【密密食.密密賞】聖誕飯聚攻略 尖沙咀酒店級意菜/自助餐
2022-11-24

《密密食‧密密賞》趁住聖誕檔期又返嚟啦,約緊或者已經約咗聖誕飯聚嘅朋友仔留意啦,只要喺活動期間到指定餐廳消費,累積滿一定金額,就可以參加抽獎,分分鐘食餐飯就帶到部PS5返屋企,甚至係價值$8000嘅旅遊禮券!
今次就先同大家介紹4間位於尖沙咀餐廳,分別有酒店意大利餐廳、酒店環球自助餐、以及時尚半自助餐。

Cucina 酒店意大利餐廳  

喺香港都可以嚟一趟味覺旅行,嚟意大利餐廳當然就係享受意國盛宴。單係前菜已經出動到龍蝦沙律就知有幾豐富。主菜有烤牛柳、比目魚柳、燉鴨肉意大利寬麵等選擇,仲有迷你聖誕朱古力球做甜品,夠晒節日氣氛。

邊個話聖誕大餐淨係得夜晚?呢度仲有聖誕早午餐,除咗多款意大利凍肉、芝士、海鮮等,並有各款意式主菜、節日限定火雞,同埋薑餅曲奇、樹幹蛋糕等應節甜品,加錢更可享無限量香檳任飲。凡喺2022年12月11日或之前訂購12月24、25及31日嘅Cucina意國饗宴並預繳半費,可享85折早鳥優惠呢。

詳細介紹►馬哥孛羅香港酒店呈獻「歡聚聖誕」 以意式盛宴慶祝佳節


Cafe Marco 酒店自助餐 

平時都鍾意食buffet嘅朋友仔,聖誕就更加要食buffet慶祝啦。呢間餐廳嘅自助餐以海鮮同應節美饌為主打。各款冰鎮海鮮包括即開時令生蠔、波士頓龍蝦、小龍蝦、長腳蟹、麵包蟹等。熱盤亦有多種海鮮,例如海鮮千層麵、清蒸海斑、香蒜粉絲蒸扇貝等,海鮮控一定心心眼。另外,當然唔少得一系列傳統聖誕節慶美食:烤原隻火雞、烤牛肋排、鴨肝凍批同埋鴨肝慕絲泡芙,甜品方面則有聖誕布甸、聖誕杯子蛋糕、德國史多倫聖誕麵包 同聖誕曲奇等。

凡喺2022年12月11日或之前訂購12月24及25日嘅馬哥孛羅咖啡廳自助餐並預繳半費,可享85折早鳥優惠。

詳細介紹►馬哥孛羅香港酒店呈獻「歡聚聖誕」 以節日自助餐慶祝佳節


Three on Canton   酒店環球節日自助餐 

同樣位於海港城嘅呢間酒店,節慶自助餐選擇一樣豐富,仲有時令新鮮即開生蠔添!其餘冰鎮海鮮包括波士頓龍蝦、松葉蟹腳、青口、麵包蟹等。平安夜、聖誕夜同除夕更會增設北海道帶子刺身、上湯焗龍蝦、烤澳洲和牛同蒜蓉粉絲蒸扇貝。聖誕甜品嘅造型亦經過特別設計,全部都好可愛,包括聖誕布甸、德國史多倫聖誕麵包、樹頭蛋糕、聖誕樹朱古力等。唔止咁呀,餐廳仲預備咗多份驚喜,隨時食食下飯遇到聖誕老人到訪、聖詩獻唱又或者收到派對禮物等,是咪開心先?

凡喺2022年12月11日或之前訂購12月24及25日嘅自助餐並預先繳付半費,可享85折早鳥優惠。

詳細介紹►港威酒店 Three on Canton節慶佳餚賀聖誕 呈獻豐富海鮮節日自助餐


SAVVY 時尚半自助餐  

佔地逾8000平方呎嘅呢間餐廳,設計充滿現代感,聖誕要搵靚場打卡,呢度一定係推介。半自助晚餐會無限量供應多款特色沙律及豐盛冰鎮海鮮,包括麵包蟹、小龍蝦、凍蝦、大蜆同青口。另外,每位賓客更可獲贈法式焗龍蝦半隻。而自選主菜則有泰式香辣炒海蝦、印式秘製羊肉咖喱拼盤配烤餅、扒牛柳配鴨肝及松露醬同烤火雞等多國菜式。甜品係必然嘅,最特別係會有架甜品餐車為每枱賓客送上即場澆酒點火嘅火焰芝士蛋糕呢!呢間餐廳同樣都會有聖誕老人到訪、聖詩獻唱同派對禮物活動。

下午茶都好開心㗎,下午茶會有架「SAVVY's Chocolley」餐車,車上有6款唔同口味嘅手工朱古力可供挑選呢。

詳細介紹►SAVVY非凡聖誕餐飲之旅 呈獻節日半自助晚餐


《密密食.密密賞》聖誕大抽獎!200份勁獎等你搶!

活動日期:2022 年11月22日 至 2023年1月2日
更多活動詳情:(按此
推廣生意的競賽牌照號碼:56353



關鍵字
密密食密密賞
聖誕節
自助餐
尖沙咀
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!12月壽星嘆免費生日蛋糕、甜品
7天前
【隨時更新】零食速報 每周新款零食、酒品點評
2天前
香港8大叉燒推介!柴灣人氣炭香叉燒、大圍勾魂叉
2022-11-08
神還原韓國復古大排檔!大角咀新打卡餐廳 必點招牌醬油蟹醬油蝦
2022-11-17
港式小菜館推介!超有鑊氣黑椒薯仔牛柳粒、原隻菠蘿咕嚕肉
2022-11-09