【外賣自取】心血來潮想食甜品!四大甜品店滋味好推介
2019-05-30

有時甜品癮一起,真係心都痕,想即刻大啖大啖食甜嘢。不過唔少熱門甜品店門外都經常排長龍,點解想嘆個飯後甜點都困難重重?唔怕,用OpenRice嘅外賣自取落單,就唔使餓住個甜品胃排隊,用Alipay畀錢仲即減2%!以下4間甜品店都用到外賣自取服務,唔使等之餘仲幫你慳埋錢啊!


宵夜甜品好地方 錦尚甜(柴灣) 
由經典甜品到創意款式都有齊嘅港式糖水店錦尚甜,款式咁多元化,實滿足到甜品胃叫肚餓嘅大家。特別推介皇牌芒果之戀配小丸子,芒果汁冰底一啲都唔酸,芒果味香濃,小丸子細細粒又煙韌,加埋一大球椰奶冰,味道更香甜,仲好解渴,炎炎夏日食翻碗絕對係天堂級享受。

足料養顏 啖啖燕窩(天后)
燕窩益氣補中、補肺治虛損,功效多多,加入甜品食仲好滋潤!天后啖啖燕窩提供超多款燕窩、雪燕、花膠、桃膠糖水,包括蜂蜜3.6牛奶燉燕窩、招牌椰汁燉雪燕、紅棗杞子北海道3.6牛奶燉花膠等,每款用料高貴仲好足料,非常清潤,各位注重健康同養顏嘅人士一定會鍾意!

圖:Xx_aki

消暑冰品佳選 聰少甜品(屯門) 
聰少甜品主打嘅鮮果冰令人食過翻尋味,當中嘅龍眼椰果冰每碗都嚴格保證以30粒龍眼肉打成,龍眼肉會先放雪櫃冷凍,令口感更加突出,面頭放上爽口椰果,清涼感覺瞬間爆發。另外仲有鮮果豆腐花系列同傳統甜品選擇,顏色繽紛,選擇又豐富,一定止到大家條甜品癮。

輕路線甜品店 明記甜品(天后)
明記係走年輕路線嘅一間甜品店,除咗一般港式甜品外,亦提供窩夫、心太軟同烤棉花糖燉蛋等新派甜品。烤棉花糖燉蛋係明記招牌甜品,非常受歡迎,烤過嘅棉花糖外層脆卜卜,配埋香甜燉蛋令人食唔停口。另外仲有即叫即製果汁提供,天時暑熱飲翻杯立即透心涼。
關鍵字
甜品
外賣自取
優惠
折扣
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】最後倒數!即將結業的老字號及人氣小店
6天前
【隨時更新】零食速報 每周新款零食、酒品點評
3天前
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
【隨時更新】全城抗炎!多間集團餐廳及老字號宣佈 暫停晚巿或休業 (內附名單)
2020-04-29