【日嚐作樂】Chill住WFH!在家輕鬆嘆外賣美食 燒肉、火鍋、打卡下午茶通通有
2021-03-22

疫症已經橫行咗超過一年,對我哋嘅日常生活當然有好多影響,亦改變咗大家唔少嘅習慣。不過即使喺疫情下,我哋都可以從新常態中,尋找趣味!年度盛事「OpenRice優秀開飯熱店大賞」即將開始接受投票喇,今年以「日嚐作樂」為主題,希望大家從每日品嚐到嘅美食中創造樂趣,從探索餐廳中感受香港「味」力。3月24號就開始可以一人一票投選你心目中嘅本土出色熱店!而喺未開始投票前,大家都可以先參與「有獎分享活動」,有機會贏取獎品總值超過30萬!想知點玩?記得睇到最尾!


經過上年一「疫」,唔少餐廳都各出奇謀,將不可能變成可能,將大家一向認知只可以於餐廳用餐嘅食物搬返屋企!疫情還未過去,大家都係繼續乖乖地Stay At Home,享受一系列嘅外賣美食,除咗有最受歡迎嘅燒肉、火鍋,連酒店級打卡下午茶、媽媽味道嘅花膠燉湯及新鮮海鮮都有!


悠然下午茶 柏景餐廳   

疫情期間真係乜都有得外賣,連酒店下午茶都有,叫返set同閨蜜喺屋企影相打卡都唔錯!呢間酒店嘅外賣禮盒有各式精緻嘅甜點,包括焗富士蘋果芝士蛋糕、法式燉蛋泡芙及宇冶抹茶紅豆卷等。至於鹹點方面有迷你松露牛肉芝士漢堡及巴馬火腿鵪鶉蛋班尼迪等五款,另外當然唔少得自家焗製嘅經典牛油鬆餅及提子鬆餅喇!溫馨提示外賣服務由下午3時15分至5時15分供應,需1日前預訂,早一日訂購仲有8折呀。

訂購方法:https://bit.ly/3vg9sDa 


鐵板燒燒肉外賣 牛繁  

愈來愈多燒肉餐廳推出外賣送上門燒肉,呢間來自日本、主打牛嘅燒肉連鎖店都唔例外~餐廳推出鐵板燒燒肉外賣套餐,由2人餐到4-5人餐都有,全部套餐都包括多個部位嘅牛肉,仲有豬肉、雞肉、白飯及飲品。想再食好啲,可以單點如澳洲M9和牛及日本A5黑毛和牛西冷等靚牛,叫夠$1000會免費送埋個爐畀你,好抵!

訂購方法:致電2638 8099


台灣人氣火鍋店 無老鍋

等到天荒地老!每次去台灣都必食嘅無老鍋,雖然仍然未喺香港開店,但佢地官方嘅無老鍋宅配服務早幾個月前正式抵港喇~台灣無老鍋總部授權鼎王麻辣鍋(香港)將人氣火鍋品牌「無老鍋」以外賣型式於香港發售,今次同時引入「無老白湯鍋」及「無老辣香鍋」兩款湯底,自選跟豬肉或牛肉,其他食材包括凍豆腐、排骨酥、虎皮豆捲、魚餃、蛋餃、豆皮及讚岐烏龍麵,連安坐家中都感受到台灣風味。

訂購方法:

【無老鍋宅配禮盒】專線(只限WhatsApp)
尖沙咀店 : https://wa.me/85295293885?text=我要訂鼎王全港送
將軍澳店 : https://wa.me/85294431366?text=我要訂鼎王全港送


新鮮海野 Hungry Monkeys

由香港職業足球員歐陽耀冲開設、主打本地新鮮海鮮嘅網店。海鮮由船家每日出海捕獲,再即日送到,保證新鮮!每隻蝦同波士頓龍蝦都係爆晒膏,鮑魚彈牙,招牌蟶子王亦鮮甜。另外仲有進口嘅阿拉斯加長腳蟹、日本海膽及A5和牛等供應。而且全部海鮮都會洗乾淨、處理好晒啲內臟先至送出,啱晒懶人!

訂購方法:https://www.hungrymonkeysdelivery.com/


養身美顏燉湯 花膠媽媽

香港人咁忙碌,好多人都無時間煲返碗靚湯畀自己或屋企人飲。有見及此,一位媽媽因為感同身受,就創立咗呢間以花膠作主題嘅燉湯網店,以養身同提升免疫力為主。所有湯款都係真空包裝,湯底連湯料冷凝成啫喱狀,招牌四款皇牌湯水包括括虎乳靈芝鱷魚肉川貝海底椰豬𦟌燉花膠筒湯、響螺柱貝象拔蚌豬𦟌燉花膠筒湯、響螺柱貝蟲草花燉三黃雞花膠筒湯同埋蟲夏草花旗參豬展紅棗桂圓燉雞泡魚膠湯,款款都放入南非大花膠筒,足料清甜。

訂購方法:https://www.momstew.com/ 


投票未正式開始前,您可以先分享一張與美食的快樂時刻😋到個人FB/IG (必須設定為公開),加Hashtag #日嚐作樂 #OpenRice。完成整個投票活動後,即有機會贏取獎品總值超過30萬!


投票和獎品詳情將於3月24日正式公佈,密切期待:https://bit.ly/3bRsGaH

*活動須受條款及細則約束


文: Yanica

關鍵字
外賣
送上門
燒肉
火鍋
燉湯
海鮮
下午茶
日嚐作樂
優秀開飯熱店大賞
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
2021-04-12
【2021生日優惠】超爽著數!免費任飲任食日式燒肉/火鍋(持續更新)
2021-04-12
悠長假期 復活節下午茶推介
2021-03-26
【最平$298最貴$938】佐敦新開日式和牛燒肉放題 獨家引入鹿兒島小田和牛
2021-04-09
【只想專注做好牛腩】金融經紀轉行灣仔開濃湯牛腩麵店 招牌牛骨濃湯崩沙腩河
2021-04-01