【秋之蟹逅】大閘蟹必備三寶
2017-09-11

吃大閘蟹有不少學問,唔想浪費一隻靚蟹,每個步驟都不容忽視!今次一於重溫一下,大閘蟹的三大最佳良伴,迎接蟹季來臨吧!


紫蘇葉

蒸蟹時加入紫蘇葉是常識吧?除咗有解毒驅寒作用,亦可辟除蟹腥,令蟹帶有陣陣紫蘇清香。一般大閘蟹店都會附送乾紫蘇葉,用新鮮紫蘇葉亦可。最常見的方法是放在蟹底,亦可放入水中隔水蒸,甚至放一片在蟹上,吸收香氣。



蟹醋

食大閘蟹以原味最佳,不過有時嫌蟹肉未夠鮮,蘸少少蟹醋都有提鮮效果。蟹醋除了現成的,其實自製亦唔難,樂雅軒大廚的製法是,一份鎮江醋加半份水及一茶匙糖,慢火煮溶,可以按個人喜好調校酸甜度,最後可加薑米或薑絲。



花雕、薑茶

食完蟹飲杯茶消滯,或者啤一啤佢?絕對唔好!茶含有丹寧酸,令蟹肉凝結成塊,引起消化不良。而啤酒則會太過寒涼,而且兩者都含高嘌呤,容易引發痛風。吃大閘蟹時,飲暖花雕加話梅,味道匹配亦能去腥提鮮,食完蟹當然要飲杯老薑茶驅驅寒啦。


鳴謝:城景國際樂雅軒中菜廳

關鍵字
大閘蟹
開飯專題
開飯仔為你提供各類型最新飲食情報及優惠,全面照顧你的飲食喜好。
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!屋企都嘆到三層架下午茶 Tea Set外送/外賣自取推介
4天前
全城抗炎!北角酒店最新應變 自助餐都有得外賣?
2020-07-17
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-07-30