而家就去投票呢邊啦:https://www.openrice.com/info/awards2018/index.html


文:Joy

關鍵字
優秀開飯熱店大賞
東區
火鍋
甜品
串燒
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
3天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盤!最平$298任食兩小時 銅鑼灣新開鬼怪主題日式燒肉放題店
2020-06-22
【7月生日優惠】免費食酒店晚餐.免費粥底火鍋
2020-07-02