【密密食.密密賞】5間中菜館+火鍋 嘆盡手工中菜及海鮮火鍋
2022-05-11

晚市開返,相信大家陸續約朋友食飯聚一聚。開飯仔提提你,而家食飯可以同時贏獎品嘅機會嚟喇,只要去指定餐廳用膳,就可以參加「密密食.密密賞」遊戲,有機會贏取Apple iPhone 13 Pro、TEFAL 特福 FX202D 氣炸鍋、人氣酒店禮品卡、餐廳專屬折扣碼等獎品。今期介紹其中5間中菜畀大家,有手工中菜、特式私房菜、任食雞煲、台式火鍋及海鮮火鍋,有時煮得多出街食吓中菜都係一個唔錯嘅選擇。


【生猛游水海鮮及手工中菜】 翠林辣蟹舫   

鍾意食辣同海鮮嘅朋友啱晒!呢間餐廳主要供應游水海鮮,所有海鮮都可以親自去魚缸揀,保證新鮮。嚟得一定要食蟹,「鎮店招牌蟹」有5款口味揀,包括避風塘炒蟹、黃金流沙蟹、黑白胡椒蟹、椒麻香辣蟹、香辣蟹醬炒蟹,款款都香濃惹味又唔會蓋過蟹嘅鮮甜,而家仲要有8折優惠。淨係食海鮮唔夠喉,仲有多款手工中菜,如蒜香牛油焗珍寶雞、蟹籽千島蝦棗、柑桔汁一字骨及銀杏胡椒豬肚雞等,款款都好有心思。

詳細介紹►8折游水蟹·龍蝦!多款手工中菜 最平低至半價

酸甜開胃嘅柑桔汁一字骨,銀杏胡椒豬肚雞呈奶白色,入口綿滑,又可袪濕暖胃


【私房菜設計專屬Menu】彤私房菜高級粵菜 

對食有啲要求嘅人,又點可以唔試為你度身訂造Menu嘅私房菜呢。大廚有20多年高級餐館經驗嘅私房菜館,菜單選擇包含多款鮑參翅肚矜貴菜式及手工料理,坊間好少機會可以食到㗎。必試招牌魚米之鄉,將原條斑起肉,然後將濃郁蝦湯倒入炸米,魚肉嫩滑鮮味,炸米吸滿蝦湯,入口仲卜卜脆之餘,同時滲出湯汁,脆、鮮、嫩多重層次。矜貴系列嘅仲有蟹肉乾撈翅、魚翅撈飯、濃湯翅同五頭鮑魚花膠等,一定包你滿意。

詳細介紹►私房菜設計專屬Menu 坊間少見手工料理

招牌魚米之鄉,集合脆、鮮、嫩多重層次;五頭鮑魚花膠亦係矜貴菜式之選


【90分鐘無限任食雞】鼎家喜筷  

餓咗咁耐,雞煲控準備好未!呢間餐廳新推「幸福雞煲90分鐘無限食雞」,無論係Early Dinner時段定晚市都有得食!秘製雞件集麻、香、辣於一身,食完真係好爽,而且係真.無限追加雞,啱晒大胃王喇!無限食雞後,可以免費加上湯打邊爐,而家仲送埋新鮮蔬菜1份,好抵食。火鍋配料方面如Prime牛小排、爽彈珊瑚蚌及桂花蚌都好高質。

詳細介紹►【瘋食雞煲】真·無限追加秘製雞!即叫即製麻香辣

雞件加入秘製醬汁,又香又麻又辣,食完雞煲後加湯淥返一塊Prime牛小排就最享受


【超足料台式養生鍋】養心殿台式養生鍋 

香港人一年四季都要打邊爐㗎喇,呢間台式火鍋主打養生足料湯底。經典麻辣鍋有別四川、重慶做法,湯底以多種香料及藥材熬煮,唔會油之餘仲好滋補,所以打邊爐前一定要飲碗湯呀。湯底本身已附台灣直送鴨血同凍豆腐添。唔食得辣都可以試吓美人鍋,湯底則以元貝、杞子、南棗及金華火腿熬煮4小時,並特別配以2斤以上原隻竹絲雞,好有雞味。除咗台式打邊爐,酸菜魚、麻辣小龍蝦等小菜都值得一試~

詳細介紹►台式火鍋飲足料靚湯 食埋酸菜魚·麻辣小龍蝦!

經典麻辣鍋以多種香料及藥材熬煮,味道溫和。酸菜魚以自家製酸菜入饌,魚肉無骨啖啖肉


【嘆海鮮+自家手工配料】伍佰海鮮火鍋 

佔地兩層,地方闊落嘅火鍋專門店,啱晒一大班朋友聚會。主打自家熬製湯底及手工配料。伊比利亞黑毛豬骨鍋選用西班牙橡果黑毛豬,再加入牛肋條、豬筒骨、紅蘿蔔等熬煮,湯底濃郁帶肉香,仲有啖啖肉食。手工配料有芫荽至愛嘅芫荽帶子餃、香濃嘅黑松露蛋餃、彈牙鮮味嘅海蝦墨魚丸及口感豐富嘅吱喳鬼馬蝦條等。

詳細介紹►2層高闊落火鍋店 嘆海鮮+自家手工配料 先至係享受

主打自家熬製湯底及多款手工配料,芫荽帶子餃將濃烈嘅荽芫配上鮮甜嘅帶子,味道比想像夾


想知道去邊啲餐廳可以享盡更多優惠,記得要留意我哋之後嘅報道同Facebook喇。

密密食.密密賞
活動日期:2022年4月29日至6月9日
活動詳情:(按此


關鍵字
密密食密密賞
獎品
中菜
火鍋
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
3天前
【2022生日優惠】持續更新!5月壽星+指定月份補祝生日 嘆火鍋78折起
2022-04-29
晚市堂食恢復!最新酒店自助晚餐一覽 低至78折、龍蝦/海膽主題
2022-04-20
好消息!6間老店/人氣小店 結業重開
2022-05-11
8大必試片皮鴨!超平$178/隻、特色北京填鴨三食
2022-04-27