【煲仔飯食譜】達人煲仔飯做法!100%煮出香脆飯焦+簡易洗煲秘技
2020-12-30

大牌檔美食煲仔飯暖笠笠又好味,飯焦香脆可口,是冬天必備美食。雖然因為疫情關係,晚餐無法到大牌檔食煲仔飯,幸好今年大家變成疫境廚神,這個冬天就來自煮煲仔飯吧!不過要煮到一個完美焦香的煲仔飯,一個好的煲仔飯食譜切不可少。這次就找來煲仔飯專門店「點煲」負責人,有多年入廚經驗的陳萬雄(雄哥)分享煮煲仔飯秘技,教你達人煲仔飯做法,首次煮煲仔飯就煮出香脆飯焦!


浸米太耐易斷米 唔想難洗要買陶層煲

看到不少食譜教煮煲仔飯,第一步多數是浸米,雄哥提醒浸米時間無需長,「其實浸幾分鐘就Ok,有時候啲人浸得耐係想縮短煲飯時間,但其實浸太多有機會做成斷米。」在浸米時,就可以準備好煮飯的「煲仔」。

浸米浸太耐,會影響米粒的口感。


「以前舊式煲仔飯會用砂煲,明火煮多幾次就會爛,所以我建議買啲有陶層嘅煲,雖然貴3至4倍,但起碼唔會痴底,整起飯焦又易啲,洗起上嚟都無咁煩又用得耐。」雄哥邊說邊幫煲仔內膽上油,「其實你想像下飯焦就好似炸米咁,咁你塗啲油上去,當收水時自然會炸起飯焦。」當成功刮起飯焦後,煲自然容易洗。

想要有飯焦?秘技之一就是記得在煲內塗上一層均勻的油。


米水比例1:1 無煙即收水

有飯點可以無餸?但其實煲仔飯的配料甚麼時候落,都是一種技巧。「如果係醃製品,即係臘腸臘肉嗰啲,早啲放都無問題。」雄哥表示,肉類在簡單調味過後,同樣在煲煮7至10分鐘就可以放入煲仔裏,但海鮮因為易熟,所以只需在完成煲仔飯前4分鐘放落去即可。

臘腸跟臘肉因為煮耐一點,也不太會影響口感,因此早點放在飯面也沒有問題。

為免海鮮過熟,千祈不要太早落海鮮。


而大家最關心的米水比例,亦非常簡單,大概1:1即可。「一開火就用大火,嗰時你會見到個煲好大煙,其實即係收緊水。水滾後就可以轉細火,然後見到無咩煙後,焗一焗就食得。」這時雄哥亦重提,為何浸米時間要短,「因為浸米耐,煮嘅時間變短,火候就會差啲,亦會造成飯焦唔夠平均同埋太厚。」他提醒,想要煮到一個靚煲仔飯,記得不要不停開閂煲蓋,「煲仔飯係靠蒸焗原理去整熟個飯,不停開閂蓋就會影響到個煮飯嘅過程。」雄哥說,一般一個煲仔飯大概20分鐘就可以上枱。

假如控制好火候的話,你已經接近完成一個靚的煲仔飯一大半!


完成煲仔飯後,大家可以小刀圍着煲仔𠝹一圈,再用湯匙輕輕一刮就可以將整個飯焦弄起,在這個寒冷的冬天就品嚐到跟大牌檔同樣美味的煲仔飯!

只要跟足以上秘技,就可以在凍冰冰的冬天享受到一個媲美大牌檔的美味煲仔飯!


煲仔飯專門店「點煲」負責人雄哥有多年入廚經驗,對煮煲仔飯甚有心得。


原文(按此)

如欲睇更多食譜製作,可(按此瀏覽)


※上述內容純屬作者個人意見,不代表本網立場。※



關鍵字
Yahoo
專欄
食譜
煲仔飯
Yahoo Food
Yahoo Food齊集本地各區最新飲食資訊、餐廳優惠、小店故事、飲食知識、大廚食譜等不同類型的文章及影片,為你推介最潮的吃喝玩樂體驗。
本月熱門
【隨時更新】零食速報 每周新款零食、酒品點評
4天前
日本吉列牛排店京都勝牛進駐銅鑼灣 黃金六十秒炸法 推介京都勝牛三味套餐
2021-02-18
楚撚記新line!荃灣新開餃子店 必試黑松露什菌餃+香煎潮汕韭菜粿
2021-02-10
食肉獸必收藏!牛年到 五間品牛餐廳介紹返
2021-02-11
1月份好評餐廳十強
2021-02-09