一元復始，萬象更新。相信大家都想自己今年運勢勝於去年，唔少人都會食吓啲賀年菜攞個好意頭，如新年食長年菜有長命百歲之意，原來日本人都有呢個習俗！據日本嘅民間傳說，喺新年進食開運海鮮的話就可以增強來年運勢，以下呢三款日本人常吃嘅魚生有轉運功效，同時營養豐富，新一年啱啱開始，一於食開運魚轉個靚運啦！

長壽富貴　鯛魚

鯛魚魚身呈寓意祝 福嘅紅色，亦曾被日本人信奉嘅「七福神」之一惠比壽捧喺手中，仲同表達「事情發展順利，可喜可賀」意思嘅「Me-de-ta-i」發音 相近，因此喺日本被視作開運魚，係喜慶場合常見嘅菜式。而且鯛魚壽命較長，故有長壽富貴同祝福之意，在日本是喜宴中不可或缺的食材。

出人頭地　油甘魚

油甘魚在日本被稱為「出世魚」，日語中「出世」代表出人頭地，而油甘魚名字會隨成長階段不斷改變，就好似人喺社會上步步晉升一樣，所以有升職及成功嘅寓意。另外油甘魚喺日本亦被視為珍貴禮物，據悉16世紀左右日本武將同大名會互相送贈油甘魚，現時北陸同九州地區仍保留贈送油甘魚嘅傳統習慣。

順風滿帆　帆立貝

帆立貝形態似與揚帆向前嘅船隻相似，游水姿態亦有如乘風啟航一樣，寓意一帆風順，其扇貝形狀亦象徵興盛繁榮。帆立貝常見於日本新年料理，更含豐富牛磺酸，有助恢復體力。

如果喺香港都想食呢三款開運魚轉運，可以考慮以下呢幾間餐廳，包括隱日本料理；AP Company旗下嘅塚田農場、美人鍋；同埋和民旗下嘅饗和民及和民等，食完真係會好運啲㗎。

隱日本料理Kakure就特別喺呢個冬天推出開運魚特別餐單及Omakase，包括真鯛壽司，帆立貝鐵板燒及油甘魚Shabu Shabu，唔單止可以食齊三款開運魚，仲有齊三種食法添。

而AP Company旗下嘅餐廳，塚田農場、美人鍋以及NOJO，都推出咗開運海鮮餐牌，可以食到呢三種開運魚～如塚田農場有意式生鯛魚片配香醋汁，美人鍋就有意式生帆立片配胡椒柚子汁，去NOJO呢就食到油甘魚刺身，咁多選擇總有一間在你左近！

和民旗下嘅饗和民就推出春の鮮魚限定餐牌，以春天櫻花粉色為主題，推出三款開運魚限定餐牌，一次過食到日本產真鯛、油甘魚、帆立貝嘅刺身壽司。日本產嘅真鯛生活喺無污染深海環境，魚油分佈平均，食落特別鮮嫩有彈性㗎！

同場仲有琉球風日本產海鮮他他，係用日本鄉土料理做法，將鯛魚、油甘魚、帆立貝浸入特製醬油，再加埋芝麻、蔥撈勻食，令醬油帶出刺身鮮味，食落更濃郁惹味。而且食開運魚唔單止轉運，仲有埋折啊！顧客只要於饗和民3間分店惠顧主餐牌滿$300或以上，當中包括指定3種開運魚菜式，即可享$50折扣優惠，好抵食～

另外同集團嘅和民都有優惠，於旗下11間分店惠顧主餐牌滿$300或以上，當中包括指定帆立貝菜式，如多彩帆立貝壽司及日本帆立貝刺身等，即可享$50折扣優惠，沒有最抵只有更抵！