【特約分享】飲清酒新手必睇!一文學識清酒配海鮮
2019-12-13

講起食海鮮,一定會諗起日本。作為島國嘅日本將魚類、海鮮發揮極致,煮出各款精緻料理。你又有無諗過,食海鮮最啱配咩酒?可能唔少人會諗起白酒,但根據科學研究,原來白酒嘅鐵質、亞硫酸會引發海鮮腥臭味,相反日本清酒無呢兩種成分,而當中嘅香氣粒子仲會僻魚腥味,仲比白酒多5倍氨基酸,大大提昇海鮮嘅鮮味。想食到海鮮嘅終極鮮甜,除咗靠廚師功力外,你揀清酒嘅眼光都好重要㗎!

想知食海鮮點揀酒,首先要知道清酒可以分成4種類型 — 薰、爽、醇、熟,唔同類型適合唔同海鮮。新手入門去到餐廳又要揀嘢食、又要揀清酒,其實好難兼顧。日本食品海外推進中心(JFOODO)就推出全港首個最大型清酒活動「SEAFOOD LOVES SAKE.」,與香港超過50間餐廳推出「清酒配海鮮」嘅限定菜單,幫你配好晒海鮮+清酒組合,坐低等食就試到清酒引鮮嘅神奇科學效果啦!

薰、爽、醇、熟,代表著日本酒嘅「香」同「味」。其實呢四個形容詞正正描繪著各類型清酒。

「薰」香氣高雅 大吟釀酒系:薰酒帶有果感,好啱配搭味道輕盈嘅菜式。
「爽」爽快輕柔 普通酒系.Sparking 系.本釀造酒系.生酒系:「香」同「味」都簡單爽快,可以帶出食材鮮味。
「醇」酒體札實 純米酒系:酒味較濃郁,入口質地都比較濃厚,適合配濃味等料理。
「熟」熟成感重 長期熟成酒系:最具熟成感,要配啲味濃、油脂豐富或香辛料理。

清酒配海鮮 限定餐牌

開飯仔喺云云50多間餐廳中,揀咗3 間畀大家睇吓有咩好食。即刻Mark低,同朋友一齊試下清酒引鮮嘅神奇效果!

旬鮮 海宝  Kaihou

旬鮮 海宝 Kaihou日式海鮮居酒屋總店始於日本名古屋,呢間位於銅鑼灣嘅香港分店有吧枱或包廂揀,係飲靚酒傾密計嘅好地方。每日都有日本海產到港,餐牌上都係當日最新鮮海產,今次大廚就幫大家將海鮮料理配搭埋5款最啱味嘅時令清酒。


「鹽燒翻車魚的腸 X 男山 特別純米 北海道」:男山呢款少辛口嘅清酒帶有米香,同時亦帶點酸味,配上燒烤類嘅海鮮料理特別相配,能夠與翻車魚嘅腸互相協調,帶出食材細膩嘅味道。 

「炸富山灣的白蝦 X 伝心-秋 純米原酒 福井県」:以帶有少少甜味同米香嘅伝心,能夠提升炸物嘅美味。

另一組合「鮟鱇魚肝 X 喜美心 純米吟醸原酒 岡山県」:喜美心酒味較甜,同屬平衡感高嘅清酒,與魚肝嘅獨特內臟味道非常相配。

「納豆拌魚片 X 大雪渓 純米吟醸 長野県」:大雪渓較屬爽身嘅清酒,同帶有獨特味道嘅納豆一齊食時口感份外清爽。加入tabasco嘅料理偏辣,同清酒嘅辣味相配亦非常襯。

「灸烤鮭魚 X 大山 特別純米 山形県」:大山帶有辛辣感,伴著灸烤鮭魚一齊時除咗品嚐到鮭魚嘅風味之外,亦會覺得好清爽。


WAKO Sake Bar

位於銅鑼灣南洋酒店嘅WAKO Sake Bar為全港首間引入日本酒放題概念嘅SAKE BAR,每晚有超過100款日本酒放題,食客可以指定時間全自助自斟自飲。今次嘅限定海鮮菜單,店主就從云云清酒中揀出4款,配上多款惹味海鮮料理。

「脆炸啤酒魚柳  X 爽酒」:魚柳以啤酒炸漿炸得脆卜卜,食落香脆爽快。配冰涷輕身嘅「墨迺江 特別純米」,有啲似啤酒配炸魚薯條嘅感覺,好啱朋友飲酒吹水嘅爽快氣氛。

「橄欖油蒜片辣椒蝦 X 醇酒」:辣椒蝦炒得偏辣,配上嚟自廣島縣藤井酒造嘅「夜之帝王Day Break特別純米酒」,酒味偏重米同原料香,果味唔重反而順服咗香辣味。建議以常溫飲用「夜之帝王Day Break特別純米酒」,因為佢嘅酒體比較複雜,有好多唔同層次嘅變化,特別適合高階品酒人士飲用。

「清酒煮青口 X醇酒」:以清酒煮嘅青口本身已帶米香,唎酒師建議以常溫飲用胺基酸豐富嘅「六十餘州 純米酒」,酒味偏酸,酒體複雜變化較大,利用酒酸突出青口鮮味。

「燒廣島蠔X薰酒」:廣島蠔普遍帶微腥,配水果香重嘅「飛龍 純米大吟釀」就能去除蠔腥味,配上柚子汁食落更清新。

酒の和 Sake no Wa

Sake Bar 仲有銅鑼灣呢間酒の和 Sake no Wa,每月舉行一系列不同嘅清酒晚宴及活動,畀大家可以從唔同角度享受sake pairing。今次限定菜單有Seafood Nibbles x Sake Set和Seafood Oden x Sake Set,海鮮小吃配清酒,同朋友傾計聚會啱晒。

Seafood Nibbles x Sake Set:「魚に合う吟醸 (與魚相配的吟醸酒)」有一點彷如醬油嘅韻味,能消除刺身嘅魚腥味;食芥末八爪魚、塩漬魷魚、鱈魚腸漬,再飲一啖嚟自和歌山吉村秀雄商店嘅吟醸酒,倍增滋味。

Seafood Oden x Sake Set:長野縣「豐香 特別純米」散發醇厚米香,加熱飲用亦非常美味;配合帶子魚餅、迷你八爪魚丸、明太鱈魚団子嘅海鮮,味道匹配。

想知仲有邊間餐廳有限定菜單,瀏覽網址 及 FACEBOOK 啦!


想品嚐以上美食的您,抓緊機會參加由JFOODO舉辦嘅hashtag打卡活動,贏得清酒配海鮮餐飲體驗!

活動日期:即日起至1月31日

詳情:到訪是次活動合作嘅其中一間餐廳,點選清酒推廣限定菜單,拍照後於照片中描述料理特色,加入標籤「#seafoodlovessake」並上載到Facebook或Instagram分享即可(把帖子設定為公開)。

禮品:「龍皇海鮮酒家」或「HEXA 六公館」或「Le Rêve」雙人清酒配海鮮餐飲體驗

客戶專訊
餐廳資料
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
7天前
全城抗炎!北角酒店最新應變 自助餐都有得外賣?
2020-07-17
全城抗炎!送上門懶人煮食包及套餐大合集2.0 花膠燉湯/火鍋/鐵板燒
7天前
全城抗炎!屋企都嘆到三層架下午茶 Tea Set外送/外賣自取推介
2020-07-23