【密密食.密密賞】聖誕開飯好介紹 生蠔自助餐/吸睛聖誕甜品
2022-12-01

《密密食‧密密賞》趁住聖誕檔期又返嚟啦,約緊或者已經約咗聖誕飯聚嘅朋友仔留意啦,只要喺活動期間到指定餐廳消費,累積滿一定金額,就可以參加抽獎,分分鐘食餐飯就帶到部PS5返屋企,甚至係價值$8000嘅旅遊禮券!
繼續同大家介紹幾間酒店餐廳!

Café Circles    荃灣酒店自助餐  

聖誕要食得豐富啲,就梗係揀自助餐,乜都有得食!荃灣呢間酒店今年推出嘅聖誕自助餐,有好多嘢揀啊,除咗平時都會有嘅冰鎮海鮮、各式冷盤熱葷同即叫即燒肉類等,更加有節慶限定嘅聖誕烤火雞、燒原條美國頂級肉眼、聖誕泡芙塔同聖誕果餡金寶批等。每位食客仲會獲贈扒波士頓龍蝦配檸檬牛油汁半隻呢。聖誕火雞以多款香料醃製,燒到雞皮脆卜卜,點埋紅莓醬同雞肝汁就夠晒惹味。凡喺2022年12月10日或之前預訂指定日子聖誕節自助餐,更可享8折早鳥優惠。

詳細介紹► 【聖誕節自助餐】荃灣酒店嘆火雞、乳豬 現推8折早鳥優惠+送波士頓龍蝦


薈景 灣仔環宇盛宴自助餐  

今個聖誕未有出遊計劃嘅朋友仔,近近地飛住去灣仔先啦~ 會展餐廳推出嘅聖誕自助餐,以環宇盛宴為主題,可以一次過食到多個國家嘅美食。環球海鮮凍盤係必須嘅,仲要有無限量即開法國生蠔,加分。烤肉站有傳統聖誕燒香草火雞卷、菠蘿蜂蜜燒火腿同黑蒜香草焗羊排,都係平時buffet少見嘅菜式。對甜品控嚟講,聖誕主題甜品當然先係重頭戲,聖誕老人帽子蛋糕原來係紅桑子開心果脆蛋糕,傳統樹頭蛋糕亦變成白雪雪嘅彩虹聖誕海綿卷,既有氣氛又有新鮮感。驚喜梗係唔止咁少,平安夜同聖誕節嗰兩晚,聖誕老人仲會現身送聖誕禮物俾小朋友呢。

詳細介紹► 香港會議展覽中心薈景呈獻 「環宇盛宴」主題自助餐


The Food Gallery    尖沙咀海鮮自助餐  

繼續自助餐推介,出開去尖沙咀睇燈飾嘅朋友仔,可以考慮下同區嘅呢間酒店自助餐,有時令生蠔呀,啪多幾隻,再食多幾款新鮮凍海鮮、香烤原隻火雞同意式脆皮燒肉捲等都一定回本。而且仲有多款靚靚仔仔嘅應節甜品,好似百果餡餅、威士忌布甸、聖誕樹頭蛋糕同朱古力噴泉等。

詳細介紹►香港朗廷酒店呈獻聖誕餐飲慶典 綻放溫馨節日時刻


Main St. Deli   正宗紐約風味 

以正宗紐約風味作招徠嘅呢間餐廳,喺聖誕節期間特別準備咗3道節日佳餚,包括南瓜奶油湯、香烤原隻火雞配煙肉蘑菇餡,同埋黑森林樹頭蛋糕,簡約中亦見心思,重點係環境夠氣氛嘛。

詳細介紹►香港朗廷酒店呈獻聖誕餐飲慶典 綻放溫馨節日時刻


Bostonian Seafood & Grill 工業風早午餐 

解決咗晚餐,聖誕都仲有早餐、午餐或者Brunch要食,位於酒店內走工業風嘅呢間西餐廳有聖誕早午餐供應,豐富程度猶如一個晚餐!包括有生蠔、波士頓龍蝦、海螺、扇貝等多款時令海鮮、龍蝦湯、肉扒同海鮮主菜,更有多款清新健康嘅沙律選擇,就算唔小心食多咗少少都唔怕膩。甜品幾時都係主角,呢餐brunch當然都有得食:朱古力樹幹蛋糕、經典意大利蛋糕、德國傳統聖誕麵包、招牌芝士蛋糕等都喺度召喚緊各位喇。

詳細介紹►香港朗廷酒店呈獻聖誕餐飲慶典 綻放溫馨節日時刻


《密密食.密密賞》聖誕大抽獎!200份勁獎等你搶!

活動日期:2022 年11月22日 至 2023年1月2日
更多活動詳情:(按此
推廣生意的競賽牌照號碼:56353


關鍵字
密密食密密賞
聖誕節
自助餐
尖沙咀
灣仔
荃灣
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
【隨時更新】最後倒數!2024即將結業人氣/老字號餐廳
2天前
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27