【孖住食 更滋味】超值閨蜜、情侶二人餐 兼享現金回贈優惠
2020-10-16

每次同親閨蜜、伴侶出街食飯,最難嘅唔係夾期,而係揀餐廳。因為總係會想揀間坐得舒服又食得開心,最好價錢都開心嘅餐廳。但咁高要求,你估咁易搵咩?嗯,其實唔難!而家經OpenRice 喺指定餐廳訂座同時訂購套餐,即可以超值價格(已包加一)享用二人套餐,兼享現金回贈。重可以同時參與訂座大賞活動,最高可以贏得$1000嘅現金回贈添呀!優惠名額有限,先到先得,額滿即止啊。仲等咩呀?揀啱餐廳就快啲book定閨蜜/伴侶嘅期,訂座訂餐啦!

$428   滋味套餐

太子簡約打卡café    Cafe Paradise
二人訂座訂餐優惠:$428 二人滋味晚市套餐 (只限堂食) (原價$610,71折) 

位於太子嘅呢間café,裝修簡約,以白色為主調,仲有少少童話feel添,最啱就係同閨蜜或者另一半嚟食飯談心兼打個靚卡。

餐廳由擁有星級酒店經驗嘅廚師主理,食物質素有保證。二人餐包有餐湯、田園沙律、甜品同飲品外,另外仲有多款主菜選擇,好似龍蝦汁海鮮燴意大利飯、香脆豬手配燒汁等。如果鍾情石燒牛嘅朋友仔,呢個set都有得揀呀,可以自己控制牛肉嘅生熟度。石燒紐西蘭牛柳肉質軟腍,肉味濃郁。仲配有蒜蓉汁、黑椒汁同茄汁三款醬汁選擇;BBQ烤焗西班牙黑毛豬肋排嘅調味唔錯,烤得啱啱好,份量啱晒兩個人share。

佐敦工業風西餐  Pom's Kitchen & Deli 
二人訂座訂餐優惠:$428  晚市超值二人套餐 (只限堂食) (原價$600,71折) 

佐敦新派西餐走工業風路線,店主曾喺英國生活過,所以餐廳嘅佈置亦帶有英倫色彩,半開放式嘅設計令到空間感更大,豁然開朗。

呢度提供嘅西餐,多由傳統同新穎嘅食材配搭而成,為食客帶嚟新鮮感。二人餐包括是日餐湯配法式蒜蓉包、兩份自選頭盤、兩份自選主菜,同埋咖啡/茶。頭盤方面,有薯條、雞翼、海鮮同沙律嘅選擇,至於主菜就係意粉或意大利飯。推介忌廉茄茸蟹肉龍蝦扁意粉,有半隻波士頓龍蝦好吸睛,茄味香濃,仲啖啖鮮甜,扁意粉索晒啲汁呢。

$688  豐盛套餐

大坑生蠔專店   Taylor Shellfish Farms
二人訂座訂餐優惠:$688 晚市精選二人套餐 (只限堂食) (原價$939,73折) 

好多美食達人而家都識入大坑搵好嘢食架喇,有唔少生蠔迷都會專誠入大坑試呢間餐廳,生蠔種類夠晒多,由澳洲、法國、美國、愛爾蘭等地出產嘅都有。

今次嘅二人餐就可以試到兩款法國生蠔,同埋新推出嘅龍蝦海鮮燉湯。被稱為「蠔后」嘅法國黑珍珠生蠔,海水味濃,肉厚飽滿而爽脆;法國金箔皇御生蠔則感覺純厚,帶子味甜,餘韻帶果實味。至於龍蝦海鮮燉湯,則由龍蝦湯底配美國波士頓龍蝦、美國青口、美國蜆、帶子等多款海鮮,咁多種海鮮混埋一齊,鮮味當然十足。

旺角高級中菜  鷹巢
二人訂座訂餐優惠:$688 豐盛晚市套餐 (只限堂食) (原價$1088,63折) 

中菜同樣都有選擇。旺角呢間中菜廳,由經驗豐富嘅名廚主理,更曾於2017獲選為《香港及澳門最佳高級食府》,大有來頭呢,今次難得可以超抵價就食到!

二人套餐總共有6道菜再加甜品,當中仲有唔少高級食材添。例如菜膽姬松茸燉花膠、金錢扣九頭鮑魚等,夠晒享受。唔好睇少頭盤嘅金牌叉燒皇拼香蔥海蜇頭,叉燒係用上等梅頭肉中間最嫩最滑嘅位製作,少少燶邊,半肥瘦,入口軟腍。

 


期間限定:即日起至10月31日

活動詳情(按此


關鍵字
訂座
訂餐
優惠
大坑
九龍灣
太子
佐敦
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
2021-05-03
【2021生日優惠】持續更新!5月食日本直送海鮮送西班牙紅/白酒
7天前
帶媽媽味遊異國!母親節Brunch六選
2021-04-20
期間限定$1抹茶菠蘿包、$3竹炭菠蘿油 佐敦新開 2500 呎新派點心小廚
2021-04-30
荃灣新開 人氣名古屋班戟分店 首推沖繩紫薯梳乎厘班戟+班戟漢堡
2021-04-15