【聖誕2022】送禮自用兩相宜!10大精緻聖誕禮盒推介
2022-12-14

成日都話Christmas is a time to love~ 咁就梗係要趁住佳節送下禮物畀身邊嘅家人同朋友啦。以下呢10份聖誕禮盒,有酒有朱古力,有奢華型有可愛系,大人細路都一定有嘢啱!


目錄

  ►甜品版聖誕倒數日曆:Pâtisserie Jane
  ►Ode to Wellness聖誕禮籃:Date by TATE
  ►山丘芭娜娜及柚香蘋果酥:微熱山丘
  ►聖誕繽紛限定巧克力系列:GODIVA
  ►意式聖誕甜甜圈節日禮物籃:Pane e Latte
  ►馴鹿星夜聖誕精選禮盒、雪人熱朱古力炸彈/套裝:Schoggi Meier
  ►星空投影音樂盒連牛油香酥餅禮罐、亮燈牛油香酥餅屋型禮罐:Marks & Spencer
  ►聖誕限定版 Cocktail Set: Ping
  ►角落小伙伴聖誕禮盒:奇華餅家
  ►聖誕特級精選禮盒:皇玥


甜品版聖誕倒數日曆 Pâtisserie Jane

人氣甜品店再度推出舊年大受歡迎嘅期間限定「甜品版」聖誕倒數日曆,華麗寶石藍色禮盒包裝,以七款創意滿滿嘅甜品倒數迎接聖誕來臨,包括聖誕朱古力球、雙色瑪德蓮、聖誕造型冬甩、伯爵茶蘋果手工果醬及特調聖誕香料茶等,充滿節日氣氛。



Ode to Wellness聖誕禮籃 Date by TATE

由米芝蓮二星餐廳 TATE Dining Room出品嘅甜品禮盒,聖誕禮籃包括Saicho 大吉嶺氣泡茶、Telmont Reserve Brut Champagne、水果蛋糕 (含酒精)、香料豆漿薑餅曲奇、覆盆子朱古力及手工豆腐花DIY套裝等,啱晒鍾意甜品同酒嘅朋友~


山丘芭娜娜及柚香蘋果酥 微熱山丘

來自台灣嘅鳳梨酥名店,今個聖誕推出全新口味嘅山丘芭娜娜及柚香蘋果酥。山丘芭娜娜選用台灣中南部香蕉製成香蕉窩夫餅乾,搽上榛果焦糖醬及香蕉餡料,中間夾上香甜嘅香蕉可可脂餡料。而柚香蘋果酥選用日本青森的紅玉蘋果製作,再加上法芙娜柚子風味朱古力喺面層,外層清香而內層有蘋果餡嘅香甜,一啲都唔會膩。


聖誕繽紛限定巧克力系列 GODIVA

呢間朱古力品牌今年推出聖誕繽紛限定巧克力系列,包括11款聖誕新口味朱古力、12款聖誕繽紛禮盒及5款精選禮籃。新口味包括櫻桃杏仁巧克力、開心果蔓越莓巧克力同百香果椰子松露造型巧克力等,想得體啲可以買聖誕巧克力珠寶禮盒42顆裝,送畀小朋友可以揀吓聖誕巧克力小熊禮盒呀~



意式聖誕甜甜圈節日禮物籃 Pane e Latte

意式烘焙店推出兩款禮物藍,Christmas Delight有四款招牌意式聖誕甜甜圈、兩款招牌烘焙糕點、自家製果醬、杏仁朱古力、經典意式聖誕蛋糕、意式葡萄氣泡酒(prosecco)以及兩張價值 HKD100嘅禮品卡,又幾抵買~


馴鹿星夜聖誕精選禮盒、雪人熱朱古力炸彈/套裝 Schoggi Meier

呢個馴鹿星夜聖誕精選禮盒好可愛,馴鹿朱古力配合色彩繽紛嘅綠茶脆米、蝴蝶脆餅、朱古力威化脆卷、特別版聖誕裝飾及幸運星朱古力~雪人熱朱古力炸彈套裝都好吸睛,小雪人蘊藏住濃厚幼滑嘅黑朱古力粉及迷你棉花糖,放入熱牛奶就可以享受到一杯濃厚嘅熱朱啦!


星空投影音樂盒連牛油香酥餅禮罐、亮燈牛油香酥餅屋型禮罐 Marks & Spencer

今年聖誕禮物以閃爍星河為主題,星空投影音樂盒連牛油香酥餅禮罐好特別,裝滿牛油香酥餅嘅禮罐上蓋附有星空投影器,轉動同時播放Deck the Halls嘅音樂,好別致。亮燈牛油香酥餅屋型禮罐只要撳制就會發光,內含聖誕樹、星星等不同形狀牛油香酥餅,食完仲可以當擺設!


聖誕限定版 Cocktail Set Ping

百分百香港手工製作嘅cocktail,一倒出嚟就飲得,夠晒方便。聖誕系列一套有5款口味,包括1號花生醬朱古力、2號薑餅(雪得夠凍仲會變啫喱)、3號蜜瓜、4號係用白酒調製嘅mulled wine,同埋5號紅莓鳥結糖。樽樽都好有特色。


角落小伙伴聖誕禮盒 奇華餅家

鍾意卡通嘅,呢個角落小伙伴聖誕禮盒就啱晒!以聖誕氣氛滿溢的水晶球設計為藍本,而角落小夥伴就會著住聖誕服飾,化身為小樂隊,超可愛!而入面就有企鵝造型嘅朱古力曲奇、白熊造型嘅牛油曲奇及朱古力鳥結糖等,小朋友一定鍾意。


聖誕特級精選禮盒 皇玥

呢間主打餅食嘅店舖全由自家廠房製作,聖誕特級精選禮盒包括聖誕綠茶曲奇、蛋卷、蝴蝶酥及脆曲奇,綠茶曲奇茶味好香濃,全部都好香脆又唔太甜。





文: Yanica



關鍵字
聖誕禮盒
2022聖誕
聖誕節
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
人氣主題樂園2024新餐點 Duffy甜品系列、避風塘美食等
2024-03-15
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27